<p>iPhone 6 Plus បានខូចខាតទាំងស្រុង បន្ទាប់ពីឆេះ ខណៈដែល Apple ឱ្យដឹងថា នឹងធ្វើការស៊ើប<br />អង្កេតលើបញ្ហានេះ។</p>
<p>ថ្មីៗនេះ គណនី Twitter @nashwest2 បានបង្ហោះវីដេអូមួយ ក្នុងនោះបង្ហាញអំពីស្មាតហ្វូនមួយ<br />ដែលត្រូវផ្ទុះ ឆេះក្នុងថ្នាក់រៀន។ ស្មាតហ្វូនដែលជួបបញ្ហានេះ គឺជា iPhone 6 Plus។</p>
<p><a class="thickbox" title="" href="/FileManager/Commons/2016/12/3/apple-iphone-6-plus-reportedly-catches-fire-03-12-2016--09-19-06.jpg"><img src="/FileManager/Articles/mce/2016/12/3/apple-iphone-6-plus-reportedly-catches-fire-03-12-2016--09-19-06.jpg" alt="" /></a></p>
<p>រូបភាពទាំងឡាយបានបង្ហាញថា iPhone នេះ ត្រូវបែកជាពីរ អេក្រង់ត្រូវប្រេះ ថ្មក៏ត្រូវឆេះផ្នែកខាង<br />លើ។ ម្ចាស់គណនី Twitter ខាងលើ បង្ហើបឱ្យដឹងថា ស្មាតហ្វូននេះ ត្រូវចេញផ្សែង និងផ្ទុះ ពេល<br />ម្ចាស់របស់វា ធ្វើឱ្យធ្លាក់ពីកៅអីទៅលើកម្រាលឥដ្ឋ។ មិនមានការខូចខាតទ្រព្យផ្សេងៗ ឬគ្រោះ<br />ថ្នាក់ដល់មនុស្ស នៅពេល iPhone 6 Plus នេះផ្ទុះ។</p>
<p>យោងតាម Deccan Chronicle ក្រុមហ៊ុន Apple ភ្លាមៗនោះក៏បានទាក់ទងទៅកាន់ម្ចាស់វីដេអូ<br />ដើម្បីស្វែងយល់ពីហេតុការណ៍នេះ។ តំណាងរបស់ក្រុមហ៊ុន Apple បានឱ្យដឹងថា Apple បាន<br />ចាប់ផ្ដើមធ្វើការស៊ើបអង្កេតដើម្បីស្វែងរកមូលហេតុនៃបញ្ហានេះ ហើយថានឹងចេញសេចក្ដីប្រកាស<br />ឆាប់ៗខាងមុខ។</p>
<p><a class="thickbox" title="" href="/FileManager/Commons/2016/12/3/apple-iphone-6-plus-reportedly-catches-fire1-03-12-2016--09-19-43.jpg"><img src="/FileManager/Articles/mce/2016/12/3/apple-iphone-6-plus-reportedly-catches-fire1-03-12-2016--09-19-43.jpg" alt="" /></a></p>
<p>មិនត្រឹមតែទូរស័ព្ទរបស់ក្រុមហ៊ុន Samsung នោះទេដែលមានបញ្ហាឆេះ និងផ្ទុះ។ កន្លងទៅនេះ <br />ក៏មានករណីជាច្រើនទាក់ទឹននឹង iPhone របស់ Apple ត្រូវបានគេរាយការណ៍ថា បានជួបបញ្ហា<br />ដូចគ្នានេះ។ ក្នុងនោះមានករណី iPhone 6s Plus ឆេះនៅក្នុងកាបូបដៃរបស់នារីម្នាក់ ករណី<br /> iPhone 6s Plus ឆេះក្នុងហោប៉ៅខោក្រោយរបស់និស្សិតម្នាក់ ឬ iPhone 7 ឆេះក្នុងរថយន្ត និង <br />iPhone 7 Plus ផ្ទុះបន្ទាប់ពីធ្លាក់ទៅលើដី។ល។ ករណីស្ទើរតែទាំងអស់ ត្រូវបាន Apple កត់សម្គាល់<br /> និងឱ្យដឹងថា នឹងធ្វើការស៊ើបអង្កេតរកមូលហេតុ។ ប៉ុន្តែ មកដល់ពេលនេះ គេឃើញថា Apple កម្រ<br />នឹងប្រកាសឱ្យដឹងអំពីលទ្ធផលនៃការស៊ើបអង្កើត។</p>
<p><object width="500" height="400" data="http://www.youtube.com/v/uE5eUwBofu0&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/uE5eUwBofu0&rel=1" /></object><br /><br /></p>
<p style="text-align: right;">ប្រែសម្រួល ៖ តារា<br />ប្រភព ៖ thestreet<br /><br /></p>