<div class="item-page">
<p><span style="color: #000000;"><strong>(ក្រចេះ)៖</strong> នគរបាលការិយាល័យប្រឆាំងការជួញដូរមនុស្ស និងការពារអនីតិជន នៃស្នងការដ្ឋាននគរបាលខេត្តក្រចេះ បញ្ជូនជនសង្ស័យ១នាក់ ទៅតុលាការនៅព្រឹកថ្ងៃទី១១ ខែមករា ឆ្នាំនេះ ក្រោយកម្លាំងនគរបាលស្រុកស្នូល ឃាត់ខ្លួនពាក់ព័ន្ធករណីរំលោភសេពសន្ថវៈលើក្មេង ស្រីវ័យអនីតជន អាយុ១៤ឆ្នាំម្នាក់ បានសម្រេចរហូតដល់ទៅ៣ដង ក្នុងរយៈពេលជាង១ម៉ោង កាលពីថ្ងៃទី៨ ខែមករា ឆ្នាំ២០១៧ នៅភូមិក្រញូងសែនជ័យ ឃុំក្រញូង ស្រុកស្នួល។</span></p>
<p><span style="color: #000000;">មន្ដ្រីនគរបាលការិយាល័យប្រឆាំងការជួញដូរមនុស្ស និងការពារអនីតិជន បានឲ្យដឹងថា ជនសង្ស័យរូបនេះ ឈ្មោះ ស៊ុ ឡឹម អាយុ៥១ឆ្នាំ ស្នាក់នៅបណ្តោះអាសន្ន ស៊ីឈ្មួលដកដំឡូង នៅភូមិក្រញូងសែនជ័យខាងជើង ឃុំក្រញូងសែនជ័យ ស្រុកស្នួល និងមានស្រុកកំណើតនៅភូមិអញ្ចាញ ឃុំក្របៅ ស្រុកកំចាយមារ ខេត្តព្រៃវែង។</span></p>
<p><span style="color: #000000;">លោកកែវ ចាន់ធី ប្រធានការិយាលយ័ប្រឆាំងការជួញដូរមនុស្ស និងការពារអនីតិជន បានបញ្ជាក់ថា ជនសង្ស័យត្រូវបានកម្លាំងនគរបាលព្រហ្មទណ្ឌស្រុកស្នួល ចុះចាប់ឃាត់ខ្លួនបានភ្លាមៗ កាលពីថ្ងៃទី៨ ខែមករា ក្រោយពីទទួលបានពាល្យបណ្តឹងពីឪពុកក្មេងស្រីរងគ្រោះ។</span></p>
<p><span style="color: #000000;">ក្នុងរបាយការណ៍នគរបាលបន្ថែមថា ជនសង្ស័យ និងគ្រួសារក្មេងស្រីរងគ្រោះជាអ្នកក្បែរខាងនិងគ្នា ហើយផ្ទះជីដូនក្មេងស្រីរងគ្រោះមានលក់គ្រឿងទេស នៅថ្ងៃកើតហេតុ ព្រឹកថ្ងៃទី៨ ខែមករា ជនសង្ស័យបាន ដើរមកទិញស្រាស២លីត្រ យកទៅផឹកនៅរោងកម្មករ លុះមួយសន្ទុះក្រោយមក ជនល្មើសបានហៅក្មេងស្រីរងគ្រោះ ឲ្យយកស្រាបៀរចំនួន៣កំប៉ុង ទៅឲ្យរូបគេនៅរោងកម្មករ ខណៈដែលក្មេងស្រីរងគ្រោះដើរយកស្រាបៀរទៅឲ្យជននេះដល់រោង ស្រាប់តែជនសង្ស័យបានចាប់ក្មេងស្រីរងគ្រោះ ធ្វើសកម្មភាពរំលោភតែមិនបានសម្រេច ដោយសារជីដូនក្មេងស្រីរងគ្រោះស្រែកហៅ។</span></p>
<p><span style="color: #000000;">របាយការណ៍ដដែលបញ្ជាក់ថា ក្រោយពីធ្វើសកម្មភាពជននេះបានគំរាមក្មេងស្រីរងគ្រោះ និងសម្លាប់ចោលមួយពូជ បើសិនជាយករឿងនេះ ប្រាប់គេ។ យោងតាមចម្លើយសារភាព របស់ជនជាប់សង្ស័យបានប្រាប់នគរបាលថា រូបគេពិតជាបានធ្វើសកម្មភាព ចាប់រំលោភសេពសន្ថវៈក្មេងស្រីរងគ្រោះបានសម្រេចរហូតដល់ទៅ៣ដង ពិតប្រាកដមែន៕</span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-11-10-27-12-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-11-10-27-21-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-11-10-27-21-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-11-10-27-25-0.jpg" alt="" width="730" /></span></p>
</div>
<div id="system-message-container">
<div id="system-message"></div>
</div>
<div class="span9" style="text-align: right;"><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></div>
<div class="custom"><a href="http://ads.freshnewsasia.com/sreyrathtravel" target="_blank"></a></div>