<p><strong>កណ្តាលៈ</strong> កម្លាំងនគរបាលស្រុកអង្គស្នួល បានឆែករកឃើញកាំភ្លើងខ្លីចំនួន២ដើម និងកាំបិត<br />ចុងស្រួចមួយ នៅ ក្នុងកាបូបរបស់បុរសមិនស្គាល់អត្តសញ្ញាណ៣នាក់ ដែលមានវ័យជាង៣០<br />ឆ្នាំ សង្ស័យជាមុខសញ្ញាចោរប្លន់ កាលពីយប់ថ្ងៃទី១៨ ខែធ្នូ ឆ្នាំ២០១២កន្លងទៅនេះ។</p>
<p>អធិការនគរបាលស្រុកអង្គស្នួល លោកវរសេនីយ៍ត្រី មាន សំណាង បានប្រាប់មជ្ឈមណ្ឌលព័ត៌<br />មានដើមអម្ពិលនៅ រសៀលថ្ងៃព្រហស្បតិ៍ ទី២០ ខែធ្នូ ឆ្នាំ២០១២ថា ដោយយោងតាមការចង្អុល<br />បង្ហាញរបស់ស្នងការនគរបាលខេត្ត កណ្តាល លោកឧត្តមសេនីយ៍ អ៊ាវ ចំរើន កម្លាំងនគរបាលរបស់លោកតែងចេញល្បាតជារាល់ថ្ងៃនៅក្នុងមូលដ្ឋាន ដើម្បីពង្រឹងសន្តិសុខជូន<br />ប្រជាពលរដ្ឋ។</p>
<p>លោកវរសេនីយ៍ត្រី មាន សំណាង បានបន្តថា ដោយឡែកនៅយប់ថ្ងៃទី១៨ ដោយទទួលបានការ<br />ផ្តល់ព័ត៌មានពី កម្លាំងនគរបាលខេត្តកំពង់ស្ពឺថា មានមុខសញ្ញាចោរប្លន់ចូលមកក្នុងទឹកដីស្រុកអង្គ<br />ស្នួលនោះ លោកបានចាត់ កម្លាំងដើរយាមល្បាត។ លុះដើរល្បាតដល់លើខ្នងប្រឡាយតាហោ ស្ថិត<br />ក្នុងភូមិដំណាក់អម្ពិល ស្រុកអង្គស្នួល ខេត្តកណ្តាល ស្រាប់តែឃើញបុរស៣នាក់ ដែលមានវ័យជាង <br />៣០ឆ្នាំ ស្លៀកពាក់ស៊ីវិល កំពុងឈរនិយាយទូរស័ព្ទ ក៏សង្ស័យហើយចូលទៅបម្រុងសួរនាំ ស្រាប់តែ<br />ជនសង្ស័យនាំគ្នារត់បាត់អស់ បន្សល់ម៉ូតូមួយគ្រឿង និងកាបូប មួយនៅលើខ្នងប្រឡាយតាហោ។</p>
<p>លោក មាន សំណាង បន្តថា នៅក្នុងកាបូបនោះ កម្លាំងរបស់លោកឆែករកឃើញកាំភ្លើងខ្លី២ដើម <br />ម៉ាក K54 បង់ ចំនួន២ គ្រាប់ចំនួន ១៣គ្រាប់ និងកាំបិតដែកអ៊ីណុកចុងស្រួចម៉ាក DYNA ចំនួនមួយ។<br /> ចំណែកម៉ូតូ ដែលជន សង្ស័យបន្សល់ទុកដែរនោះ ម៉ាកសេ១២៥ ពណ៌ខ្មៅ គ្មានស្លាកលេខ ស៊េរីឆ្នាំ<br /> ២០១២ ត្រូវបានយកទៅរក្សាទុក នៅអធិការដ្ឋាននគរបាលស្រុកអង្គស្នួល។</p>
<p>លោកអធិការ ក៏បានប្រាប់ឲ្យដឹងផងដែរថា បុរសទាំង៣នាក់ ដែលរត់ទាំងព្រលឹងចុងសក់ ពេលឃើញ<br />សមត្ថកិច្ច នេះ អាចជាមុខសញ្ញាក្នុងសកម្មភាពប្លន់ ឬក៏បម្រុងទៅប្លន់នៅកន្លែងណាមួយ តែត្រូវកម្លាំង<br />សមត្ថកិច្ចឃើញ និងទប់ស្កាត់ទាន់ពេលវេលា៕</p>
<p><a class="thickbox" title="" href="/FileManager/Commons/2012/12/20/s-089-20-12-2012--21-02-39.jpg"><img src="/FileManager/Articles/mce/2012/12/20/s-089-20-12-2012--21-02-39.jpg" alt="" /></a></p>
<p><a class="thickbox" title="" href="/FileManager/Commons/2012/12/20/s-091-20-12-2012--21-03-17.jpg"><img src="/FileManager/Articles/mce/2012/12/20/s-091-20-12-2012--21-03-17.jpg" alt="" /></a></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/54686-2012-12-20-08-56-54.html"><span style="color: #0000ff;">ដើមអំពិល</span></a></p>