<p><span style="color: #000000;">ព័ត៌មានកីឡាករ ៖ ចង្កោមមនោសញ្ចេតនា ស្នេហាត្រីកោណ ទំនងជាកំពុងតែសន្ធិតចូលក្នុង ដំណើរជីវិត តារា Real Madrid ម្ដងទៀត ក្រោយពីលេចចេញដំណឹងថា អ្នកថ្មីដែលទើបតែចូលមកដល់ ត្រូវបានគេ សង្ស័យថាមានម្ចាស់គ្រប់គ្រងបន្ដទៀតហើយ ។ </span></p>
<p><span style="color: #000000;">យោងតាមការចុះផ្សាយកន្លងមកបានបង្ហាញរួចម្ដងហើយថា Ronaldo បានកំពុងសាងចំណងស្នេហ៍ថ្មីជាមួយតារា ពិធីការីនីព័ត៌មានកីឡា ឈ្មោះថា Vanessa Huppenkothen បន្ទាប់ពីបានបែកបាក់ពី តារាម៉ូដែលដ៏ល្បីឈ្មោះជនជាតិ រុស្ស៊ី ឈ្មោះថា Irina Shayk បន្ទាប់ពីមានទំនាក់យ៉ាងយូរអង្វែងរហូតដល់ទៅ ៥ ឆ្នាំ។ </span></p>
<p><span style="color: #000000;">ប្រភពព័ត៌បានចុះផ្សាយទៀតថា ក្រោយពីពួកគេទាំងពីរបានបែកគ្នាទៅ Ronaldo ត្រូវបានគេមើលឃើញថា មានទំនាក់ទំនងយ៉ាងជិតស្និតជាមួយតារាពីធីករ ម្នាក់នោះ ។ Ronaldo បានបង្ហាញទឹកមុខដូចជាមាន អារម្មណ៍ល្អជាមួយ អ្នកថ្មីខ្លាំងណាស់ ខណៈដែលអ្នកទាំងពីរ បានថតរូបជាមួយគ្នាកាលពីថ្ងៃកីឡាករ ទទួលពានរង្វាន់កីឡាករឆ្នើមពិភពលោក ដោយបាល់មាសនាដើមឆ្នាំនេះ។ មិនត្រឹមតែប៉ុណ្ណោះ ព័ត៌មានក្រៅស្រុក និង ក្នុងស្រុកជាច្រើន ក៏ចេញផ្សាយថា អ្នកទាំពីកំពុងតែ បណ្ដុះពន្លកស្នេហាក្រោយពី Ronaldo បានបាត់បង់រួចម្ដងហើយ ។ </span></p>
<p><span style="color: #000000;">ប៉ុន្ដែទន្ទឹមនឹងការមើលឃើញដូច្នេាះ មិត្ដភាពស្នេហ៍ក្រោយរបស់ Ronaldo ពេលនេះ ក៏ស្ថិតក្នុងចង្កោមស្នេហាត្រីកោណ ម្ដងទៀតហើយ ក្រោយពីគេបានឃើញ Vanessa Huppenkothen មានណាត់ជាមួយ Javier Hernandez ដែលជាខ្សែប្រយុទ្ធរបស់ Man United នៅឯប្រលានយន្ដហោះ ដោយបង្ហាញចេញនៅសកម្មភាពស្និតស្នាលគួជាទីកត់សំគាល់ដូចជា ការឱប ថើប ជញ្ជក់ ត្រូវគេថតបាន ។ ហើយមិនត្រឹមតែប៉ុណ្ណោះ Hernandez ក៏បានជូន នាងទៅផ្ទះទៀតផង។ ដូចគ្នាទៅនឹងអ្វីដែលលើកឡើងនោះ Vanessa បានប្រាប់អ្នកសារព័ត៌មានថា នាងពិតជាបានណាត់ជួបនឹង បុរសម្នាក់នោះមែន ហើយ រឿងមួយទៀត ដែលគាត់បានស្គាល់គ្នាជាមួយ Ronaldo គឺគ្រាន់តែជាការ ស្រលាញ់ក្នុងមិត្ដភាពមនោសញ្ចេតនាជាមិត្ដភក្ដិតែប៉ុណ្នោះ គ្មានអ្វីដែលលើសពីនេះទៀតទេ ។ </span></p>
<p><span style="color: #000000;">រហូតមកទល់ពេលនេះ នៅមិនទាន់មានដំណឹងលេចឮអ្វីបន្ដទៀតឡើយ ពី កីឡាករ Ronaldo ខណៈដែលដំណឹងនេះ បានលេចចេញពាសពេញព័ត៌ក្នុងប្រទេស អេស្ប៉ាញ។ ឆ្លងកាត់ ពាក្យសម្ដីចុងក្រោយ ប៉ុន្មានម៉ាត់នេះ ធ្វើឲ្យមានការលេចចេញនូវ អនុសាសងឿងឆ្ងល់ជាច្រើនថា តើនឹងទៅជាយ៉ាងណាទៅនៅពេល បន្ទាប់ រវាងអ្នកទាំង ៣ ?</span></p>
<p><span style="color: #000000;"><a class="thickbox" title="" href="/FileManager/Commons/2015/3/27/3-27-2015-10-39-42-am-27-03-2015--10-44-08.png"><span style="color: #000000;"><img src="/FileManager/Articles/mce/2015/3/27/3-27-2015-10-39-42-am-27-03-2015--10-44-08.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/3/27/3-27-2015-10-16-27-am-27-03-2015--10-44-21.png"><span style="color: #000000;"><img src="/FileManager/Articles/mce/2015/3/27/3-27-2015-10-16-27-am-27-03-2015--10-44-21.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/3/27/3-27-2015-10-41-07-am-27-03-2015--10-45-25.png"><span style="color: #000000;"><img src="/FileManager/Articles/mce/2015/3/27/3-27-2015-10-41-07-am-27-03-2015--10-45-25.png" alt="" /></span></a></span></p>
<p style="text-align: center;"><span style="color: #000000;"><em>អតីតមិត្ដស្រីរបស់ Ronaldo ឈ្មោះថា Irina Shayk </em></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ Mirror</span></p>