<p><span style="color: #000000;">មិនគួរឲ្យជឿ ៖ ភ្ញៀវទេសចរអាមេរិកដែលជាអ្នកលេងកីឡា ជិះស្គីក្តារលើទឹកនោះ បានទទួលរងនូវ ការវាយប្រហារ ខាំត្របាក់ ហែកស៊ី ពីសំណាក់ឆ្លាមកំណាច ប្រវែងដល់ទៅ ២ម៉ែត្រ នៅដែនទឹកនៃ កោះបាលី ប្រទេស ឥណ្ឌូនេស៊ី នេះបើយោងតាមសម្តីវេជ្ជបណ្ឌិត គូសបញ្ជាក់ កាលពីថ្ងៃពុធ ទី ២៧ មេសា កន្លងទៅនេះ ។ </span></p>
<p><span style="color: #000000;"><br /><a class="thickbox" title="" href="/FileManager/Commons/2016/4/29/17-29-04-2016--14-38-04.jpg"><img src="/FileManager/Articles/mce/2016/4/29/17-29-04-2016--14-38-04.jpg" alt="" /></a><br /></span></p>
<p><span style="color: #000000;">ស្ថិតនៅក្នុងវ័យប្រមាណ ២០ឆ្នាំ ភ្ញៀវទេសចរជនជាតិអាមេរិក ដែលមានឈ្មោះថា Ryan Boarman ត្រូវបានអាជ្ញាធរនាំទៅសង្គ្រោះបន្ទាន់នៅឯមន្ទីរពេទ្យក្នុងស្រុក ភាគ ខាង លិច ដីកោះ បាលី ភ្លាមៗ ក្រោយពីរងរបួសធ្ងន់ ពីការវាយប្រហារឆ្លាម នៅឯឆ្នេរ Balian ពោល ពេលដែលលោកកំពុងតែលេង កីឡាជិះស្គីក្តារលើទឹក ។ បើទោះបីជា របាយការណ៍ ឆ្លាម វាយ ប្រហារ មានភាពកម្រ នៅទឹកដី ដី កោះបាលីក៏ដោយចុះ ប៉ុន្តែ គ្រោះថ្នាក់ប្រការនេះ (ឆ្លាមវាយប្រហារ) បានកើតឡើង ៣ ទៅ ៤ ដង រយៈពេលប៉ុន្មានឆ្នាំចុងក្រោយនេះ នៅឯឆ្នេរ Balian ដែលជាតំបន់ ទេសចរណ៍ល្បីខ្លាំង ការលេង កីឡាស្គីក្តារលើកទឹក ។ វេជ្ជបណ្ឌិត Ni Gusti Ayu Made Sri Pujarini ឲ្យដឹងថា ជនរងគ្រោះខាងលើ ពេលដែលនាំមកដល់មន្ទីរពេទ្យនៅដឹងខ្លួននៅឡើយ បើទោះបីជា គេ រង របួសធ្ងន់ ក៏ដោយចុះ ។ ដោយឡែក បើយោងតាមសម្តីសាក្សីដែលបានឃើញ ហេតុការណ៍ ផ្ទាល់ភ្នែក ឲ្យដឹងថា វាពិតជា រន្ធត់នៅវិនាទីនៃការវាយប្រហារ ខណៈជនរងគ្រោះរូបនោះ របួសជាទម្ងន់ ពោល ដែរបស់គេ រយះ ខ្លាំង ប្រវែង ដល់ទៅ ១០ស.ម ខណៈសាច់មួយដុំ នៅ នឹង ត្រង់កែងដៃនោះ ឆ្លាមត្របាក់ដាចទៅ ហើយ។ គួរបញ្ជាក់ថា ជនរងគ្រោះ ប្រឈមនឹងការវះកាត់សង្គ្រោះបន្ទាន់ខណៈនឹងមានគំរោងបញ្ជូន ទៅកាន់ មន្ទីរពេទ្យធំ ដើម្បីធ្វើការសង្គ្រោះបន្ថែមទៀត៕</span></p>
<p style="text-align: right;"><span style="color: #000000;"><br />ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ CNA</span></p>