<p><span style="color: #000000;"><strong>(ព្រះសីហនុ)៖</strong> ស្ដ្រីវ័យ៥៣ឆ្នាំម្នាក់ ត្រូវបានជនសង្ស័យម្នាក់ ចាប់រំលោភ ហើយមិនអស់ចិត្ត ថែមទាំងប្លន់យកទ្រព្យសម្បត្តិទៀត នៅយប់ថ្ងៃទី២៥ ខែកញ្ញា ឆ្នាំ២០១៦នេះ ស្ថិតនៅចំណុចខាងត្បូងជើងភ្នំ (វត្តភ្នំពេជ្រ) ភូមិអូរចំណារ ស្រុកព្រៃនប់ ខេត្តព្រះសីហនុ។</span></p>
<p><span style="color: #000000;">ឧត្តមសេនីយ៍ត្រី កុល ផាលី ស្នងការរងនគរបាលខេត្តព្រះសីហនុ បានឲ្យដឹងថា មុនពេលកើតហេតុ ស្ដ្រីជនរងគ្រោះ ឃើញជនសង្ស័យឈ្មោះ ម៉ៅ រដ្ឋា អាយុ២៨ឆ្នាំ មុខរបរកម្មករសំណង់ បានធ្វើសកម្មភាព លួចចាប់មាន់របស់ខ្លួន។ ពេលនោះជនរងគ្រោះក៏ចេញមកមើល ហើយត្រូវបានជនសង្ស័យចាប់ចង និងវាយធ្វើបាប រួចរំលោភបានសំរេច ហើយបានប្លន់យក កាបូបស្ពាយ១ ក្នុងនោះមាន ទូរស័ព្ទដៃ១គ្រឿង លុយប្រហែល៣លានរៀល និងខ្សែរកមាស១ខ្សែ ទម្ងន់២ជី។</span></p>
<p><span style="color: #000000;">ក្រោយពេលកើតហេតុ កម្លាំងអធិការដ្ឋាននគរបាលស្រុកព្រៃនប់ ក្រោមការបញ្ជាពីលោកឧត្តមសេនីយ៍ស្នងការ បានចុះទៅដល់កន្លែងកើតហេតុ ហើយបានធ្វើការស្រាវជ្រាវរកឃើញជនសង្ស័យ និងធ្វើការឃាត់ខ្លួនភា្លមៗ នៅយប់កើតហេតុនោះ។ បច្ចុប្បន្នជនសង្ស័យ ត្រូវបានកម្លាំងនគរបាលស្រុក កសាងសំណុំរឿង ដើម្បីចាត់ការបន្ដ៕</span></p>
<p><span style="color: #000000;"><img src="http://image.freshnewsasia.com/2016/020/fn-2016-09-26-14-08-28-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/020/fn-2016-09-26-14-08-31-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>