<p><span style="color: #000000;"><strong>(ក្រុងឡុងដ៍)៖</strong> គ្រូបង្វឹកថ្មីក្នុងក្រុមជម្រើសជាតិតោកំណាចអង់គ្លេស លោក Sam Allardyce នឹងទទួលបានប្រាក់ពលកម្មចំនួន ៣លានផោន ក្នុង១ឆ្នាំពីសហព័ន្ធកីឡាបាល់ទាត់អង់គ្លេស FA ក្រោមកិច្ចសន្សារយៈពេល២ឆ្នាំដឹកនាំក្រុមមួយនេះ ចាប់ពីថ្ងៃសុក្រ ទី២២ ខែកក្កដា ឆ្នាំ២០១៦ នេះតទៅ។</span></p>
<p><span style="color: #000000;">សារព័ត៌មាន Dailymail បានផ្សាយឲ្យដឹងនៅរសៀលថ្ងៃសុក្រ ទី២២ ខែកក្កដានេះថា បុរសវ័យ៦១ឆ្នាំ ជនជាតិអង់គ្លេស បានទម្លាយកិច្ចសន្យានៅសល់រយៈពេល១ឆ្នាំក្នុងក្លឹបអាជីពឆ្មាខ្មៅ Sunderland ដើម្បីបានមកដឹកនាំក្រុមជម្រើសជាតិអង់គ្លេស ជំនួសកៅអីលោក Roy Hodgson ដែលបានចុះចេញពីតំណែងកាលពីក្នុង Euro 2016 នៅប្រទេសបារាំង ទើបបញ្ចប់ទៅថ្មីៗនេះ។</span></p>
<p><span style="color: #000000;">លោក Sam នឹងទទួលបានប្រាក់ខែ ៥០០ ០០០ផោនក្នុង១ខែ ដែលប្រាក់ខែនេះ វាតិចជាងគ្រូបង្វឹក Roy Hodgson នោះទេ តែនឹងទទួលបាន Bonus បន្ថែមទៀត ប្រសិនបើដឹកនាំជោគជ័យ តែប្រាក់ឈ្នួលនេះនៅតែខ្ពស់ជាងគ្រូបង្វឹកដទៃទៀតនៅលើពិភពលោកដដែល។</span></p>
<p><span style="color: #000000;">បេសកកម្មដំបូងដែលគ្រូបង្វឹក Sam Allardyce ត្រូវធ្វើដំបូងនោះ គឺដឹកនាំកូនក្រុមលេងក្នុងវគ្គជម្រុះ World Cup 2018 ប្រចាំទ្វីបអឺរ៉ុប ដែល១ប្រកួតដំបូងត្រូវជួបក្រុមជម្រើសជាតិស្លូវ៉ាគី ដែលជាក្រុមទើបតែបញ្ចប់យុទ្ធនាការ Euro 2016 នៅបារាំងក្នុងវគ្គ១៦ក្រុមដូចគ្នា៕</span></p>
<p><span style="color: #000000;"><img src="http://i3.mirror.co.uk/incoming/article8405050.ece/ALTERNATES/s615/Allardyce-england-main.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/07/21/20/367A29EC00000578-3702117-image-a-25_1469130933245.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/07/21/20/367A273A00000578-3702117-image-a-26_1469130935190.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/07/21/21/36348BF000000578-3702117-image-a-53_1469132014856.jpg" alt="" width="730" /></span></p>
<p><span style="color: #000000;"><img src="http://i3.mirror.co.uk/incoming/article3175548.ece/ALTERNATES/s615/LIVE-Roy-Hodgson.jpg" alt="" width="730" /></span></p>
<p style="text-align: center;"><span style="color: #000000;">លោក Roy Hodgson ដែលលាលែងពីតំណែង</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>