<p><span style="color: #000000;"><strong>(ភ្នំពេញ)៖</strong> កំពូលតារាចម្រៀងចាស់វស្សា សំឡេងពីរោះរណ្តំចិត្ត ប្រៀបនឹងរៃកណ្តឹង អ្នកនាង ម៉េង កែវពេជ្ជតា ក្រោយពីបានប្រទះឃើញ នៅលើផលិតផលកន្លេលរបស់ខ្មែរ ដែលត្រូវបានអ្នកផលិតច្នៃឡើង ដើម្បីឲ្យមានភាពប្លែក និងទាក់ទាញចំណាប់អារម្មណ៍ ពីអតិថិជន ទិញយកទៅប្រើប្រាស់ ដោយសុខចិត្តប៉ាក់រូបប្រាសាទអង្គរវត្ត នៅលើកន្លេល ភ្លាមៗនោះ អ្នកនាង ម៉េង កែវ ពេជ្ជតា ក៏បានថតបង្ហោះភ្ជាប់ ជាមួយការស្នើឲ្យអ្នកផលិត បញ្ឈប់ការយករូបប្រាសាទអង្គរវត្ត មកប៉ាក់លើកន្លេល ដូច្នេះទៀត ព្រោះវាមើលទៅហាក់មិនគប្បីទាល់តែសោះ។</span></p>
<p><span style="color: #000000;">តារាចម្រៀងសំឡេងស្រទន់ អ្នកនាង ម៉េង កែវពេជ្ជតា បានសរសេរនៅលើបណ្តាញ សង្គមហ្វេសប៊ុករបស់ខ្លួនថា «តើអ្នកគិតដូចខ្ញុំទេ? កន្ទេលទាំងនេះជាស្នាដៃ និងជារបស់ខ្មែ ។ ការគាំទ្រផលិតផលខ្មែរ គឺជារឿងមួយដ៏ប្រពៃណាស់ ព្រោះអាចមានបច្ច័យល្អច្រើន ចំពោះប្រទេស ក៏ដូចជាប្រជាពលរដ្ឋខ្មែរទាំងមូល ដូច្នេះការផលិតអ្វីក៏ដោយ ចាំបាច់ត្រូវគិតពីផល ដែលទទួលទាំងវិជ្ជមាន និងអវិជ្ជមាន កន្ទេលដែលថតបង្ហាញនេះមួយ មានរូបភាពប្រាសាទអង្គរវត្ត!»។</span></p>
<p><span style="color: #000000;">អ្នកនាង ម៉េង កែវពេជ្ជតា បានសង្កត់ធ្ងន់ទៀតថា «ប្រសិនបើកន្ទេលនេះ ជាកន្ទេលសម្រាប់ដាក់តាំងលើជញ្ជាំង ដាក់លម្អលើតុ នោះមិនថ្វីទេ តែបើជាកន្ទេល សម្រាប់ក្រាលគេងអង្គុយលើ ដើរជាន់ពីលើ ឬយកទៅប្រើប្រាស់ក្នុងលក្ខខណ្ឌ ដែលមិនសមរម្យនោះ ពិតជាមិនត្រឹមត្រូវឡើយ ព្រោះវាខុសឆ្គង និងប៉ះពាល់ខ្លាំងណាស់ ហើយប៉ះពាល់អ្វីខ្លះនោះ បងប្អូនប្រាកដជាជ្រាបច្បាស់ ។ តាមការគិតរបស់ខ្ញុំ បើអាចឈប់បានគួរតែឈប់!»។</span></p>
<p><span style="color: #000000;">តារាចម្រៀងអ្នកនាង ម៉េង កែវពេជ្ជតា បានបន្ថែមដោយស្នើដល់អ្នកផលិតថា «អ្នកផលិតអាចច្នៃជារូបអ្វី ក៏បាន គ្រាន់តែចៀសវាងរូបភាពប៉ះពាល់។ ចង់ជម្រាបថា នាងខ្ញុំគាំទ្រផលិតផលខ្មែរជារៀងរហូត សូមញ្ជើញអនុមោទនាថ្ងៃសីល ទាំងអស់គ្នាណា៎ !»។</span></p>
<p><span style="color: #000000;">យ៉ាងណាមិញបន្ទាប់ ពីមានការបញ្ចេញមិតបែបនេះ ពីសំណាក់តារាចម្រៀង អ្នកនាង ម៉េង កែវពេជ្ជតា នៅលើបណ្តាញសង្គមរបស់ខ្លួន កាលពីថ្ងៃម្សិលមិញនេះ គេសង្កេតឃើញមានអ្នកនិយម លេងបណ្តាញសង្គមហ្វេសប៊ុកជាច្រើន បង្ហាញអារម្មណ៍ យល់ស្របដូចអ្នកនាង ហើយក៏មានការ Shaer ដោយស្នើរឲ្យអ្នកផលិត បញ្ឈប់ការយករូបប្រាសាទអង្គរវត្ត ទៅប៉ាក់លើកន្លេល ដូច្នេះទៀត៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14232479_1548460648513573_779768597702038028_n.jpg?oh=a61c1a6c2cab3355eb3f586dfd6fe59a&oe=584F2428" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14192174_1548460585180246_3981712425369371216_n.jpg?oh=a6994af97d13d71296bb0ebacd5e6a71&oe=5854F9DA" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xpf1/v/t1.0-9/14222122_1548460578513580_7661907865545759269_n.jpg?oh=9d32ef0bc70d5777e536b811250080d3&oe=583A9079&__gda__=1484910406_8bedcad90b76718de1b191fada7d2823" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14192043_1548460581846913_4408964991344061495_n.jpg?oh=a5ee2dbc3e7987f6dc18b1d0062f6f1a&oe=5843E110" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xfp1/v/t1.0-9/14222122_1548460645180240_3243882980069121608_n.jpg?oh=3c5421bee8c5a67cff52776325ba8ef6&oe=584044D9&__gda__=1480570505_11a42b99229965f585ec36c4bb8915d1" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>