<p><span style="color: #000000;"><strong>(ភ្នំពេញ)៖</strong> ក្រសួងវប្បធម៌ និងវិចិត្រសិល្បៈ ក្នុងនាមជាស្ថាប័នមានសមត្ថកិច្ចដែលទទួល និងផ្តល់លិខិតអនុញ្ញាតថតភាពយន្តបរទេស នៅក្នុងប្រទេសកម្ពុជា មានមោទនភាពចំពោះការសហការ និងផ្តល់កិច្ចសម្របសម្រួល ដល់ការរៀបចំថត និងថតខ្សែភាពយន្ត រឿង The First They Killed My Father របស់លោកស្រី Angelina Jolie Pitt ដែលជាអ្នកដឹកនាំរឿង និងជាតារាភាពយន្តហូលីវូដដ៏ល្បីល្បាញ។</span></p>
<p><span style="color: #000000;">តាមរយៈលិខិតមួយច្បាប់របស់លោកស្រី Angelina Jolie Pitt ដែលផ្ញើជូនលោក សោម សុគន្ធ រដ្ឋលេខាធិការ ក្រសួងវប្បធម៌ និងវិចិត្រសិល្បៈ លោកស្រីបានថ្លែងអំណគុណចំពោះការចូលរួមគាំទ្រ និងជួយជ្រោមជ្រែងទាំងឡាយ របស់ក្រសួងវប្បធម៌ និងវិចិត្រសិល្បៈដល់ដំណើរការរៀបចំថត និងការថតខ្សែភាពយន្តនេះ។</span></p>
<p><span style="color: #000000;">ជាមួយគ្នានេះ លោកស្រីក៏បាន បង្ហាញនូវភាពភ្ញាក់ផ្អើលពីកម្រិតចំណេះជំនាញវីជ្ជាជីវៈរបស់តារាសម្តែង ក្រុមការងារបច្ចេកទេស និងបុគ្គលិកកម្ពុជាទាំងអស់ ដែលបានខិតខំបំពេញការងារប្រកបដោយវិជ្ជាជីវៈ និងមានការតាំងចិត្តខ្ពស់ ក្នុងការរួមចំណែកឲ្យដំណើរការរៀបចំថត និងការថតខ្សែភាពយន្តរឿង The First They Killed My Father នេះ បានថតចប់ប្រកបដោយជោគជ័យ។</span></p>
<p><span style="color: #000000;">លោកស្រីបានសន្យាថា នឹងត្រឡប់មកកាន់កម្ពុជាជាថ្មីម្តងទៀត ដោយនាំមកនូវគម្រោងថតភាពយន្តថ្មីៗនាពេលអនាគត។ ករណីនេះបានសបញ្ជាក់ឲ្យឃើញពីកិច្ចខិតខំប្រឹងប្រែង របស់ក្រសួងវប្បធម៌ក្នុងការទាក់ទាញផលិតករ ភាពយន្តបរទស ឲ្យមកថតភាពយន្តនៅកម្ពុជាកាន់តែច្រើនឡើង រួមចំណែកផ្សព្វផ្សាយពីសក្តានុពល នៃសម្បត្តិវប្បធម៌របស់ជាតិយើងទៅកាន់ពិភពលោក៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/4/12/11c-12-04-2016--09-41-15.jpg"><img src="/FileManager/Articles/mce/2016/4/12/11c-12-04-2016--09-41-15.jpg" alt="" /></a></span></p>
<p><br /><span style="color: #000000;"><a class="thickbox" title="" href="/FileManager/Commons/2016/4/12/11d-12-04-2016--11-27-09.jpg"><img src="/FileManager/Articles/mce/2016/4/12/11d-12-04-2016--11-27-09.jpg" alt="" /></a><br /></span></p>
<p><span style="color: #000000;"><br /><br /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>