<p><strong style="color: #000000; font-size: 12px;">ស្រ្ដីក្នុងគ្រួសារ គួររៀបចំខ្លួនរួចជាស្រេច មុនពេលអ្នកមានផ្ទៃពោះ មុនពេលរួមភេទជាមួយប្ដី យ៉ាងហោចណាស់ ឱ្យបាន ៣ខែ ។ សកម្មភាពមួយចំនួន ស្ត្រី គួរយល់ដឹង ដូចជា បញ្ឈប់ការជក់បារី កំណត់ទម្ងន់ដើម្បីសុខភាព ត្រួតពិនិត្យឱសថ ដែលអ្នកកំពុងប្រើប្រាស់ ។ កត្តាសំខាន់ៗ ៤ យ៉ាងន ដែលអ្នកអាចអនុវត្ដដើម្បីបង្កើនសុខភាព មុនពេលមានផ្ទៃពោះ រួមមាន៖</strong></p>
<p><span style="color: #000000;">១. ចូរអ្នកទទួលទានឱសថប្រភេទ អាស៊ីដ Folic ឱ្យបាន ៤០០ ទៅ ៨០០ មីក្រូក្រាមរៀងរាល់ថ្ងៃ ប្រសិនបើអ្នក</span><br /><span style="color: #000000;"> គ្រោងមានផ្ទៃពោះ ឬអាចមានផ្ទៃពោះ ដើម្បីកាត់បន្ថយគ្រោះថ្នាក់នៃការវិវឌ្ឍន៍ទារកមិនពេញលេញដូចជា ខួរក្បាល</span><br /><span style="color: #000000;"> និងឆ្អឹងខ្នងជាដើម ។ ស្រ្ដីគ្រប់រូបត្រូវការចាំបាច់នូវបរិមាណអាស៊ីដ Folic រាល់ថ្ងៃ។ ចូរអ្នកប្រឹក្សាជាមួយ វេជ្ជបណ្ឌិតអំពីតម្រូវការវីតាមីន និងអាស៊ីដ Folic ។ វេជ្ជបណ្ឌិតមួយចំនួន ចេញវេជ្ជបញ្ជាឱ្យប្រើប្រាស់ឱសថមានវីតាមីន</span><br /><span style="color: #000000;"> មុនពេលមានផ្ទៃពោះ ដែលសម្បូរទៅដោយបរិមាណជាតិអាស៊ីដ Folic ខ្ពស់ ។</span><br /> <br /><span style="color: #000000;"> ២. ប្រសិនបើអ្នកកំពុងទទួលការព្យាបាលជំងឺអ្វីមួយ ត្រូវឱ្យប្រាកដថា អ្នកទទួលបានការព្យាបាលត្រឹមត្រូវ។</span><br /><span style="color: #000000;"> អាការៈរោគមួយចំនួន អាចមានផលប៉ះពាល់ដល់ការមានផ្ទៃពោះ ឬអាចមានឥទ្ធិពលមិនល្អ ដូចជា ប្រភេទជំងឺ</span><br /><span style="color: #000000;"> ហឺត ជំងឺទឹកនោមផ្អែម បញ្ហាសុខភាពទូទៅ សភាពធាត់ខ្លាំង ឬរោគប្រកាច់ជាដើម។</span></p>
<p><br /><a class="thickbox" title="" href="/FileManager/Commons/2017/7/21/2-21-07-2017--15-18-17.png"><img src="/FileManager/Articles/mce/2017/7/21/2-21-07-2017--15-18-17.png" alt="" /></a><br /> <br /><span style="color: #000000;"> ៣. ចូរប្រឹក្សាជាមួយវេជ្ជបណ្ឌិត អំពីវេជ្ជបញ្ជាប្រើប្រាស់ឱសថ និងបរិមាណថ្នាំច្រើនហួស ដែលអ្នកកំពុងប្រើប្រាស់។</span><br /><span style="color: #000000;"> ទាំងនេះរួមបញ្ចូលទាំងអាហារូបត្ថម្ភ ឬរុក្ខឱសថផងដែរ ហើយចូរអ្នកធ្វើឱ្យប្រាកដថា វ៉ាក់សាំងបង្ការដែលអ្នក</span><br /><span style="color: #000000;"> ចាក់ គឺមិនផុតកាលបរិច្ឆេទទេ។</span><br /> <br /><span style="color: #000000;"> ៤. ចូរជៀសវាងការប៉ះពាល់សារធាតុពុល ដែលអាចបង្កឱ្យមានជំងឺ ទាំងនៅកន្លែងការងារ និងនៅផ្ទះ។ ចូរអ្នកនៅ</span><br /><span style="color: #000000;"> ឱ្យឆ្ងាយពីសារធាតុគីមី និងសត្វឆ្មា និងលាមករបស់វា ហើយត្រូវបញ្ឈប់ការជក់បារី និងឈប់ទទួលទានគ្រឿងស្រវឹង ៕</span></p>
<p><br /><a class="c_tab" href="https://goo.gl/2DukFx" target="_blank"><img src="/FileManager/Articles/mce/2017/7/21/faceline-21-07-2017--14-48-02.png" alt="" /></a></p>
<p style="text-align: right;"><span style="color: #000000;">ប្រែសម្រួល ៖ សារ៉ាត់</span></p>