<p><span style="color: #000000;"><strong>(ភ្នំពេញ)៖</strong> សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានប្រកាសថា មន្រ្តីរាជការកងកម្លាំងប្រដាប់អាវុធទាំងអស់ នឹងអាចបើកប្រាក់បៀវត្សរ៍បាននៅក្នុងសប្តាហ៍ទី២ ក្នុងខែមេសា ដើម្បីយកថវិកាទៅប្រើប្រាស់ក្នុងពិធីបុណ្យចូលឆ្នាំថ្មីប្រពៃណីជាតិ ខណៈខែឧសភា អាចនឹងបើកបាននៅសប្តាហ៍ទី៣។</span></p>
<p><span style="color: #000000;">ក្នុងឱកាសអញ្ជើញចែកសញ្ញាបត្រដល់គ្រូគរុកោសល្យ នាព្រឹកថ្ងៃទី០៩ ខែមីនា ឆ្នាំ២០១៦នេះ សម្តេចបានថ្លែងថា <strong>«នៅសល់តែប៉ុន្មានថ្ងៃទៀតតែប៉ុណ្ណោះ បៀវត្សរ៍ត្រូវបើកឌុបហ្មង! ម៉េចបានថាបើកឌុប ចុងខែ៣បើកម្តង ដល់ដើមខែ៤ ឡើងទាំងប្រាក់ខែហើយ បើកមុនចូលឆ្នាំ។ បញ្ហានេះទាមទារឲ្យមានការប្រុងប្រយ័ត្នបំផុតក្នុងចុងខែ៣ និងចុងខែ៤ នេះ ត្រូវប្រយ័ត្នប្រយ័ត្នយ៉ាងម៉េច? ឥឡូវចុងខែ៣ នាំគ្នាបើកប្រាក់ខែក្នុងហ្នឹងកំណើនបៀវត្សរ៍ គឺមាន ១២ភាគរយ ប្រៀបធៀបពីឆ្នាំ ទៅដល់១០ថ្ងៃក្រោយ ព្រោះត្រូវបើកមុនចូលឆ្នាំ ដូច្នេះអាទំហំសាច់ប្រាក់ចេញទៅលើទីផ្សារហ្នឹងវាធំណាស់។ ចឹងទាមទារឲ្យមានការប្រយ័ត្នប្រយែងទៅលើការ គ្រប់គ្រងសាច់ប្រាក់ ហើយក្រោយចូលឆ្នាំត្រូវប្រយ័ត្នទៀត ប្រយ័ត្នយ៉ាងម៉េច? ដោយសារតែបើកប្រាក់ខែ ខែមេសា បើកនៅអាទិត្យទី២ ចឹងទេយកទៅចាយអស់ ចឹងទេខែ៥ ត្រូវបើកក្នុងអាទិត្យទី៣»</strong>។</span></p>
<p><span style="color: #000000;">នៅក្នុងខែមេសា ឆ្នាំ២០១៦ នេះ មន្រ្តីរាជការមិនត្រឹមតែបើកប្រាក់បៀវត្សរ៍បាននៅពាក់កណ្តាលខែនោះទេ ហើយក៏ត្រូវបានដំឡើងក្នុងអត្រា ១២ភាគរយផងដែរ ដែលក្នុងនោះមន្រ្តីទទួលបានប្រាក់បៀវត្សរ៍ទៀបបំផុតចាប់ពី ៧៥ម៉ឺនរៀល ដល់ ៨០ម៉ឺនរៀល។ សម្តេចតេជោ ក៏បានឲ្យដឹងផងដែរថា នៅឆ្នាំ២០១៨ មន្រ្តីទទួលបានប្រាក់បៀវត្សរ៍ទៀបបំផុតចាប់ពី ១លានរៀល។</span></p>
<p><span style="color: #000000;">រដ្ឋមន្ត្រីក្រសួងមុខងារសាធារណៈ លោក ពេជ្រ ប៊ុនធិន ធ្លាប់បានឲ្យដឹងថា គិតត្រឹមឆ្នាំ២០១៥ មន្ត្រីរាជការមានចំនួនសរុប ១៨៩,៨៤៤នាក់ ក្នុងនោះមន្ត្រីថ្នាក់ជាតិមានចំនួន ៣៤,៦៣៥នាក់ និងមន្ត្រីថ្នាក់ក្រោមជាតិមានចំនួន ១៥៥,២០៩នាក់៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpl1/v/t1.0-9/12802736_968885289826635_4759225027662543582_n.jpg?oh=8255ae2c7c690810d0de2e05e0f4a41d&oe=5756F8D4" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xla1/v/t1.0-9/12376771_968885519826612_989771735458850262_n.jpg?oh=6b626afa09b46c89b07ad7c660a52749&oe=575C5A11" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xft1/v/t1.0-9/12472530_968886166493214_6870169608903893762_n.jpg?oh=b4d59531321a8117fb6bd3e4b49acbdd&oe=575DE7B3&__gda__=1466083385_68c68fa2d4a58b00b1811354090e20a0" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xft1/v/t1.0-9/12814166_968886233159874_5446977135981593312_n.jpg?oh=351faa128cb9b01e035e25e84717928c&oe=57965BB3&__gda__=1465787449_3ebe1a98cc313880217fbfff24e2cd51" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>