<p><span style="color: #000000;"><strong>(ព្រះសីហនុ)៖</strong> ក្រុមអាជីវករដែលមានតូបលក់ដូរ នៅតាមតំបន់មាត់សមុទ្រ អ្នកខ្លះលក់រយៈពេល៥ឆ្នាំ ហើយខ្លះទៀតលក់រយៈពេល១៥ឆ្នាំមកហើយ បានផ្ទុះការតវ៉ា និងសុំឲ្យអង្គភាព Fresh News ចុះផ្សាយ ដើម្បីសុំកិច្ចអន្ដរាគមន៍ពីសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បន្ទាប់ពីលោក ឈិន សេងងួន អភិបាលរងខេត្តព្រះសីហនុ កោះប្រជុំឲ្យពួកគាត់រុះរើតូបទាំងអស់ មុនថ្ងៃបុណ្យចូលមកដល់ ពោលគឺថ្ងៃទី០១ ខែមករា ឆ្នាំ២០១៧ខាងមុខនេះ។</span></p>
<p><span style="color: #000000;">ក្រុមអាជីវករ ដែលសុំមិនបញ្ចេញឈ្មោះ បានប្រាប់អង្គភាព Fresh News នៅថ្ងៃទី១២ ខែកញ្ញា ឆ្នាំ២០១៦នេះថា នៅពេលសង់តូប អភិបាលខេត្តជាអ្នកអនុញ្ញាតឲ្យ សង់ដោយទុកផ្លូវសមុទ្រដើរកំសាន្ត ព្រមទាំងយកលុយពីអាជីវករ ដើម្បីក្រាលការ៉ាឡឲ្យបានស្អាតផង ពេលនោះលោក ឈិន សេងងួន ក៏ជាអភិបាលរងខេត្តដែរ ហើយអាជីវករចូរលុយគ្នា អនុវត្តតាម អស់លុយជាច្រើន ក្នុងតូបនីមួយៗ ដូចនេះប្រជាពលរដ្ឋពុំមានលុយ រុះនឹងរើ មិនឈប់មិនឈរ បត់បែនតាមការដេកយល់សព្វរបស់លោកទេ។</span></p>
<p><span style="color: #000000;">អាជីវករបន្ថែមថា <strong>«មានតែសម្តេចតេជោទេ ដែលអាចជួយដោះស្រាយបញ្ហានេះបាន ពីព្រោះនេះជាឆ្នាំងបាយរបស់ពួកយើងទាំងអស់គ្នា បើឲ្យរុរើតើទៅលក់ដូរនៅទីណា មិនបានទេ សូមសម្តេចជួយផង»</strong>។</span></p>
<p><span style="color: #000000;"><strong>ក្រុមអាជីវករទាំងនេះ បានសំណូមពរដល់អាជ្ញាធរខេត្ត នូវចំណុចមួយចំនួនរួមមាន៖</strong></span></p>
<p><span style="color: #000000;">ទី១-សូមឲ្យលោក ឈិន សេងងួន រុះរើរៀបចំនៅមុខសាលាខេត្ត មុនគេដើម្បីធ្វើជាគំរូ ដល់អជីវករទាំងអស់ បើធ្វើមិនបានសូមលោកចុះចេញពីអភិបាលរងខេត្ត ព្រោះមុខសាលាខេត្ត ជាមុខមាត់របស់ខេត្ត</span></p>
<p><span style="color: #000000;">ទី២-ការចំណាយថវិការ រុះរើ រៀបចំសង់ថ្មី គឺលោក ឈិន សេងងួន ជាអ្នកចំណាយ ព្រោះអាជីវកររកស៊ីមួយរស់ទេ ហើយរកមួយថ្ងៃសម្រាប់ រស់មួយថ្ងៃ ពុំមានលុយសល់សម្រាប់រុះរើ តាមចិត្តរបស់លោក ឈិន សេង ងួន ទេ សូមយកគំរូតាមលោក ជា សុផារ៉ា ធ្វើក្លោងទ្វរសមុទ្រទាំងអស់ឲ្យស្អាត ពុំចាំបាច់យកលុយពីប្រជាពលរដ្ឋ នេះហើយធ្វើឲប្រជាពលរដ្ឋសប្បាយចិត្ត ស្របតាមអនុសាសន៍សម្តេចតេជោ ហ៊ុន សែន នាយករដ្ឋមន្ដ្រីនៃកម្ពុជាថា <strong>«ធ្វើអ្វីគ្រប់យ៉ាងដើម្បីប្រជាពលរដ្ឋមានប្រយោជន៍ ប្រជាពលរដ្ឋជាកូន ជាចៅ រដ្ឋអំណាចគ្រប់ជាន់ថ្នាក់ ត្រូវបំរើពលរដ្ឋ»</strong></span></p>
<p><span style="color: #000000;">ទី៣-សំណូមពរដល់លោក ឈិន សេងងួន ដែលកាន់អភិបាលខេត្តរងច្រើនឆ្នាំកន្លងមក កសាងស្នាដៃក្នុងខេត្តព្រះសីហនុ ឲ្យបានល្អមុនពេលបុណ្យសមុទ្រថ្ងៃទៅ កុំចេះតែរុះ និងរើ បើលោក សេងងួន ធ្វើមិនបានទេ ប្រជាពលរដ្ឋនឹងសុំទៅសម្តេចតេជោ ហ៊ុន សែន ពិនិត្យការងាររបស់គាត់ ព្រោះគាត់ចេះរុះ និងរើ គាត់មានឡានច្រើនគ្រឿង និងផ្ទះច្រើនកន្លែងណាស់ ហេតុនេះហើយទើបលោក មិនខ្វល់ពីការលំបាករបស់អាជីវករ មិនខ្វល់ពីកូនចៅរបស់ខ្លួន។</span></p>
<p><span style="color: #000000;">ទី៤-សូមឲ្យលោក សេងងួន ដោះស្រាយបញ្ហា សំរាម ធុងសំរាម កព្ឆោរសំរាមកញ្ចាស់ៗ ទឹកលូ បង្គន់របស់អូតែល ភោជនីយដ្ឋាន ដែលបង្ហូចូលសមុទ្រឲ្យបាន រីឯសត្វគោ ក្របី ដេកជុះអាចម៍តាមផ្លូវ ៣០ឆ្នាំហើយធ្វើមិនបាន កុំមកធ្វើបាបអាជីវករតូចតាច រកស៊ី មួយពោះ រស់បានមួយថ្ងៃនោះ។ យ៉ាងណាក៏ដោយអង្គភាព Fresh News មិនទាន់អាចសុំការបំភ្លឺពីលោក យន្ត មីន អភិបាលខេត្តព្រះសីហនុ និងអភិបាលរងរូបនោះបាននៅឡើយទេ នៅរសៀលថ្ងៃទី១២ ខែកញ្ញា ឆ្នាំ២០១៦នេះ៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-12-14-15-40-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-12-14-15-43-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>