<p><span style="color: #000000;"><strong>(ក្រុងប៉ារីស)៖</strong> ក្រុមយក្សរបស់អេស្ប៉ាញ Real Madrid បានបរាជ័យ ២-០ ក្នុងផ្ទះរបស់ Wolfsburg គ្រាដែលម្ចាស់ផ្ទះ Paris Saint-Germain បានត្រឹមស្មើ ២-២ ពេលជួបក្រុមភ្ញៀវទៅពីអង់គ្លេស Manchester City សម្រាប់ជើងទី១ នៃ Champions League វគ្គ៨ក្រុមចុងក្រោយ ។</span></p>
<p><span style="color: #000000;">ម្ចាស់ជើងឯកឆ្នាំ២០១៤ Real Madrid បានភ្លាត់ស្នៀតរបូតគ្រាប់ទី១ នៅនាទីទី១៨ ដោយបាល់ប៉េណាល់ទីស៊ុតដោយកីឡាករ Ricardo Rodriguez មុនពេល៧នាទីបន្ទាប់មិត្តរួមក្រុម Maximilian Arnold រកបានគ្រាប់ទី២ទៀត ដែលធ្វើឲ្យ Wolfsburg មានទឹកមាត់លេបជាខ្លាំងក្នុងទឹកដីរបស់ខ្លួន មុនត្រឡប់ទៅទឹកដី Real វិញនារាត្រីថ្ងៃទី១២ មេសាខាងមុខ ដើម្បីបញ្ចប់ជើងទី២ ។</span></p>
<p><span style="color: #000000;">នេះជាការដឹកនាំចាញ់លើកទី១ របស់គ្រូបង្វឹកថ្មី Zinedine Zidane លេងក្នុង Champions League ៣ប្រកួតមកនេះ ក្រៅពី២ប្រកួតជាប់គ្នាកាលពីវគ្គ១៦ក្រុមចុងក្រោយទៅលើ AS Roma របស់អ៊ីតាលីដោយលទ្ធផល ២-០ ដូចគ្នា ។</span></p>
<p><span style="color: #000000;">ងាកមកមើល PSG វិញ Zlatan Ibrahimovic ប៉េណាល់ទី១គ្រាប់មិនចូលនៅនាទីទី១៤ ដោយត្រូវបានអ្នកចាំទីដៃស្អិត Joe Hart ជួយសង្រ្គោះពេលទាត់ទៅស្តាំ ត្រូវបានស្រោចស្រង់ស្ថានការណ៍វិញ ពេលដែលរកគ្រាប់តាមស្មើ ១-១ នៅនាទីទី៤១ ក្រោយពេល Kevin de Bruyne ស៊ុតគ្រាប់នាំមុខនៅនាទីទី៣៨ ។</span></p>
<p><span style="color: #000000;">នៅកីឡដ្ឋាន Pace de France កាន់មានកម្តៅខ្លាំងឡើងនៅពេលដែលគ្រាប់បាល់ស្មើគ្នាចាប់តាំងពីវគ្គទី១ ដោយខំវាយសម្រុកខ្លាំងក្លាឡើងថែមទៀតរហូតទទួលបានជ័យជំនះនាំមុខ ២-១ Adrien Rabiot នៅនាទីទី៥៩ តែត្រូវបាន Fernandinho វាយបកតាមបានស្មើវិញនៅនាទីទី៧២ ដើម្បីរុញ PSG ដល់មាត់ជ្រោះតែម្តង មុនពេលជួបគ្នាបញ្ចប់ជើងទី២ នៅសប្តាហ៍ក្រោយទៀត ៕</span></p>
<p><span style="color: #000000;"><img src="http://i.dailymail.co.uk/i/pix/2016/04/06/20/32E8D68300000578-3526863-image-a-99_1459970307416.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/04/06/20/32E8F1B400000578-3526863-image-a-124_1459972278894.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/04/06/21/32E8F8F100000578-3526863-image-a-131_1459972823033.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/04/06/21/32E9053F00000578-3526863-image-a-138_1459973231091.jpg" alt="" width="730" /></span></p>
<p><span style="color: #000000;"><br /><object width="480" height="380" data="http://www.youtube.com/v/DxXbKwd6j-s&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/DxXbKwd6j-s&rel=1" /></object></span></p>
<p><br /><object width="480" height="380" data="http://www.youtube.com/v/RilUQqrSViw&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/RilUQqrSViw&rel=1" /></object><span style="color: #000000;"><br /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>