<p><span style="color: #000000;"><strong>(ភ្នំពេញ)៖</strong> ក្រោយពីភ្ជាប់ចំណងស្នេហា និងប្រើពេលស្វែងមើលចិត្តគ្នា អស់មួយសន្ទុះធំមក តារាចម្រៀង និងជាពិធីការិនី អ្នកនាង យ៉ុង ច័ន្ទកណ្ណិកា កាលពីអំឡុងចុងឆ្នាំ២០១៤ បានសម្រេចចិត្តបញ្ចប់ភាពក្រមុំ ដោយរៀបចំអាពាហ៍ពិពាហ៍ជាផ្លួវការ ជាមួយស្វាមីឈ្មោះ ចាន់ ចំណាន ជាមន្ត្រីបម្រើការងារ នៅក្រសួងមហាផ្ទៃ ហើយរហូតមកទល់ពេលបច្ចុប្បន្ន នាងទើបតែទម្លាយរូបភាព នៃការពពោះកូនក្នុងផ្ទៃ ជាលើកដំបូង។</span></p>
<p><span style="color: #000000;">អតីតតារាស្រីអ្នកនាង យ៉ុង ច័ន្ទកណ្ណិកា នៅលើបណ្តាញសង្គមហ្វេសប៊ុករបស់នាង កាលពីថ្មីៗនេះ ការបង្ហោះចែករំលែកនូវរូបភាពមួយសន្លឹក បង្ហាញឲ្យឃើញថា តារារូបនេះកំពុងតែពពោះ កូនក្នុងផ្ទៃ ហើយក៏ជិតក្លាយជាម្តាយ របស់គេទៀតផង។ ទន្ទឹមគ្នានឹងការបង្ហោះរូបថត បង្អួតភ្នែកមហាជនថា ខ្លួនកំពុងមានផ្ទៃពោះពីសំណាក់អ្នកនាង យ៉ុង ច័ន្ទកណ្ណិកា នេះដែរ បានធ្វើឲ្យទស្សនិកជនជាច្រើន ហាក់ភ្ញាក់ផ្អើល ព្រោះកន្លងមកនាងមិនធ្លាប់បង្ហើបប្រាប់ ពីគោលបំណងនៃការចង់បានកូន នៅឡើយទេ។ យ៉ាងណាមិញភ្លាមៗនេះ ក៏មានការផ្ញើរសួរនាំ និងការអបអរជូនពរ នាងផងដែរ។</span></p>
<p><span style="color: #000000;">អ្នកនាង យ៉ុង ច័ន្ទកណ្ណិកា នៅរសៀលថ្ងៃទី១៩ខែតុលាឆ្នាំ២០១៦នេះ មិនអាចទំនាក់ទំនង ដើម្បីធ្វើការសួរនាំបន្ថែម ពីរឿងមានផ្ទៃពោះនេះ បាននៅឡើយទេ។ </span></p>
<p><span style="color: #000000;">សូមបញ្ជាក់ថា គិតមកទល់ពេលនេះ គឺមានរយៈពេល២ឆ្នាំហើយ ដែលអ្នកនាង យ៉ុង ច័ន្ទកណ្ណិកា បានរៀបអាពាហ៍ពិពាហ៍ ជាមួយស្វាមីជាមន្ត្រីបម្រើការងារ នៅក្រសួងមហាផ្ទៃ ។ មិនតែប៉ុណ្ណោះ ជានិច្ចកាល គេតែងសង្កេតឃើញគូស្នេហ៍មួយគូនេះ បង្ហាញភាពសិ្នទ្ធស្នាល ផ្អែមល្ហែមជាមួយគ្នាប្រៀប ដូចជាទឹកឃ្មុំ ស្របពេលដែលបច្ចុប្បន្ន គូស្វាមី-ភរិយារបស់ពួកគេ ក៏កំពុងត្រៀមខ្លួនធ្វើជាឪពុក-ម្តាយគេ ផងដែរ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t34.0-12/14804714_1713781428942360_1711815788_n.jpg?oh=27de4812a49003c87626190a14379258&oe=580A01D1" alt="" width="730" /></span></p>
<p><span style="color: #000000;"><img src="/FileManager/Commons/2014/10/4/s0020-04-10-2014--11-18-26.jpg" alt="" width="730" /></span></p>
<p><span style="color: #000000;"><img src="/FileManager/Commons/2014/10/4/08-04-10-2014--11-18-44.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>