<p><span style="color: #000000;"><strong>(ភ្នំពេញ)៖</strong> ក្រសួងមហាផ្ទៃ និងក្រសួងសេដ្ឋកិច្ច និងហិរញ្ញវត្ថុ បានចេញប្រកាសអន្តរក្រសួង ស្តីពីការគ្រប់គ្រងប្រាក់ចំណូល ដែលបានពីការពិន័យអន្តរការណ៍ ចំពោះអំពើល្មើសនឹងច្បាប់ស្តីពីចរាចរណ៍ផ្លូវគោក ដោយកំណត់ឲ្យមន្ត្រីនគរបាលចរាចរណ៍ ផ្លូវគោកនៃក្រសួងមហាផ្ទៃ ជាអ្នកប្រមូលចំណូលពីការផាកពិន័យ ចំពោះអំពើល្មើសនឹងច្បាប់ចរាចរណ៍។</span></p>
<p><span style="color: #000000;">ប្រកាសអន្តរក្រសួងបញ្ជាក់ថា ប្រាក់ចំណូលដែលប្រមូលបាន ពីការពិន័យអន្តរការណ៍ ចំពោះអំពើល្មើស នឹងច្បាប់ស្តីពីចរាចរណ៍ផ្លូវគោក ត្រូវបានបែងចែកជាចំណែក សម្រាប់បង់ចូលថវិកាជាតិ, ចំណែកប្រាក់រង្វាន់ផ្តល់ជូន ក្រសួងមហាផ្ទៃ និងចំណែកប្រាក់រង្វាន់ផ្តល់ជូន ក្រសួងសេដ្ឋកិច្ច និងហិរញ្ញវត្ថុ ផ្អែកតាមសមាមាត្រភាគរយធៀប ទៅនឹងប្រាក់ពិន័យដែលប្រមូលបាន ដែលកំណត់ដូចខាងក្រោម៖</span></p>
<p><span style="color: #000000;">-បង់ចូលថវិកាជាតិចំនួន ៤ភាគរយ នៃប្រាក់ពិន័យដែលប្រមូលបាន</span></p>
<p><span style="color: #000000;">-ផ្តល់ជូនក្រសួងមហាផ្ទៃចំនួន ៩៥ភាគរយ នៃប្រាក់ពិន័យដែលប្រមូល បានសម្រាប់ចំណាយឧបត្ថម្ភជូនមន្ត្រី និងពង្រឹងយន្តការប្រមូលចំណូល និងបែងជូនដល់អង្គភាព គោលដៅដូចខាងក្រោម៖</span></p>
<p><span style="color: #000000;">+ នគរបាលចរាចរណ៍ផ្លូវគោក ដែលបំពេញភារកិច្ច នៅនឹងកន្លែង ចំនួន៧០ភាគរយ</span></p>
<p><span style="color: #000000;">+ នាយកកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ១០ភាគរយ</span></p>
<p><span style="color: #000000;">+ការិយាល័យចរាចរណ៍ផ្លូវគោក នៃស្នងការនគរបាលរាជធានី ខេត្ត ចំនួន៩ភាគរយ</span></p>
<p><span style="color: #000000;">+ ផ្នែកសណ្តាប់ធ្នាប់ចរាចរណ៍ផ្លូវគោក នៃអធិការដ្ឋាននគរបាលក្រុង ស្រុកខណ្ឌ ចំនួន៥ភាគរយ</span></p>
<p><span style="color: #000000;">+ ផ្តល់ជូនអគ្គនាយកដ្ឋានភស្តុភារ និងហិរញ្ញវត្ថុ នៃក្រសួងមហាផ្ទៃ១ភាគរយ</span></p>
<p><span style="color: #000000;">-ផ្តល់ជូនក្រសួងសេដ្ឋកិច្ច និងហិរញ្ញវត្ថុចំនួន១ភាគរយ នៃប្រាក់ពិន័យដែលប្រមូលបាន។</span></p>
<p><span style="color: #000000;">ព័ត៌មានលម្អិត សូមអានប្រកាសអន្តរក្រសួងទាំងស្រុង៖</span></p>
<p><a class="thickbox" title="" href="/FileManager/Commons/2015/12/31/1-31-12-2015--15-23-48.jpg"><img src="/FileManager/Articles/mce/2015/12/31/1-31-12-2015--15-23-48.jpg" alt="" /></a><a class="thickbox" title="" href="/FileManager/Commons/2015/12/31/2-31-12-2015--15-23-56.jpg"><img src="/FileManager/Articles/mce/2015/12/31/2-31-12-2015--15-23-56.jpg" alt="" /></a><a class="thickbox" title="" href="/FileManager/Commons/2015/12/31/3-31-12-2015--15-24-08.jpg"><img src="/FileManager/Articles/mce/2015/12/31/3-31-12-2015--15-24-08.jpg" alt="" /></a><a class="thickbox" title="" href="/FileManager/Commons/2015/12/31/4-31-12-2015--15-24-39.jpg"><img src="/FileManager/Articles/mce/2015/12/31/4-31-12-2015--15-24-39.jpg" alt="" /></a><a class="thickbox" title="" href="/FileManager/Commons/2015/12/31/5-31-12-2015--15-24-50.jpg"><img src="/FileManager/Articles/mce/2015/12/31/5-31-12-2015--15-24-50.jpg" alt="" /></a><a class="thickbox" title="" href="/FileManager/Commons/2015/12/31/6-31-12-2015--15-25-15.jpg"><img src="/FileManager/Articles/mce/2015/12/31/6-31-12-2015--15-25-15.jpg" alt="" /></a><a class="thickbox" title="" href="/FileManager/Commons/2015/12/31/7-31-12-2015--15-25-27.jpg"><img src="/FileManager/Articles/mce/2015/12/31/7-31-12-2015--15-25-27.jpg" alt="" /></a><a class="thickbox" title="" href="/FileManager/Commons/2015/12/31/8-31-12-2015--15-25-40.jpg"><img src="/FileManager/Articles/mce/2015/12/31/8-31-12-2015--15-25-40.jpg" alt="" /></a><a class="thickbox" title="" href="/FileManager/Commons/2015/12/31/9-31-12-2015--15-25-54.jpg"><img src="/FileManager/Articles/mce/2015/12/31/9-31-12-2015--15-25-54.jpg" alt="" /></a><a class="thickbox" title="" href="/FileManager/Commons/2015/12/31/10-31-12-2015--15-26-05.jpg"><img src="/FileManager/Articles/mce/2015/12/31/10-31-12-2015--15-26-05.jpg" alt="" /></a></p>
<p style="text-align: right;"><span>ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>