<p><span style="color: #000000;"><strong>(កំពត)៖</strong> សមាជិកក្រុមប្រឹក្សាឃុំត្រពាំងភ្លាំង ស្រុកឈូក ខេត្តកំពតម្នាក់ មកពីគណបក្សសង្គ្រោះជាតិ (CNRP) ត្រូវកម្លាំងនគរបាលស្រុកឈូក ចុះទៅឃាត់ខ្លួននៅល្ងាចថ្ងៃទី២៤ ខែឧសភា ឆ្នាំ២០១៦ ត្រង់ចំណុចភូមិព្រៃពាយ ឃុំត្រពាំងភ្លាំង ស្រុកឈូក ខេត្តកំពត តាមបណ្តឹងរបស់ជនរងគ្រោះ ដែលបានអះអាងថា <strong>«ដើរបង្ខំឱ្យសមាជិករបស់ខ្លួនផ្តិតស្នាមមេដៃ បញ្ជូនទៅថ្នាក់លើ មិនដឹមូលហេតុច្បាស់លាស់»</strong>។</span></p>
<p><span style="color: #000000;">លោកវរសេនីយ៍ឯក សៅ សំអឿន ស្នងការរងនគរបាលខេត្ត និងជាប្រធានការិយាល័យកណ្តាលនគរបាលព្រហ្មទណ្ឌខេត្តកំពត បានប្រាប់អង្គភាព Fresh news ថា<strong> «ជនសង្ស័យឈ្មោះ ដូង ថុន ភេទប្រុស អាយុ៥៤ឆ្នាំ ជាសមាជិកក្រុមប្រឹក្សាឃុំត្រពាំងភ្លាំង មកពីគណបក្សសង្គ្រោះជាតិ មានទីលំនៅភូមិ ឃុំខាងលើ»</strong>។</span></p>
<p><span style="color: #000000;">លោកបានបន្ថែមថា ជនសង្ស័យខាងលើ ត្រូវបានកម្លាំងនគរបាលស្រុកឈូក ចុះឃាត់ខ្លួន និងបញ្ជូនមកសាកសួរ នៅស្នងការដ្ឋាននគរបាលខេត្តកំពត ដោយចោទពីបទ បទល្មើសជាក់ស្តែង តាមបណ្តឹងជនរងគ្រោះ ដែលបង្ខំឱ្យសមាជិករបស់ខ្លួនផ្តិតមេដៃ ដោយប្រាប់ថា យកស្នាមម្រាមដៃទាំងនោះជូនថ្នាក់លើ មិនដឹងមូលហេតុច្បាស់លាស់ កាលពីថ្ងៃទី២៣ ខែឧសភា ឆ្នាំ២០១៦ កន្លងទៅ ក្នុងឃុំត្រពាំងភ្លាំង ស្រុកឈូក ខេត្តកំពត។</span></p>
<p><span style="color: #000000;">បច្ចុប្បន្ន ជនសង្ស័យខាងលើ កំពុងបន្តធ្វើការសាកសួរ ក្នុងការិយាល័យកណ្តាលនគរបាលព្រហ្មទណ្ឌខេត្តកំពត ដើម្បីចាត់ការតាមនីតិវិធីច្បាប់៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13239251_1606837279630637_5123344809031505820_n.jpg?oh=32e495b153a18eb52b3fad0dcf75ded8&oe=57E70386" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធដោយ ៖ ហ្រ្វេសញ៉ូវអាសុី</span></p>