<div class="item-page">
<p><span style="color: #000000;"><strong>(ភ្នំពេញ)៖</strong> អនុប្រធានការិយាល័យក្រុមហ៊ុនធានារ៉ាប់រងម្នាក់ បានបើករថយន្ដមកឈប់ចតដេកស្លាប់ក្នុងរថយន្ដ ដោយពុំ ទាន់ដឹងពីមូលហេតុច្បាស់លាស់នៅឡើយ តែសមត្ថកិច្ចសង្ស័យថា អាចបណ្តាលមកពីខ្យល់គ។</span></p>
<p><span style="color: #000000;">ករណីបុរសដេកស្លាប់ក្នុងរថយន្ដនេះ បង្កឲ្យមានការភ្ញាក់ផ្អើល នៅវេលាម៉ោង៥៖៣០នាទីទាបភ្លឺ ថ្ងៃទី ១៨ ខែ មិថុនា ឆ្នាំ ២០១៦ នៅចំណុចក្បែរលូ ខាងកើតផ្សារសាំហាន់ ស្ថិតក្នុងភូមិទួលសង្កែ សង្កាត់ទួលសង្កែ ខណ្ឌឫស្សីកែវ។</span></p>
<p><span style="color: #000000;">លោកវរសេនីយ៍ត្រី អីុវ ឈុនផេង អធិការរងនគរបាលយុត្តិ ធម៌ខណ្ឌឫស្សីកែវ បានប្រាប់ភ្នាក់ងារ Fresh News តាមទូរស័ព្ទថា ចំពោះ ករណីបុរសម្នាក់ដែលបានដេកស្លាប់ក្នុង រថយន្ដនេះនូវពុំទាន់ដឹងពីមូលហេតុនៃការស្លាប់ច្បាស់លាស់នូវឡើយទេ ខណៈនេះកម្លាំងសមត្ថកិច្ច នៃការិយាល័យបច្ចេកទេសកុសល្យវិច្ច័យ កំពុងបន្តត្រួតពិនិត្យនៅកន្លែងកើតហេតុដោយសហការ និងកម្លាំងនគរបាលខណ្ឌឫស្សីកែវ។</span></p>
<p><span style="color: #000000;">លោក អីុវ ឈុនផេង បានបន្តថា ក្រោយការត្រួតពិនិត្យយ៉ាង យកចិតទុកដាក់និងវាយតម្លៃជុំហ៊ានដំបូងនោះ គឺជនរង គ្រោះស្លាប់ដោយសារស្រវឹងស្រារួចបើករថយន្ដមកឈប់ច តនៅកន្លែងកើតហេតុដេកក្នុងរថយន្ដស្លាប់តែម្ដងនិងសង្ស័យខ្យល់គ។</span></p>
<p><span style="color: #000000;">លោក បានបញ្ជាក់ថា សពជនរងគ្រោះមាន ឈ្មោះ ឡាំ ចាន់រិទ្ធ ភេទប្រុស អាយុ៣៣ឆ្នាំ មានមុខរបរជា អនុប្រធានការិយាល័យក្រុមហ៊ុនធានារ៉ាប់រង ស្នាក់នៅ ចំណុចផ្ទះជួល ផ្លូវបេតុង ក្រុម១២ ភូមិទួលសង្កែ សង្កាត់ ទួលសង្កែ ខណ្ឌឫស្សីកែវ។</span></p>
<p><span style="color: #000000;">ដោយឡែករថយន្ដដែលជនរងគ្រោះជិះ បើកមកឈប់ចតនៅចំណុចកើតហេតុនេះ ម៉ាកMatiz ពណ៍ទឹកប្រាក់ ពាក់ស្លាកលេខ ២P-០០៦២ ។</span></p>
<p><span style="color: #000000;">បច្ចុប្បន្ន កម្លាំងសមត្ថកិច្ចនៃការិយាល័យបច្ចេកទេសកុសល្យវិច្ច័យ កំពុងបន្តស្រាវជ្រាវដោយសហការ និងកម្លាំងសមត្ថកិច្ចខណ្ឌឫស្សីកែវ ដើម្បីធ្វើការកំណត់និងវាយតម្លៃឲ្យ បានច្បាស់លាស់ថា ជាករណីខ្យល់គ ឫជាករណីផ្សេង ។</span></p>
<p><span style="color: #000000;">ជាមួយគ្នានោះ សមត្ថកិច្ចបាននិងកំពុងបន្តសហការស៉ើប អង្កេតរកក្រុមគ្រួសារសព មកទទួលយកទៅធ្វើបុណ្យតាមប្រពៃណីផងដែរ ៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F566670550171407%2F&show_text=0&width=560" frameborder="0" width="500" height="410"></iframe></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-06-18-11-05-13-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-06-18-11-05-13-1.jpg" alt="" width="730" /></span></p>
<div id="news_detail" class="postcontainer">
<div class="item-page">
<p><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>
</div>
</div>