<div class="item-page">
<p><span style="color: #000000;"><strong>(កំពត)៖</strong> កម្លាំងនគរបាលខេត្តកំពត សហការជាមួយកម្លាំងនគរបាលស្រុកឈូក ឃាត់ខ្លួនជនសង្ស័យម្នាក់ ពាក់ព័ន្ធករណីចោរកម្ម នៅរសៀលថ្ងៃទី៥ ខែមករា ឆ្នាំ២០១៧ នៅស្រុកឈូក។</span></p>
<p><span style="color: #000000;">មន្ត្រីនគរបាលជំនាញព្រហ្មទណ្ឌខេត្ត បានឲ្យដឹងថា ជនសង្ស័យ ឈ្មោះ តុង សុខជា ឣាយុ២៧ឆ្នាំចំណែកជនរងគ្រោះ ឈ្មោះ អ៊ឹម មុន្នីចិន្តា ភេទស្រី ឣាយុ៣៦ឆ្នាំ មុខរបរ លក់ដូរ មានទីលំនៅភូមិជាមួយគ្នា ដោយជនរងគ្រោះបាត់បង់ កាតATM (កាណាឌីយ៉ា)មួយ ក្នុងកាតមានទឹកប្រាក់ចំនួន១,៤១៩ដុល្លារ និងសាច់ប្រាក់៣០០ដុល្លារ។</span></p>
<p><span style="color: #000000;">នគរបាលដដែល បន្តថា មុនពេលកើតហេតុជនសង្ស័យ បានចូលធ្វើសកម្មភាពលួចទ្រព្យសម្បត្តិរបស់ជនរងគ្រោះ នៅភូមិសុវណ្ណសាគរ សង្កាត់កំពង់កណ្ដាល ក្រុងកំពត ខណៈពេលជនរងគ្រោះ កំពុងរៀបចំលក់ដូរនៅចង្ក្រានបាយខាងក្រោយ ភ្លាមនោះជនសង្ស័យ បានលួចលុយក្នុងកាបូបដែលទុកនៅលើតុ ហើយបានគេចខ្លួនដល់ស្រុកឈូក។</span></p>
<p><span style="color: #000000;">ក្រោយឃាត់ខ្លួនកម្លាំងនគរបាលដកហូតបាន កាតATM មួយសន្លឹក និងលុយ១,២២០ដុល្លារ។ បច្ចុប្បន្នជនសង្ស័យត្រូវបានកម្លាំងនគរបាលខេត្ត កសាងសំណុំរឿងដើម្បីចាត់ការបន្ដ៕</span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-05-19-23-47-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-05-19-23-47-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-05-19-23-47-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
</div>