<p><span style="font-size: 12px; color: #000000;">អាជ្ញាធរថៃ រួមសហការជាមួយភ្នាក់ងារស៊ើបអង្កេត FBI របស់អាមេរិក បានចាប់ខ្លួនបុរសជនជាតិបារាំងម្នាក់ឈ្មោះ Rachid Abdel Kader អាយុ ៦៤ ឆ្នាំ នៅក្នុងខេត្ដប៉ាតាយ៉ា កាលពីថ្ងៃព្រហស្បតិ៍ពីបទកាន់កាប់ និងរក្សាទុករូបភាព និងវីដេអូអាសអាភាសរបស់កុមារីថៃជាច្រើននាក់។</span></p>
<p><span style="color: #000000;"> ក្រុមមន្រ្តីមកពីនាយកដ្ឋានស៊ើបអង្កេតពិសេស និងប៉ូលីសអន្តោប្រវេសន៍ក្នុងស្រុក បានឆែកឆេរផ្ទះរបស់គាត់ ដែលស្ថិតនៅលើដីភូមិគ្រឹះ Soi Rung នៅភាគខាងត្បូងខេត្ដប៉ាតាយ៉ា ក្នុងសង្កាត់ Bang Lamung ។</span></p>
<p><span style="color: #000000;">ក្រុមនគរបាល បានឆែកឆេររកឃើញរូបថត និងវីដេអូអាសអាភាសជាច្រើនរបស់ក្មេងស្រីថៃ ដែលមានអាយុក្រោម ១៨ ឆ្នាំនៅក្នុង compact disks និងក្នុងឯកសារកុំព្យូទ័ររបស់បុរសនោះ។</span></p>
<p><a class="thickbox" title="" href="/FileManager/Commons/2018/4/10/1-10-04-2018--10-41-15.png"><img src="/FileManager/Articles/mce/2018/4/10/1-10-04-2018--10-41-15.png" alt="" /></a><br /> <br /><span style="color: #000000;"> លោកអគ្គស្នងការ Songprote Sirisukha ប្រធាននាយកដ្ឋានអន្តោប្រវេសន៍ ប្រចាំនៅខេត្តឈុនប៊ូរី បាននិយាយថា លោក Kader បានចំណាយពេលចូលនិវត្តន៍របស់លោក នៅប៉ាតាយ៉ាអស់រយៈពេលមួយទសវត្សរ៍មកហើយ ។</span></p>
<p><span style="color: #000000;">FBI បានប្រាប់អាជ្ញាធរថៃថា បុរសជនជាតិបារាំងរូបនេះ បានប្រមូលរូបភាពអាសអាភាស និងវីដេអូសម្រាប់សមាជិកក្រុមរបស់គាត់ ដើម្បីទាញយក។</span><br /> <br /><span style="color: #000000;"> គាត់ត្រូវបានចោទប្រកាន់ពីបទកាន់កាប់រូបភាព និងវីដេអូអាសអាភាសរបស់កុមារ ដើម្បីទាក់ទាញចំណាប់អារម្មណ៍ផ្លូវភេទ ៕</span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/4/10/mkn-10-04-2018--09-11-54.png" alt="" /></a></span></p>
<p style="text-align: right;"><span style="color: #000000; font-size: 12px; text-align: right;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ bangkokpost</span></p>