<p><strong>ភ្នំពេញៈ</strong> ជនបរទេស២នាក់ ដែលម្នាក់ ជាជនជាតិ អូស្ត្រាលី និងម្នាក់ទៀត ជាជនជាតិស្បែក<br />ខ្មៅ ត្រូវបាន គេប្រទះឃើញ ដេកស្លាប់ ក្នុងពេលតែមួយ នៅក្នុងសង្កាត់ផ្សារកណ្តាលទី១ ខណ្ឌ<br />ដូនពេញ រាជធានីភ្នំពេញ ដោយពុំទាន់ ដឹងមូលហេតុច្បាស់លាស់ ។</p>
<p>យោងតាម ប្រភពព័ត៌មាន ពីសមត្ថកិច្ច បានឱ្យដឹងថា កាលពីវេលា ម៉ោង៨និង១០នាទីព្រឹក ថ្ងៃទី<br />១១ ខែ មករា ឆ្នាំ២០១៣ មានជនបរទេសម្នាក់ (ជនជាតិស្បែកខ្មៅ) ឈ្មោះ “ចន” បានដេកស្លាប់ <br />លើបង់ មួយកន្លែង ខាងមុខហាងមេស្ស (អ៊ុតសក់បុរសនារី) នៅតាមបណ្ដោយផ្លូវលេខ ១៣០ <br />កែងផ្លូវព្រះស៊ីសុវត្ថិ សង្កាត់ផ្សារ កណ្ដាលទី១ ខណ្ឌដូនពេញ ។ សពបុរសជនជាតិស្បែកខ្មៅនេះ<br /> ត្រូវបានគេរាយការណ៍ថា រូបគាត់ បានដើរ ទ្រេតទ្រោធ ទំនងជាស្រវឹងស្រា ហើយឈប់ដេក នៅ<br />កន្លែងកើតហេតុ កាលពីយប់ ថ្ងៃទី១០ ខែមករា ប៉ុន្តែគេពុំដឹងថា គាត់បានផុតដង្ហើម តាំងពី ពេល<br />ណានោះទេ លុះដល់ពេលព្រលឹមឡើង អ្នកស្រុក ក៏នាំគ្នា ផ្អើលឆោឡោ ថាគាត់បានដេកស្លាប់ <br />តែម្តង ។ តែទោះជាយ៉ាងណា សមត្ថកិច្ច បានសន្និដ្ឋាន ជំហ៊ានដំបូងថា ជនបរទេសម្នាក់នេះ បាន<br />ស្លាប់ ដោយសារតែជំងឺគាំងបេះដូង។</p>
<p>ដោយឡែក ក្រោយហេតុការណ៍ ប្រទះឃើញជនជាតិស្បែកខ្មៅ ខាងលើដេកស្លាប់លើបង់ ប្រ<br />មាណ ១ម៉ោងក្រោយមក ពោលគឺម៉ោង៩ និង១០នាទី ព្រឹកថ្ងៃទី១១ ខែមករាដែរ ក៏មានបុរសជន<br />ជាតិ អូស្ដ្រាលីម្នាក់ទៀតត្រូវបានបុគ្គលិកសណ្ឋាគារ ប្រទះឃើញដេក ស្លាប់នៅបន្ទប់លេខ៥១៣ <br />នៃសណ្ឋាគារ អូហាណា តាមបណ្ដោយផ្លូវលេខ ១៤៨ កែងផ្លូវព្រះស៊ីសុវត្ថិ សង្កាត់ផ្សារ កណ្ដាល<br />ទី១ ខណ្ឌដូនពេញ ដោយពុំដឹងមូលហេតុ។ មិត្តភ័ក្តិជនរងគ្រោះ បាននិយាយថា បុរសជនជាតិ អូ<br />ស្ដ្រាលី មានឈ្មោះ “ចន” ដែរ អាយុ៣៩ឆ្នាំ មានជំងឺប្រចាំកាយធ្ងន់ធ្ងរ ។</p>
<p>តែប្រភពមួយផ្សេងទៀត បានឱ្យដឹងថា ជនរងគ្រោះ និងមិត្តភ័ក្តិរបស់គេ បានមកជួលដេក នៅ<br />សណ្ឋាគារអូហាណា នៅយប់ថ្ងៃទី១០ ខែមករា ប៉ុន្តែគេពុំដឹងថា នៅពេលដែលជនរងគ្រោះស្លាប់<br />នោះ ជនជាតិបរទេស ដែលជាមិត្តភ័ក្តិរបស់គេ នៅដេកជាមួយគ្នាដែរ ឬក៏អត់នោះទេ។</p>
<p>សរុបមក គ្រាន់តែ១យប់ថ្ងៃទី១០ ខែមករា ឆ្នាំ២០១២ នៅម្តុំផ្សារកណ្តាល មានជនបរទេសដេក<br />ស្លាប់រហូតដល់ទៅ២នាក់ តែទោះជាយ៉ាងណា សមត្ថកិច្ចនៅមិនទាន់រកឃើញ ពីមូលហេតុច្បាស់<br />លាស់នៃការស្លាប់ របស់ ពួកគេទាំង២នាក់នេះ នៅឡើយទេ ៕</p>
<p><a class="thickbox" title="" href="/FileManager/Commons/2013/1/11/s2960-11-01-2013--16-54-29.jpg"><img src="/FileManager/Articles/mce/2013/1/11/s2960-11-01-2013--16-54-29.jpg" alt="" /></a></p>
<p><a class="thickbox" title="" href="/FileManager/Commons/2013/1/11/s2961-11-01-2013--16-54-41.jpg"><img src="/FileManager/Articles/mce/2013/1/11/s2961-11-01-2013--16-54-41.jpg" alt="" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>