<div class="article-content">
<p><strong>កណ្ដាល ៖</strong> សពស្ដ្រីអាយុជាង ២០ឆ្នាំ ម្នាក់ ត្រូវបានគេប្រទះឃើញ ដោយចងក ជាប់នឹងធ្នឹមផ្ទះ <br />ក្នុងដីឡូតិ៍របស់ខ្លួនដោយមានសភាពហើមស្អុយទៅហើយ ស្ថិតនៅ ភូមិព្រែកតាពៅ សង្កាត់ដើម<br />មៀន ក្រុងតាខ្មៅ ខេត្ដកណ្ដាល ប៉ុន្ដែ ករណីសពស្ដ្រី ដោយឃើញចងកខាងលើនេះ ត្រូវបានគេ <br />សង្ស័យថា ជាអំពើឃាតកម្ម មិនមែនជា អំពើអត្ដឃាតនោះទេ ។</p>
<p>ករណីប្រទះឃើញ សពស្ដ្រីចងកនៅក្នុង ដីឡូតិ៍ផ្ទះរបស់ខ្លួន ខាងលើនេះ បានកើតឡើង កាលពី<br />ព្រឹកថ្ងៃទី២៦ ខែកក្កដា ឆ្នាំ ២០១៣ ស្ថិតនៅចំណុចកើតហេតុខាងលើ។</p>
<p>យោងតាមមន្ដ្រីនគរបាលមូលដ្ឋានដែល ចុះទៅពិនិត្យនៅកន្លែងកើតហេតុនោះ បាន ឱ្យដឹងថា<br /> ស្ដ្រីរងគ្រោះរូបនេះមានឈ្មោះ សែម សូនីតា អាយុជាង២០ឆ្នាំ មានទីលំនៅក្នុងរាជធានីភ្នំពេញ។</p>
<p>បើតាមប្រភព ព័ត៌មានពីប្រជាពលរដ្ឋ រស់នៅក្បែរខាង បានឱ្យដឹងថា សពស្ដ្រីរងគ្រោះត្រូវបាន<br />ម្ដាយ មីងរបស់ខ្លួនប្រទះឃើញ នៅពេលដែលរូប គាត់ មករកឯកសារសម្រាប់ការបោះឆ្នោត ពី<br />ព្រោះផ្ទះនេះ គាត់បានរស់នៅមួយរយៈ ពេល មុននឹងប្ដូរទីតាំង ទៅនៅកន្លែងផ្សេង។</p>
<p>បើតាមប្រជាពលរដ្ឋ ខាងលើនេះបាន ឱ្យដឹងទៀតថា ផ្ទះកើតហេតុជាកម្មសិទ្ធិ របស់ឪពុក-ម្ដាយ<br />នារីរងគ្រោះ ប៉ុន្ដែ នៅ ពេលដែលឪពុក-ម្ដាយនាងលែងលះគ្នា ស្ដ្រី ជាម្ដាយ និងកូនស្រី ២នាក់ <br />បានធ្វើដំណើរ ទៅរស់នៅឯខេត្ដសៀមរាប ហើយទុកផ្ទះ នេះប្រគល់ជូនបងប្អូន ២នាក់ ក្នុងនោះ<br />មាន ជនរងគ្រោះម្នាក់ ។</p>
<p>បើតាមប្រជាពលរដ្ឋដដែល ផ្ទះកើត ហេតុ បានចាក់សោរចោលពុំមានមនុស្សរស់ នៅអស់រយៈ<br />ពេលជាង ១ឆ្នាំមកហើយ ប៉ុន្ដែគេតែងតែឃើញ នារីរងគ្រោះ និងប្អូន ស្រីរបស់ខ្លួន បានមកលេង<br />ផ្ទះម្ដងម្កាល រួម ទាំងនាំមិត្ដភ័ក្ដិទៅលេងផងដែរ ។</p>
<p>យោងតាមប្រភពព័ត៌មានមួយទៀត បានឱ្យដឹងថា មុនពេលកើតហេតុគេឃើញ នារីរងគ្រោះជិះ<br />ម៉ូតូជាមួយមិត្ដភ័ក្ដិរបស់ខ្លួន ក្នុងនោះ ក៏មានមិត្ដភ័ក្ដិប្រុស ផងដែរចូល ទៅក្នុងផ្ទះ ហេតុដូច្នេះ<br />ហើយការស្លាប់របស់ នារីរងគ្រោះ មិនមែនជាអំពើអត្ដឃាតនោះ ទេ អាចជាករណីឃាតកម្មគិត<br />ទុកជាមុន ដើម្បីប្លន់យកទ្រព្យសម្បត្ដិជាដើម ។</p>
<p>ទាក់ទិនករណីខាងលើនេះ អធិការនគរ បាលក្រុងតាខ្មៅ លោក ស៊ឹម ប៊ុតបណ្ឌិត បានឱ្យដឹងថា <br />សមត្ថកិច្ចរបស់លោកមិនទាន់ អាចសន្និដ្ឋានច្បាស់លាស់ថា ជាអំពើអ្វីនោះទេ ដោយរង់ចាំស្ដ្រី<br />ជាម្ដាយរបស់នាងត្រឡប់ មកពីខេត្ដសៀមរាបសិន ដើម្បីសួរនាំ រួច ហើយនឹងធ្វើការស្រាវជ្រាវ<br />តាមជំនាញរបស់សមត្ថកិច្ចបន្ដទៀត ដើម្បីរកឱ្យឃើញថា តើការស្លាប់របស់ស្ដ្រីរងគ្រោះជាអំពើ<br /> អត្ដឃាត ឬជាអំពើឃាតកម្មនោះ ៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-1244.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-1245.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-1246.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>