<p><span style="color: #000000;"><strong>(ត្បូងឃ្មុំ)៖</strong> បុរសម្នាក់រួម និងមិត្តភក្តិម្នាក់ទៀត បានរងរបួសធ្ងន់-ស្រាល ក្រោយពីបើករថយន្តក្នុងល្បឿនលឿន ត្រង់ផ្លូវកោងស្រាប់តែ ជ្រុលទៅបុករបងភូមិគ្រឹះសម្តេចពញា ចក្រី ហេង សំរិន ប្រធានរដ្ឋសភា បណ្តាលឲ្យបាក់អស់២ផ្ទាំង។ ហេតុការណ៍នេះបានកើតឡើងនៅម៉ោង២៣៖៥០នាទី យប់ថ្ងៃទី១ ខែកុម្ភៈ ឆ្នាំ២០១៦ ស្ថិតនៅតាមបណ្តោយផ្លូវជាតិលេខ៨ ត្រង់ផ្លូវបំបែកជា៣ ភូមិអន្លង់ជ្រៃ ឃុំកក់ ស្រុកពញ្ញាក្រែក ខេត្ត ត្បូងឃ្មុំ។</span></p>
<p><span style="color: #000000;">សមត្ថកិច្ចមូលដ្ឋានបានប្រាប់ថា មុនពេលកើតហេតុ មានបុរស២នាក់បានជិះរថយន្តមួយគ្រឿងម៉ាក Mercedes ពណ៌ទឹកប៊ិចពាក់ស្លាកលេខភ្នំពេញ 2F-9970 ក្នុងល្បឿនយ៉ាងលឿន លុះបើកមកដល់ផ្លូវបំបែកជា៣ ជិតភូមិគ្រឹះសម្តេច ហេង សំរិន អ្នកបើករថយន្តនោះ មិនបានបង្អង់ល្បឿននោះទេ ធ្វើឲ្យរថយន្តជ្រុលទៅបុករបងភូមិគ្រឹះរបស់សម្តេច ហេង សំរិន បណ្តាលឲ្យបាក់អស់២ផ្ទាំង និងបណ្តាលឲ្យអ្នកដែលជិះនៅក្នុងរថយន្តទាំង២នាក់រងរបួស ខណៈដែលរថយន្តវិញ រងការខូចខាត ខាងមុខស្ទើរតែទាំ ងស្រុង។</span></p>
<p><span style="color: #000000;">សមត្ថកិច្ចបានបន្តទៀតថា អ្នកបើករថយន្តឈ្មោះ ណុច ភេទ អាយុ៣១ឆ្នាំ រងរបួសស្រាល រីឯអ្នករួមដំណើរជាមួយឈ្មោះ សវ៉ាន់ វឌ្ឍនាសារភូមិ អាយុ៤០ឆ្នាំ រងរបួសបាក់ដៃខាងឆ្វេង ត្រូវបានសមត្ថកិច្ចបញ្ជួនទៅកាន់មន្ទីរពេទ្យ ដើម្បីជួយសង្រ្គោះអាយុជីវីតផងដែរ។ ក្រោយកើតហេតុ អ្នកបើកបររថយន្ត រួមទាំងរថយន្តត្រូវបានកម្លាំងសមត្ថកិច្ច យកទៅរក្សាទុកនៅ អធិការដ្ឋាននគរបាល ស្រុកពញ្ញក្រែក ខេត្តត្បូងឃ្មុំ ដើម្បីរង់ចាំដោះស្រាយគ្នានៅពេលក្រោយ៕</span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xft1/v/t1.0-9/12631563_464870277048665_4146022633785073921_n.jpg?oh=605e74b80cf9a2b5b3284a72fca58c02&oe=572F431D&__gda__=1466841751_523927709ac4cddc0db68055a597765b" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xaf1/v/t1.0-9/12662638_464870270381999_1693936047155642244_n.jpg?oh=8d8925a5d6d9789a85be0eb38105b364&oe=57248814" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xft1/t31.0-8/12657858_464870273715332_680983646074115453_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xft1/v/t1.0-9/12670170_464870303715329_5012588159699641987_n.jpg?oh=b7897184b128901f2bae4a3745dfc83c&oe=5742FA2C" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xap1/v/t1.0-9/12647105_464870310381995_3474498857790982614_n.jpg?oh=569be70bcf5cdfdb7553dd8426e08559&oe=5731AD96" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>