<p><span style="font-size: 12px; color: #000000;">ការលាបពណ៌ផ្ទះ គឺជារឿងសំខាន់ដែលអ្នកពុំអាចមើលរំលងបានឡើយ។ អ្នកអាចរើសពណ៌ផ្ទះទៅតាមចំណង់ចំណូលចិត្ត តាមការនិយម ឬទៅតាមហុងស៊ុយ ហើយពណ៌ផ្ទះរបស់អ្នក ត្រូវតែជាពណ៌ដែលបន្ថែមថាមពល ភាពរីករាយ ទៅលើការរស់នៅរបស់គ្រួសារអ្នក។</span></p>
<p><span style="color: #000000;">អត្ថន័យនៃពណ៌ ដែលអ្នកគួរជ្រើសរើស៖</span></p>
<p><span style="color: #000000;"><strong>ពណ៌ទឹកក្រូច</strong>៖ ជួយធ្វើឲ្យការគិតរបស់អ្នកកាន់តែទូលំទូលាយ</span></p>
<p><span style="color: #000000;">ពណ៌នេះ នឹងជួយឲ្យអ្នកហ៊ានបង្ហាញខ្លួនរបស់អ្នក ទៅកាន់ពិភពខាងក្រៅ ដោយភាពជឿជាក់។ ម្យ៉ាងទៀត ពណ៌មួយនេះ តែងតែធ្វើឲ្យអ្នកមានអារម្មណ៍ ស្រស់ស្រាយ និងក្មេងជាងវ័យ។ វាជាពណ៌តំណាងឲ្យភាពសប្បាយរីករាយ និងការអបអរ។</span></p>
<p><span style="color: #000000;"><strong>ពណ៌ខៀវស្រងាត់</strong>៖ ជួយជម្រុញទឹកចិត្ត</span></p>
<p><span style="color: #000000;">ពណ៌នេះនឹងជួយអ្នក ឲ្យរកឃើញអ្វីថ្មីៗ ដែលសំខាន់សម្រាប់ជីវិត។ វាជួយឲ្យអ្នកអាចវិភាគបានល្អិតល្អន់ ទាំងរឿងតូច និងធំ។ ជាធម្មតា នៅពេលដែលអ្នកចង់សម្រេចចិត្តអ្វីមួយ អ្នកគួរតែពាក់សម្លៀកបំពាក់ពណ៌ខៀវចាស់។</span></p>
<p><span style="color: #000000;"><strong>ពណ៌បៃតង</strong>៖ ជួយបង្កើនភោគទ្រព្យ</span></p>
<p><span style="color: #000000;">វាគឺជាពណ៌នៃធម្មជាតិ ហើយវាមានទំនាក់ទំនងទៅនឹងភាពរីកចម្រើន។ វាគឺជាពណ៌នៃការចាប់ផ្តើមល្អស្រស់ស្រាយ និងការលូតលាស់។ ពណ៌បៃតងនឹងជួយឲ្យលើកទឹកចិត្តអ្នក ឲ្យស្រលាញ់នូវទេពកោសល្យរបស់ខ្លួនឯង ដែលបានមកពីធម្មជាតិ។ </span></p>
<p><span style="color: #000000;"><a class="thickbox" title="" href="/FileManager/Commons/2018/1/18/2-18-01-2018--10-48-30.png"><img src="/FileManager/Articles/mce/2018/1/18/2-18-01-2018--10-48-30.png" alt="" /></a><br /></span></p>
<p><span style="color: #000000;"><strong>ពណ៌ស្វាយ</strong>៖ ជួយខាងស្មារតី</span></p>
<p><span style="color: #000000;">ពណ៌នេះជួយធ្វើឲ្យអ្នកមានការគិតថ្មីមួយ ទៅលើបញ្ហាផ្សេងៗ ហើយអ្នកដែលចូលចិត្តពណ៌នេះ គឺជាមនុស្សមានទំនោរខាងមនុស្សធម៌។</span></p>
<p><span style="color: #000000;"><a class="thickbox" title="" href="/FileManager/Commons/2018/1/18/4-18-01-2018--10-49-49.png"><img src="/FileManager/Articles/mce/2018/1/18/4-18-01-2018--10-49-49.png" alt="" /></a><br /></span></p>
<p><span style="color: #000000;"><strong>ពណ៌ខៀវស្រស់</strong>៖ សន្តិភាព</span></p>
<p><span style="color: #000000;">ពណ៌នេះតែងផ្តល់នូវភាពសុខស្ងប់ សុខដុមរមនា ក្នុងគ្រួសារ និងភាពសុខសាន្តសម្រាប់គូស្វាមីភរិយា។ នៅពេលដែលអ្នកប្រើពណ៌ខៀវស្រស់សម្រាប់ផ្ទះរបស់អ្នក អ្នកនឹងសង្កេតឃើញថា អ្នកអាចគ្រប់គ្រងកំហឹង និងអាចរកដោះស្រាយបញ្ហាដោយសន្តិវិធី។</span></p>
<p><span style="color: #000000;"><strong>ពណ៌ក្រហមស្រស់</strong>៖ ជួយការពារអ្នក</span></p>
<p><span style="color: #000000;">ពណ៌នេះ ធ្វើឲ្យអ្នកមានភាពអង់អាចក្លាហាន និងមិនចេះខ្លាចអ្វីទាំងអស់។ អ្នកគួរតែជ្រើសរើសពណ៌ក្រហម នៅពេលដែលអ្នកចង់បង្កើនទំនុកចិត្តលើខ្លួនរបស់អ្នក។</span></p>
<p><span style="color: #000000;"><strong>ពណ៌លឿង</strong>៖ ជួយបង្កើនការផ្តោតអារម្មណ៍របស់អ្នក</span></p>
<p><span style="color: #000000;">ពណ៌លឿងត្រូវបានគេស្គាល់ថាជាពណ៌មួយតំណាងឲ្យភាពវៃឆ្លាត នៃសមត្ថភាពខួរក្បាល។ វាអាចជួយឲ្យការសន្ទនាមានលក្ខណៈប្រសើរ ពោរពេញដោយគំនិតថ្មីៗ។</span></p>
<p><span style="color: #000000;"><strong>ពណ៌ផ្កាឈូក</strong>៖ ចិត្តទូលាយ</span></p>
<p><span style="color: #000000;">ភាពទន់ភ្លន់ និងជាពណ៌តំណាងឲ្យសេចក្តីស្រលាញ់។ ពណ៌ផ្កាឈូកជួយធ្វើឲ្យអារម្មណ៍សប្បាយរីករាយ ចិត្តទូលាយ និងធ្វើឲ្យអារម្មណ៍ល្អ។អ្នកគួរតែប្រើពណ៌ផ្កាឈូក ប្រសិនបើអ្នកចង់ឲ្យខួរក្បាលរបស់អ្នកស្រស់ថ្លា ៕ </span></p>
<p><span style="color: #000000;"><a class="thickbox" title="" href="/FileManager/Commons/2018/1/18/3-18-01-2018--10-49-11.png"><img src="/FileManager/Articles/mce/2018/1/18/3-18-01-2018--10-49-11.png" alt="" /></a> </span></p>
<p><a class="c_tab" href="http://fullhouse.com.kh/" target="_blank"><img src="/FileManager/Articles/mce/2018/1/18/full-house-18-01-2018--10-50-04.png" alt="" /></a></p>
<p style="text-align: right;"><span style="color: #000000;">ប្រភព៖ housebeautiful</span></p>