<p><span style="color: #000000;"><strong>(គូឡាឡាំពួរ)៖</strong> ក្រុមស្វែងរក ឧទ្ធម្ភាគចក្ររបស់អនុរដ្ឋមន្ត្រី និងសមាជិកសភា របស់ម៉ាឡេស៊ី ដែលបានបាត់ដំណឹង កាលពីយប់ ថ្ងៃព្រហស្បតិ៍ កន្លងទៅនេះ បានប្រកាសថា ពួកគេបានរកឃើញ បំណែកនៃឧទ្ធម្ភាគចក្រ ដែលមានមនុស្សជិះ ០៦នាក់នោះហើយ ប៉ុន្តែគេនៅមិនទាន់ដឹងថា តើជោគវាសនារបស់មន្ត្រីទាំងនោះ ទៅជាយ៉ាងណានៅឡើយទេ។ នេះបើតាមការចេញផ្សាយមុន នេះបន្តិចដោយ Channel News Asia នាព្រឹកថ្ងៃសុក្រ ទី០៦ ខែឧសភា ឆ្នាំ២០១៦។</span></p>
<p><span style="color: #000000;"><a class="thickbox" title="" href="/FileManager/Commons/2016/5/6/13-06-05-2016--13-42-03.jpg"><img src="/FileManager/Articles/mce/2016/5/6/13-06-05-2016--13-42-03.jpg" alt="" /></a><br /></span></p>
<p><span style="color: #000000;">នាយករដ្ឋមន្ត្រីម៉ាឡេស៊ី លោក ណាជីប រ៉ាហ្សាក់ (Najib Razak) បានប្រកាសនៅព្រឹកថ្ងៃសុក្រ នេះទៀតថា ឧទ្ធម្ភាគចក្រខាងលើនេះ បាត់ដំណឹង នៅក្នុងតំបន់ Sarawak ហើយបំណែកមួយ របស់វាត្រូវបានគេប្រទះឃើញ នៅក្បែរដងទន្លេ Batang Sadong ភាគខាងកើត ប្រទេស ម៉ាឡេស៊ី ដែលនាំឲ្យគេព្រួយបារម្ភថា ឧទ្ធម្ភាគចក្រទំនងជា បានធ្លាក់ចូលទន្លេទៅហើយ។</span></p>
<p><span style="color: #000000;">គួរបញ្ជាក់ថា មន្ត្រីសំខាន់ៗនៅក្នុងឧទ្ធម្ភាគចក្រ ខាងលើនេះគឺ អនុរដ្ឋមន្ត្រីផ្នែក ដំណាំឧស្សាហកម្ម និងទំនិញ លោកស្រី Noriah Kasnon និងស្វាមីលោក Asmuni Abdullah, សមាជិកសភាមកពី រដ្ឋ Kuala Kangsar លោក Wan Mohammad Khairil ព្រមជាមួយនឹងកង សន្តិសុខផ្ទាល់ខ្លួន របស់មន្ត្រីទាំងនោះសរុប មានទាំងអស់ ០៦នាក់។ រហូតមកដល់ពេលនេះ ក្រុមសង្គ្រោះនៅតែបន្ត ស្វែងរកឧទ្ធម្ភាគចក្រ នៅឡើយ៕</span></p>
<p><span style="color: #000000;"><a class="thickbox" title="" href="/FileManager/Commons/2016/5/6/13a-06-05-2016--13-41-53.jpg"><img src="/FileManager/Articles/mce/2016/5/6/13a-06-05-2016--13-41-53.jpg" alt="" /></a></span></p>
<p style="text-align: right;"><br /><span style="color: #000000;">ប្រភព ៖ CNA</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>