<div class="article-content">
<p><strong>- តំណាងក្រុមហ៊ុនឧកញ៉ាថៃ អះអាងថា រថយន្តយីឌុបក្រឡាប់នេះ ជារបស់យាយម៉ាប់<br /></strong></p>
<p><strong>ក្រចេះ ៖</strong> រថយន្ដប្រភេទយីឌុបដឹកឈើមួយគ្រឿង បានបែកកង់ក្រឡាប់ សង្កត់កម្មកររបស់ខ្លួន បណ្ដាលឱ្យស្លាប់ ៣ នាក់ និងរបួសធ្ងន់ ៥នាក់ កាលពីព្រឹកថ្ងៃទី ០៥ ខែមីនា ឆ្នាំ២០១៤ ស្ថិតនៅលើកំណាត់ ផ្លូវជាតិលេខ ៧ ត្រង់ចំណុចអូបែកពាង ឃុំ ស្វាយជ្រះ ស្រុកស្នួល ខេត្ដក្រចេះ ។</p>
<p>សេចក្ដីរាយការណ៍ ពីមន្ដ្រីនគរបាលមូល ដ្ឋានបានឱ្យដឹងថា នៅវេលាម៉ោង ៦ និង ៣០នាទីព្រឹកថ្ងៃទី០៥ ខែមីនា ឆ្នាំ២០១៤ នេះ គេបានឃើញរថយន្ដយីឌុបដឹកឈើធ្វើ ដំណើរតាមផ្លូវជាតិលេខ ៧ ទិសដៅចេញពីក្រុងក្រចេះ លុះដល់ចំណុចអូរបែកពាង ស្រាប់តែបែកកង់ ក្រឡាប់ធ្លាក់ផ្លូវបណ្ដាល ឱ្យឈើសង្កត់កម្មករ ដែលជិះពីលើរថយន្ដ ស្លាប់ ៣នាក់ និងរបួសធ្ងន់ ៥នាក់ ។</p>
<p>មន្ដ្រីនគរបាលមូលដ្ឋាន បានបន្ដថា ក្រោយការសាកសួរ ពីមូលហេតុបានឱ្យដឹងថា គ្រោះថ្នាក់ចរាចរណ៍ខាងលើនេះបាន កើតឡើង ដោយផ្ដើមចេញពីអ្នកបើក រថយន្ដងងុយដេកតាមផ្លូវ ហើយក៏ប្ដូរឱ្យព្រូ រថយន្ដបើកម្ដង លុះដល់ចំណុចកើតហេតុក៏ ជួបបញ្ហានេះតែម្ដងទៅ។ក្រោយកើតហេតុ ជនរងគ្រោះដែលរងរបួសធ្ងន់ ត្រូវបានកម្លាំងសមត្ថកិច្ចចុះទៅជួយអន្ដរាគមន៍ ភ្លាមៗដឹកបញ្ជូនទៅកាន់មន្ទីរពេទ្យ។</p>
<p>បើតាមសមត្ថកិច្ច នៅកន្លែងកើតហេតុ បានបញ្ជាក់ថា រថយន្តដឹកឈើខាងលើ ជារបស់លោកឧកញ៉ាថៃ។ តែការបញ្ជាក់នេះ ត្រូវបានមន្រ្តីក្រុមហ៊ុនឧកញ៉ាថៃ ចេញច្រានចោលភ្លាមៗថា មិនមែនជារបស់ក្រុមហ៊ុនខ្លួនទេ។</p>
<p>តំណាងក្រុមហ៊ុន ប៉ាស៊ីហ្វិក លោក ធី បានបញ្ជាក់ថា រថយន្តដែលក្រឡាប់នាព្រឹកមិញនេះ ជារបស់យាយម៉ាប់ នៅកំពង់ស្ពឺ។ តំណាងរូបនេះ បន្តបញ្ជាក់ថា រថយន្តមួយគ្រឿងនេះ ដឹកឈើចេញពីទីតាំងក្រុមហ៊ុននៅក្នុងខេត្តស្ទឹងត្រែង។</p>
<p>លោកបន្តថា ជនរងគ្រោះទាំងអស់ ដែលជាកម្មករនោះ ក៏សុទ្ធតែមានទីលំនៅក្នុងខេត្តកំពង់ស្ពឺផងដែរ៕</p>
<p style="text-align: center;"><img src="http://image.dap-news.com:81/dap-news/dap-images/2014/March/id-011/Hong-0067.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/March/id-011/Hong-0068.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/March/id-011/Hong-0069.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/March/id-067/CH-00102.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/March/id-067/CH-00103.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/March/id-067/CH-00104.jpg" alt="" width="550" /></p>
</div>
<p style="text-align: right;"><a href="http://www.dap-news.com/2011-06-14-02-39-55/82204-2014-03-05-03-32-11.html" target="_blank">ផ្តល់សិទ្ធដោយ ៖ ដើមអម្ពិល</a></p>