<p><span style="color: #000000;"><strong>(ភ្នំពេញ)៖</strong> ប្រធានសមាគម «មិត្តសិល្បៈស្ម័គ្រចិត្តជួយសង្គម» និងជាតារាសម្តែងអ្នកនាង ចន ច័ន្ទលក្ខិណា ត្រូវបានក្មេងស្រីម្នាក់ ប្រើប្រាស់ Acount Facebook ឈ្មោះ Ly Chanvatey បានសរសេរបង្ហោះសាររិះគន់ និងស្នើឲ្យអ្នកនាងកុំលូកដៃ ក្នុងឆាកនយោបាយទៀតល្អជាង ព្រោះក្មេងស្រីម្នាក់នោះ និយាយថាអ្នកនាង ចន ច័ន្ទលក្ខិណា នៅមានចំណុចខ្សោយខ្លាំងណាស់ ក្នុងរឿងនេះ។</span></p>
<p><span style="color: #000000;">ម្ចាស់ Acount Facebook ឈ្មោះ Ly Chanvatey បានសរសេរបង្ហោះថា «នាងខ្ញុំ លី ច័ន្ទវត្តី សូមផ្តាំទៅបងស្រី ចន ច័ន្ទលក្ខិណា យកល្អកុំលូកដៃក្នុងរឿងនយោបាយអី បើបងនិយាយអត់ដឹងអីផងហ្នឹង គឺវាបង្ហាញពីកំសោយនៃការយល់ដឹងរបស់បង កាន់តែច្បាស់ឲ្យមហាជន សើចចំអកទៅវិញទេ បងលាងគូទខ្លួនឯងសិន ចាំបងនិយាយរឿងនេះ ខ្ញុំមិនឃាត់បងនិយាយពីនយោបាយទេ តែបងត្រូវមានការយល់ដឹងជាងក្មេងតិចទៀតណា ព្រោះទស្សនៈបង វាដូចជាអាចារ្យតាថេស និងអាឡាគេធឺពេក!»។</span></p>
<p><span style="color: #000000;">ប្រភពពីក្មេងស្រីដដែលនេះ បានបន្តថា «ចាំទេលោក អេង រិទ្ធី លោក សាពូន មីដាដា និង លោក ករុណា ពេជ្រ សង្ឃឹមថា ប្រជាប្រិយភាពបងនៅតែមាន បើបងមិនបញ្ចេញយោបល់ ដ៏ល្ងង់ខ្លៅរបស់បង ហើយបើជ្រុលតំណាងឲ្យស្ត្រី ស្វែងរកយុត្តិធម៌ឲ្យស្ត្រីខ្មែរ និងជាប្រធានមាគមសិល្បៈខ្មែរផងនោះ សូមបងជួយស្វែងរកឲ្យអ្នកមីង ពិសិទ្ធ ពីលីកា, អ្នកមីង តាត ម៉ារីណា, បងស្រី ទូច ស៊ុននិច និង បងស្រី ពៅ បញ្ញាពេជ្រ ផង បានទេ? »។</span></p>
<p><span style="color: #000000;">ម្ចាស់ Acount Facebook ឈ្មោះ Ly Chanvatey ខាងលើបានបន្ថែមថា «ព្រោះពួកគាត់ទើបជាជនរងគ្រោះពិតប្រាកដ មិនមែនឈុតឆាកល្ខោន ហើយជាតារារួមអាជីពផង យល់បាន? ចាំណាបងខ្ពស់ដោយសាអ្នកគាំទ្រ តែប្រយ័ត្នធ្លាក់បាក់កដល់បាត ក៏ដោយសារអ្នកគាំទ្រ ដែលនេះគ្រាន់តែជាយោបល់របស់ខ្ញុំ តែប៉ុណ្ណោះ ក្នុងនាមអ្នកគាំទ្របងមួយរូប (ពីមុន)!»។</span></p>
<p><span style="color: #000000;">យ៉ាងណាមិញ ក្រោយពីមានការលើកឡើង ពីសំណាក់ក្មេងស្រីម្ចាស់ Acount Facebook ឈ្មោះ Ly Chanvatey នេះដែរ គេនៅពុំទាន់ឃើញមានប្រតិកម្ម ឆ្លើយតបណាមួយ ពីសំណាក់តារាសម្តែង អ្នកនាង ចន ច័ន្ទលក្ខិណា នៅឡើយទេ ខណៈថ្មីៗនេះ នាងទើបចេញសេចក្តីថ្លែងការណ៍ ប្រកាសប្តឹងម្ចាស់ Acount Facebook មួយមានឈ្មោះថា «រាជ្យបុត្រ សូរ្យកាយ» បន្ទាប់ពីចេញវីដេអូ ជេរបញ្ចោរខ្លាំងៗ លើរូបនាងនោះ៕</span></p>
<p><span style="color: #000000;"><img src="https://fbcdn-photos-c-a.akamaihd.net/hphotos-ak-xtf1/v/t1.0-0/p480x480/14034772_1525941430765495_4196377657593161538_n.jpg?oh=20f3b49bd9336fe898f85587bbaa6a0e&oe=58186326&__gda__=1482476855_3d48032d21b6a9d4dac327092ddae09d" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xfp1/v/t1.0-9/14040017_1525941424098829_5890762501208663493_n.jpg?oh=ad599a40155a2e14741360d3406ab988&oe=581BEB6E&__gda__=1477598270_5f9dad8d30b10aa03d2500411762fab5" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13886419_1525941427432162_7057703084521143419_n.jpg?oh=5d2880c8ceacd4dbf6c40f53df26ccc1&oe=58165C5A" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xaf1/v/t1.0-9/14045895_1525941474098824_7189381652927566638_n.png?oh=6f3273f7eeaa37488ca73b70db6866c8&oe=585CFC61&__gda__=1482132950_6f4f1c35f66ab647b338dc033634c6fd" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>