<p>អ្នកនៅអាស៊ី ភាគច្រើនតែងតែខិតខំរកទ្រព្យទុកអោយកូន ប៉ុន្ដែចំពោះជនជាតិអាមេរិកវិញ <br />បច្ចុប្បន្ន ពួកមហាសេដ្ឋី បែរជាចូលចិត្តបរិច្ចាគទ្រព្យ ជាជាងទុកអោយកូនៗ។</p>
<p>កាលពីឆ្នាំ ២០០៦ មហាសេដ្ឋី Warren Buffett ធ្លាប់បានធ្វើអោយមានការភ្ញាក់ផ្អើលយ៉ាង<br />ខ្លាំងនៅពេលដែលលោកបានប្រកាសនូវការសម្រេចចិត្តបរិច្ចាគទ្រព្យចំនួន ៩៩% (៣៧<br />ពាន់លានដុល្លារ)របស់ខ្លួន ទៅអោយមូលនិធិមនុស្សធម៌ The Gates Foundation របស់<br />លោក Bill Gates។ ចំណែក ស្ថាបនិករបស់ Microsoft ក៏ធ្លាប់បានប្រកាសពីការបរិច្ចាគ ២៨<br />ពាន់លានដុល្លាររបស់ខ្លួនទៅអោយមួលនិធិគាំពារអ្នកមានជម្ងឺរបេង និងអេដស៍នៅអាហ្វ្រិក<br />ផងដែរ។</p>
<p><a class="thickbox" title="" href="/FileManager/Commons/2012/9/6/biiiiiiii-06-09-2012--07-57-16.jpg"><img src="/FileManager/Articles/mce/2012/9/6/biiiiiiii-06-09-2012--07-57-16.jpg" alt="" /></a></p>
<p>កាលពីពេលថ្មីៗនេះ មហាសេដ្ឋីនៅអូស្ដ្រាលី ឈ្មោះ Gina Rinehart បានប្រកាសថា "កូនៗ<br />របសខ្លួន ខ្វះសមត្ថភាព និងបទពិសោធ ក្នុងការគ្រប់គ្រងការងារពាណិជ្ជកម្ម និងការទទួល<br />មរតក។</p>
<p>ការស្រាវជ្រាវថ្មីៗនេះរបស់ U.S. Trust បានបង្ហាញថា សេដ្ឋីប្រមាណជា ៥០% ប៉ុណ្ណោះ<br />ដែលយល់ថា ការទុកទ្រព្យសម្បតិអោយកូនគឺជារឿងសំខាន់។ ចំណែកសេដ្ឋីចំនួន ១ភាគ<br />៣ អះអាងថា ការយកទ្រព្យទៅធ្វើកិច្ចការមនុស្សធម៌វាប្រសើរជាងទុកអោយកូនៗ។ ហេតុ<br />អ្វីបែរជាយ៉ាងនេះ?</p>
<p>មូលហេតុដំបូង ប្រហែលជាអ្នកមានទាំងនោះចង់អោយកូនៗរបស់ពួកគេយល់ដឹងពីតម្លៃ<br />របស់ស្រទាប់អ្នកមានមធ្យមដូចពុកម្ដាយរបស់ខ្លួន។ ពួកគេចង់អោយកូនៗ ត្រូវតែរៀនតស៊ូ<br />ក្នុងជីវិត ធ្វើការដោយយកចិត្ដទុកដាក់ ទ្រាំនឹងបរាជ័យ និងរកឃើញភាពរីករាយនៅពេល<br />បានជោគជ័យ។</p>
<p>មួយវិញទៀត គ្រួសារអ្នកមានជាច្រើនយល់ថា កូនៗរបស់ខ្លួននឹងមិនមានសមត្ថភាពក្នុងការ<br />គ្រប់គ្រង និងចាត់ចែងទ្រព្យដ៏ច្រើនបែបនេះនោះទេ ដោយសារពួកគេមិនមានបទពិសោធ។ </p>
<p>Keith Banks ប្រធានរបស់ ក្រុមហ៊ុនស្រាវជ្រាវ U.S. Trust ថ្លែងថា ៖ “ការស្រាវជ្រាវរបស់<br />យើង បានអោយដឹងពីការផ្លាស់ប្ដូរការយល់ឃើញ ក៏ដូចជាឥរិយាបថរវាងវ័យនិមួយៗ ដែល<br />នេះអាចកើតឡើងដោយសារបទពិសោធផ្ទាល់ខ្លួន និងប្រតិកម្មរបស់សង្គមចំពោះសេដ្ឋកិច្ច<br />ជាក់ស្ដែង”៕</p>
<p style="text-align: right;">ដោយ ៖ សូរីយ៉ា<br />ប្រភព ៖ LD</p>
<p> </p>