<p><span style="color: #000000;"><strong>ភ្នំពេញ៖</strong> រដ្ឋមន្ត្រីក្រសួងអប់រំ យុវជន និងកីឡា លោក ហង់ ជួនណារ៉ុន បានលើកឡើងថា ស្ថានភាពប្រឡងមធ្យមសិក្សាទុតិយភូមិ ហៅថា បាក់ឌុប នៅឆ្នាំ២០១៥នេះ មានភាពល្អប្រសើរជាងឆ្នាំ២០១៤។ ល្អប្រសើរ ក៏ព្រោះតែសិស្សមានទឹកមុខស្រស់ស្រាយ ហាក់បានត្រៀមលក្ខណៈទុកជាមុន មិនដូចឆ្នាំទៅនោះទេ សិស្សហាក់មានអារម្មណ៍ភ័យព្រួយច្រើន។</span></p>
<p><span style="color: #000000;">ថ្លែងប្រាប់អ្នកសារព័ត៌មានក្នុងឱកាស ទៅចូលរួមបើកវិញ្ញាសារប្រឡង នៅព្រឹកថ្ងៃទី២៤ ខែសីហា ឆ្នាំ២០១៥ នាវិទ្យាល័យព្រះស៊ីសុវត្ថិ លោក ហង់ ជួនណារ៉ុន បានមានប្រសាសន៍ថា នៅក្នុងឆ្នាំនេះ សិស្សមានការត្រៀមបានល្អ ដោយមិនបានយក សំណៅឯកសារចូល ឬទូរស័ព្ទចូលដូចឆ្នាំមុនទេ ព្រោះកាលពីឆ្នាំមុន នៅមាត់ទ្វារសាលា មានសំណៅឯកសារច្រើនណាស់ ដែលសិស្សនាំចូល ប៉ុន្តែឆ្នាំនេះអត់មានទេ។</span></p>
<p><span style="color: #000000;">លោកថា «ឆ្នាំនេះសិស្សមានទឹកមុខស្រស់ស្រាយជាងឆ្នាំមុន ព្រោះគាត់បានត្រៀមលក្ខណៈរួចហើយ មិនមានការភិតភ័យអីនោះទេ។ អីចឹងអ្វីដែលយើងបារម្ភ កាលពីឆ្នាំមុន យើងមិនដឹងថា សិស្សភិតភ័យ អីចឹងយើងឃើញថា កាលពីឆ្នាំមុនមានសិស្សខ្លះសន្លប់អីជាដើម សង្ឃឹមថាឆ្នាំនេះ ប្រហែលជាអត់មានទេ ដោយសារតែគាត់ដឹងពីអ្នកចូលរួម ដូចអ្នកសង្កេតអីហ្នឹង អីចឹងគាត់មិនភ័យទេ»។</span></p>
<p><span style="color: #000000;">លោករដ្ឋមន្ត្រី បានបន្ថែមថា មិនត្រឹមតែស្ថានភាពនៅក្នុងសាលាទេ ដែលមានភាពល្អប្រសើរជាងឆ្នាំមុននោះ ស្ថានភាព នៅក្រៅ និងជិតសាលា ក៏មានរបៀបរៀបរយ ផងដែរ មិនដូចពីឆ្នាំមុននៅ ជិតសាលាព្រះស៊ីសុវត្ថិនេះ នៅម៉ោង ៤ទៀបភ្លឺ នៅកន្លែងកូពីជិតសាលា មានកូពីប្រ៊ីយ៉ុងឲ្យសិស្ស តែឆ្នាំនេះត្រូវបានបិទ។</span></p>
<p><span style="color: #000000;">បេក្ខនារីម្នាក់ឈ្មោះ តេង វួចលីង ជាសិស្សរៀន នៅវិទ្យាល័យព្រះយុគន្ធរ ដែលបានមកប្រឡង នៅមណ្ឌលវិទ្យាល័យព្រះស៊ីសុវត្ថិ បានប្រាប់មជ្ឈមណ្ឌលព័ត៌មានដើមអម្ពិលថា កញ្ញាមានសង្ឃឹមត្រឹមតែ ៥០-៦០តែប៉ុណ្ណោះ នៅក្នុងការប្រឡងបាក់ឌុបឆ្នាំនេះ ព្រោះមិនសូវយល់ដឹងទាំងអស់ ទៅលើវិញ្ញាសារមួយចំនួន។</span></p>
<p><span style="color: #000000;">ចំពោះមេរៀនសង្ខេបរបស់ក្រអប់រំ ដែលបានដាក់ឲ្យ សិស្សរៀនបំប៉នបន្ថែមនោះ ត្រូវបានកញ្ញាបញ្ជាក់ថា «វិញ្ញាសារដែលក្រសួងដាក់ឲ្យនោះ គឺមេរៀនគីមីវិទ្យា មានការងាយស្រួលច្រើនជាងគេ ព្រោះថា គណិតវិទ្យាពិបាកមើលឲ្យយល់ ព្រោះខាងក្រសួងគាត់កាត់ពេក»។</span></p>
<p><span style="color: #000000;">សូមបញ្ជាក់ថា នៅក្នុងសម័យប្រឡងបាក់ឌុបឆ្នាំ២០១៥នេះ មានបន្ទប់ប្រឡងចំនួន ៣.៥៧៦បន្ទប់ និងមានបេក្ខជនចំនួន ៨៨.៤៨៨នាក់។ ការប្រឡងត្រូវបានធ្វើឡើងជាមួយលក្ខខណ្ឌ និងការយាមកាមយ៉ាងតឹងរឹង៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/24/8-24-2015-9-34-37-am-24-08-2015--09-40-26.png"><span style="color: #000000;"><img src="/FileManager/Articles/mce/2015/8/24/8-24-2015-9-34-37-am-24-08-2015--09-40-26.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/8/24/8-24-2015-9-33-58-am-24-08-2015--09-40-37.png"><span style="color: #000000;"><img src="/FileManager/Articles/mce/2015/8/24/8-24-2015-9-33-58-am-24-08-2015--09-40-37.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/8/24/8-24-2015-9-34-19-am-24-08-2015--09-40-48.png"><span style="color: #000000;"><img src="/FileManager/Articles/mce/2015/8/24/8-24-2015-9-34-19-am-24-08-2015--09-40-48.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>