<p><span style="color: #000000;">ព័ត៌មានកីឡា៖ Cristiano Ronaldo បានសារភាពដោយផ្ទាល់ថា ពានរង្វាន់កីឡាករឆ្នើមពិភពលោករដូវកាលនេះ នឹងធ្លាក់ទៅលើ Messi ជាមិនខានឡើយ ក្រោយពេលដែលរដូវកាលមុន គាត់បានដឹកនាំក្លឹប Barcelona ឲ្យឈ្នះពានប្រចាំរដូវកាលដល់ទៅ ២ ក្នុងឆ្នាំតែមួយ។ </span></p>
<p><span style="color: #000000;">ខ្សែប្រយុទ្ធក្លឹប Real Madrid រដូវកាលកន្លងទៅ បានឈ្នះពានរង្វាន់ Ballon d’Or បីដងទៅហើយ ដោយពីរដងក្រោយនៅរដូវកាល ២០១៣ និង ១៤ ខណៈដែល Messi មានឱកាស ៤ដង ។ សម្រាប់រដូវ 2015 នេះ កីឡាករយល់ថា Messi នឹងទទួលបានម្ដងទៀតព្រោះ Messi បានជួយ ក្លឹប Barcelona លើកពានដល់ពីរក្នុងរដូវកាលតែមួយ គឺ Champions League និង La Liga ប៉ុន្ដែទោះជាយ៉ាងណាកីឡាករបានលើកទឹកចិត្ដខ្លួនឯងទុកជាមុនផងដែរថា ការបរាជ័យពេលនេះ គឺជាកម្លាំងជម្រុញទឹកចិត្ដរបស់កីឡាករ ឲ្យយកឈ្នះក្នុងឱកាសក្រោយទៀត ។ </span></p>
<p><span style="color: #000000;">Cristiano Ronaldo បានថ្លែងប្រាប់អ្នកការសែតថា » ជោគជ័យនេះ គឺស្ថិតលើការបោះប្រកួតប្រជែង ហើយ Messi គាត់នឹងទទួលបានជ័យជំនះ ព្រោះរដូវកាលមុនគាត់បានដឹកនាំក្លឹប ឈ្នះ Champions League និង La Liga។ បើតាមពិតទៅទម្រង់លេងជាលក្ខណៈផ្ទាល់ខ្លួន ខ្ញុំប្រហែលជាធ្វើបានល្អច្រើនជាង គ្រប់រដូវកាលក្នុងអាជីពរបស់ខ្ញុំ ដែលភាពខ្លាំងនេះ ខ្ញុំគឺជាកំពូលកីឡាករដែល អាចរកបានគ្រាប់បាល់បានច្រើនជាងគេ ទឹកដីអឺរ៉ុប» ។ </span></p>
<p><span style="color: #000000;">តែទោះបីជាយ៉ាងណាក៏ដោយ Cristiano Ronaldo នៅតែបន្ដក្ដីស្រម៉ៃថា ខ្លួននឹងមានឱកាសឈ្នះពានរង្វាន់នេះជាបន្ដទៀត នៅថ្ងៃអនាគត ហើយមហិច្ឆិតារបស់គាត់ គឺនឹងអាចចូលលេង ឲ្យបានល្អយ៉ាងហោចក៏ ៦ទៅ ៧ឆ្នាំបន្ដទៀត ហើយក៏ជាពេលវេលាដែលគាត់នឹងមានសមត្ថភាពលើកពាននេះទៀតដែរ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/11/13/11-13-2015-11-03-07-am-13-11-2015--11-12-23.png"><span style="color: #000000;"><img src="/FileManager/Articles/mce/2015/11/13/11-13-2015-11-03-07-am-13-11-2015--11-12-23.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/13/11-13-2015-11-03-34-am-13-11-2015--11-12-44.png"><span style="color: #000000;"><img src="/FileManager/Articles/mce/2015/11/13/11-13-2015-11-03-34-am-13-11-2015--11-12-44.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/13/11-13-2015-11-04-02-am-13-11-2015--11-12-54.png"><span style="color: #000000;"><img src="/FileManager/Articles/mce/2015/11/13/11-13-2015-11-04-02-am-13-11-2015--11-12-54.png" alt="" /></span></a></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ apponefootball</span></p>