<p><span style="color: #000000;"><span style="font-size: 12px;">កាលពីយប់មិញ</span><strong style="font-size: 12px;"> </strong><span style="font-size: 12px;">Ellen DeGeneres ពិធីករក្នុងកម្មវិធី The Ellen Show បានបង្ហើបថា ឪពុករបស់នាងបានលាចាកលោកហើយ ក្នុងអាយុ ៩២ឆ្នាំ។ ក្នុងពេលវេលាដ៏ក្តុកក្តួល Ellen បានរំឮកពី ជីវិតរបស់ឪពុកនាង ហើយនាងបាននិយាយពាក្យ«លាហើយ» ចុងក្រោយទៅកាន់ឪពុករបស់នាង។</span></span></p>
<p><a class="thickbox" title="" href="/FileManager/Commons/2018/1/13/3-13-01-2018--11-45-02.png"><img src="/FileManager/Articles/mce/2018/1/13/3-13-01-2018--11-45-02.png" alt="" /></a></p>
<p> </p>
<p class="body-text"><span style="color: #000000;">«គាត់មានជីវិតដ៏ល្អ និងវែងមួយ ហើយគាត់បានប្រើជីវិតរបស់គាត់ ទៅតាមអ្វីដែលគាត់ចង់បាន។» Ellen បានបន្តទៀតថា៖ «ក្នុងមួយជីវិតរបស់គាត់ គាត់គឺជាអ្នកវិទ្យាសាស្រ្តគ្រីស្ទាន គាត់មិនដែលប្រើប្រាស់ថ្នាំពេទ្យ និងមិនដែលទៅជួបដុកទ័រឡើយ។ ខ្ញុំមិនដែលបានចាក់វ៉ាក់សាំង ពួកយើងមិនដែលប្រើប្រាស់ថ្នាំពេទ្យរហូតដល់ធំដឹងក្តី។ គាត់មានមោទនភាពចំពោះខ្ញុំ គាត់ចូលចិត្តកម្មវិធីខ្ញុំ ហើយគាត់គឺជាមនុស្សដ៏ចិត្តល្អម្នាក់ និងមនុស្សមា្នក់ដែលគួរឲ្យរាប់អាន ហើយគាត់មិនដែលចេះវាយតម្លៃមនុស្ស ឬអ្វីផ្តេសផ្តាសឡើយ»។</span></p>
<p><span style="color: #000000;">Ellen បានរំឮកពីការសម្រាកលំហែកាយតាំងពីកុមារភាព ជាមួយឪពុករបស់នាង ដែលពួកគេទាំងពីរបានទៅ Warner Bros (កន្លែងដែល Ellen ធ្វើការសព្វថ្ងៃ)។</span></p>
<p><span style="color: #000000;"><a class="thickbox" title="" href="/FileManager/Commons/2018/1/13/2-13-01-2018--11-44-46.png"><img src="/FileManager/Articles/mce/2018/1/13/2-13-01-2018--11-44-46.png" alt="" /></a><br /></span></p>
<p><iframe src="https://www.youtube.com/embed/mQdBJGlnQYs" frameborder="0" width="500" height="430"></iframe></p>
<p><span style="color: #000000;">«ខ្ញុំបានគ្រប់គ្រងកម្មវិធីផ្ទាល់ខ្លួន ហើយមានឈ្មោះរបស់ខ្ញុំនៅលើវា ហើយគាត់ពិតជាមានមោទនភាពចំពោះខ្ញុំណាស់។ មុនពេលដែលគាត់លាចាកលោក ខ្ញុំបាននិយាយជាមួយគាត់ ហើយនិយាយពាក្យលាគ្នា ជាលើកចុងក្រោយ។ នៅពេលដែលខ្ញុំបានចាកចេញពីអាគារនោះ ខ្ញុំបានបែរក្រោយ ហើយមានឥន្ធនូមួយនៅលើ Warner Bros studio។ ខ្ញុំបានឃើញវា នៅពេលដែលខ្ញុំបាននិយាយជាមួយឪពុកខ្ញុំហើយ បន្ទាប់មក គាត់បានស្លាប់ក្នុងពេល ១០ នាទីក្រោយ។ ពិតជាអស្ចារ្យ» ៕</span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/1/12/mkn-12-01-2018--15-26-56.png" alt="" /></a><br /></span></p>
<p style="text-align: right;"><span style="color: #000000;">ប្រភព៖ cosmopolitan</span></p>