<p><span style="color: #000000;"><strong>(ភ្នំពេញ)៖</strong> កញ្ញា ធី សុវណ្ណថា ប្រធានអង្គការយុវជនកិច្ចការសង្គម បានប្រកាសនៅថ្ងៃទី០៥ ខែកក្កដា ឆ្នាំ២០១៦នេះថា នឹងទិញចេកទាំង២ពាន់ស្និត ពីបុរសកំសត់ម្នាក់ នៅខេត្តកោះកុង ដែលត្រូវបានកម្លាំងសមត្ថកិច្ចចុះរុះរើចេករបស់គាត់ចេញពីរថយន្ត ស្វែងរកឈើខុសគ្រញូង បណ្តាលឱ្យខូចខាតអស់មួយចំនួន។</span></p>
<p><span style="color: #000000;">ហេតុការណ៍សមត្ថកិច្ចចុះរុះរើចេកផ្អើលតាម Facebookនេះ បានកើតឡើងនៅវេលាម៉ោង ១រំលងអាធ្រាត្រឈានចូលថ្ងៃទី១ ខែកក្កដា ឆ្នាំ២០១៦ នៅក្រុងខេមរភូមិន្ទ ខេត្តកោះកុង ជាប់ព្រំប្រទល់ស្រុកវាលវែង ខេត្តពោធិសាត់។ ម្ចាស់ចេកដែលស្រែកទ្រហោយំមានឈ្មោះ សុខ រតនា ហៅវិត អាយុ២៦ឆ្នាំ រស់នៅស្រុកមណ្ឌលសីមា ជាអ្នកស្រែចម្ការពឹងផ្អែកលើរបបចិញ្ចឹមជីវិត ដោយការដាំចេក។</span></p>
<p><span style="color: #000000;">កញ្ញា ធី សុវណ្ណថា បានប្រកាសនៅលើទំព័រ Facebook របស់នាងនៅព្រឹកមិញថា ក្រុមការងាររបស់នាង នឹងស្វែងរកម្ចាស់ចេកខាងលើនេះ ហើយព្រមទិញយកចេកដែលខូចខាត ទាំង២ពាន់ស្និតនោះ។ កញ្ញាថា <strong>«នាងខ្ញុំ នឹងជួយទិញចេករបស់គាត់ ទាំង២០០០ស្និតរបស់គាត់ដែលត្រូវខូចខាត និងខកពេលយកទៅលក់ដោយសារអាជ្ញាធរខេត្តកោះកុង បានស្ទាក់ចាប់ឡានរើចេក សង្ស័យថាបង្កប់ឈើក្រញូង តែរកមិនឃើញឈើក្រញូងទេ»</strong>។</span></p>
<p><span style="color: #000000;">ជាមួយគ្នានេះ កញ្ញាដែលសម្បូរវោហារស័ព្ទនៅលើ Facebook រូបនេះ ក៏បានស្នើដល់អាជ្ញាធរខេត្តកោះកុង ធ្វើការដោយប្រុងប្រយ័ត្ន និងត្រូវមានការ ទទួលខុសត្រូវខ្ពស់ ជៀសវាងការអនុវត្តការងារ ដែលធ្វើឱ្យខូចខាតដល់ប្រជាពលរដ្ឋ ឬអ្នករកស៊ីដូចករណីខាងលើនេះ។</span></p>
<p><span style="color: #000000;">ទោះជាយ៉ាងណាបើតាមការបកស្រាយរបស់សមត្ថកិច្ច បានឱ្យដឹងថា ចំពោះករណីនេះ គឺមានប្រជាពលរដ្ឋ រាយការណ៍ផ្តល់ព័ត៌មានថា មានរថយន្តដឹកផ្លែចេក បង្កប់ឈើក្រញូង ចេញពីចំណុចក្នុងភូមិ អូសោម ស្រុកវាលវែងខេត្តពោសាត់ មកខេត្តកោះកុងនោះ កម្លាំងការិយាល័យប្រឆាំងបទល្មើសសេដ្ឋកិច្ច បានធ្វើការឃាត់ត្រួតពិនិត្យ នាំយកមកកាន់ស្នងការដ្ឋាននគរបាលខេត្ត។</span></p>
<p><span style="color: #000000;">របាយការណ៍បានបន្តទៀតថា ក្រោយកម្លាំងជំនាញឆ្លងយោបល់លោកស្នងការ និងលោក ព្រះរាជអាជ្ញា ទើបឲ្យកម្លាំងការពាររង់ចាំព្រឹក បង្កើតគណ:កម្មការធ្វើការឆែកឆេរ ដែលការឆែកឆេរនោះ ដឹកនាំដោយ លោក អ៊ីវ ត្រាយ ព្រះរាជអាជ្ញារង អយ្យកាអមសាលាដំបូង ខេត្តកោះកុង។ ប៉ុន្តែជាលទ្ធផលមិនមានឈើក្រញូងទេ ហើយក៏ធ្វើកំណត់ហេតុប្រគល់ជូនម្ចាស់ភ្លាមៗវិញ ដោយគ្មានការខូចខាតអ្វី្វទាំងអស់ ហើយរាល់ការចំណាយថ្លៃកម្មករលើកចុះ ឡើងនគរបាលជាអ្នកដោះស្រាយ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/7/5/1-05-07-2016--14-06-55.png"><img src="/FileManager/Articles/mce/2016/7/5/1-05-07-2016--14-06-55.png" alt="" /></a><br /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xpf1/v/t1.0-9/13592584_1329049473791402_141648962985947742_n.jpg?oh=2e31abcac2c7f7a1bce2dd9b74ac2c05&oe=57F2CBC2&__gda__=1475127464_754205bba681108d6bca485efa9eb92d" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xaf1/v/t1.0-9/13612247_1329049463791403_5354081211196068544_n.jpg?oh=e3162054eadd04e90aececa8eda3df55&oe=583600D1&__gda__=1475934566_98e2a70701219c00fadc7f3b847a0cac" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>