<div class="item-page">
<p><span style="color: #000000;"><strong>(ត្បូងឃ្មុំ)៖</strong> បុរសម្នាក់ស្រវឹងស្រាជិះម៉ូតូទៅផ្ទះពួកម៉ាក ហើយសួររកទូរស័ព្ទរបស់ខ្លួន តែរកមិនឃើញ ក៏យកគ្រាប់បែកដាក់ទ្រូងពួកម៉ាក បណ្ដាលឲ្យផ្ទុះស្លាប់ទាំង២នាក់។ ហេតុការណ៍នេះ កើតឡើង នៅរសៀលថ្ងៃទី១ ខែមករា ឆ្នាំ២០១៧នេះ ស្ថិតក្នុងភូមិត្របែក ឃុំមេមត់ ស្រុកមេមត់ ខេត្តត្បូងឃ្មុំ។</span></p>
<p><span style="color: #000000;">មន្ដ្រីនគរបាលមូលដ្ឋានបានឲ្យដឹងថា មុនពេលកើតហេតុជនបង្ក ឈ្មោះ សំ សារ៉ាត ហៅជា ស្ថិតក្នុងស្ថានភាពស្រវឹងជោក បានជិះម៉ូតូមួយគ្រឿងម៉ាក ស៊ីរ៉ូស ពណ៌ក្រហមខ្មៅ ដោយភ្ជាប់មកជាមួយនៅគ្រាប់បែកមួយគ្រាប់ មកឈប់មុខផ្ទះឈ្មោះ សូ ណាក់ អាយុ៤១ឆ្នាំ ហើយបានជួបជនរងគ្រោះឈ្មោះ ខុញ ខា អាយុ៤៣ឆ្នាំ ដោយបានសួររកទូរស័ព្ទរបស់ខ្លួន ហើយឈ្មោះ ខុញ ខា ឆ្លើយថាមិនឃើញរួច ជនបង្កជិះម៉ូតូចេញទៅវិញមួយសន្ទុះ ក្រោមមកត្រឡប់មកវិញ។</span></p>
<p><span style="color: #000000;">នគរបាលបន្ដថា ពេលត្រឡប់មកវិញ ជនបង្កបានយកគ្រាប់បែកមកដាក់ញុកទ្រូងឈ្មោះ ខុញ ខា រួចនិយាយថា <strong>«បើឯងស្រលាញ់គ្នា យើងងាប់ទាំងអស់គ្នា»</strong> ថារួចជនបង្កក៏បានដកគ្រាប់បែកចេញបណ្ដាលឲ្យផ្ទុះស្លាប់ទាំង២នាក់ភ្លាមៗ។</span></p>
<p><span style="color: #000000;">បច្ចុប្បន្នកម្លាំងនគរបាលជំនាញ កំពុងធ្វើការស្រាវជ្រាវបន្ដ និងប្រគល់សពជូនក្រុមគ្រួសារ ដើម្បីធ្វើបុណ្យតាមប្រពៃណី៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2017-01-01-04-35-12-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2017-01-01-04-35-12-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2017-01-01-04-35-12-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
</div>