<p><strong style="font-size: 12px; color: #000000;">(</strong><strong style="font-size: 12px; color: #000000;">បាងកក)៖</strong><span style="font-size: 12px; color: #000000;"> កាសែត Bangkok Post បានរាយការណ៍នៅថ្ងៃពុធនេះថា ប៉ូលិលថៃបានទទួលព័ត៌មានជាច្រើនពីប៉ូលិសអូស្ត្រាលី ស្ដីពីសកម្មភាពរបស់ក្រុម ISIS នៅក្នុងប្រទេសថៃ ខណៈប៉ូលិសអូស្រ្ដាលីផ្ទាល់បានឱ្យដឹងថា ប្រជាជនថៃប្រមាណជា ១០០,០០០នាក់ បានចូលមើលគេហទំព័រ ទាក់ទិននឹងក្រុម ISIS កាលពី ឆ្នាំ២០១៥។</span></p>
<p><span style="font-size: 12px; color: #000000;"><br /><a class="thickbox" title="" href="/FileManager/Commons/2016/11/24/36d-24-11-2016--15-07-33.jpg"><img src="/FileManager/Articles/mce/2016/11/24/36d-24-11-2016--15-07-33.jpg" alt="" /></a><br /></span></p>
<p><span style="color: #000000;">ជុំវិញបញ្ហានេះដែរ អនុប្រធានប៉ូលិសថៃ លោក Srivara Ransibrahmanakul គូសបញ្ជាក់ថា អាជ្ញាធរថៃក៏ទទួលបានដំណឹងផងដែរថា ពលរដ្ឋរបស់ខ្លួនមួយចំនួន បានធ្វើដំណើរជាញឹកញាប់ទៅកាន់ប្រទេសស៊ីរី និងអ្នកខ្លះបានត្រឡប់មកស្រុកកំណើតវិញ ហើយក្នុងនោះភាគច្រើននៃអ្នកទាំងនេះ ដែលជាប់សង្ស័យមានទំនាក់ ទំនងជាមួយនឹងក្រុម ISIS គឺមានដើមកំណើត មកពីខេត្តភាគខាងត្បូង ប្រទេសថៃ ដូចជា ខេត្ត Songkhla, Satun, Trang និង ខេត្ត Phatthalung ជាដើម។ </span><br /><span style="color: #000000;"> លោក Srivara Ransibrahmanakul បន្ថែមទៀតថា ប៉ូលិសថៃនឹងធ្វើការស៊ើបអង្កេតលើព័ត៌មានទទួលបាន ព្រមទំាងធ្វើរបាយការណ៍ដាក់ជូនរដ្ឋាភិបាល។ </span><br /><span style="color: #000000;"> គួរបញ្ជាក់ថា នេះគឺជាលើកទីមួយហើយដែលអាជ្ញាធរថៃទទួលស្គាល់ថា ពលរដ្ឋថៃមួយចំនួនគាំទ្រក្រុម ISIS៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/11/24/36c-24-11-2016--15-05-38.jpg"><img src="/FileManager/Articles/mce/2016/11/24/36c-24-11-2016--15-05-38.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>