<div class="article-content">
<p><strong>ភ្នំពេញៈ</strong> ចាងហ្វាងកាសែត «ភាពជាដៃគូ» លោក ឈឹម វុត្ថា ត្រូវបានកម្លាំងនគរបាល ឃាត់ខ្លួន<br /> បន្ទាប់ពីផឹកស្រា ស្រវឹងឡើងធ្លាក់ភ្នែក បើករថយន្តបុករណាំងដែកចែកទ្រូងផ្លូវ បាក់១១ផ្ទាំង តាម<br />បណ្តោយមហាវិថីសហព័ន្ធរុស្ស៊ី នៅ មុខផ្ទះលេខ៥៤ ក្នុងសង្កាត់ទឹកថ្លា ខណ្ឌសែនសុខ កាលពី<br />វេលាម៉ោង ១០ និង១០នាទីយប់ថ្ងៃទី១១ ខែមីនា ឆ្នាំ ២០១៣។</p>
<p>មន្រ្តីនគរបាលចរាចរណ៍ បានបញ្ជាក់ប្រាប់អ្នកសារព័ត៌មានថា លោក ឈឹម វុត្ថា អាយុ ៤១ឆ្នាំ ចាង<br />ហ្វាងកាសែត «ភាពជាដៃគូ» ស្នាក់នៅផ្ទះលេខ ១១៤ឌ ភូមិទឹកថ្លា សង្កាត់ទឹកថ្លា ខណ្ឌសែនសុខ<br /> បានស្រវឹងធ្លាក់ភ្នែក មានជាតិ អាល់កុលរហូតដល់ ១.១៥មិល្លីក្រាម ក្នុងមួយលីត្រខ្យល់។</p>
<p>មន្រ្តីនគរបាលដដែលនេះ បានបន្តថា ចាងហ្វាងកាសែត ដែលមិនសូវឮឈ្មោះរូបនេះ បានបើក<br />រថយន្តម៉ាក HON DA ACCORD ពណ៌ស្លែ ពាក់ស្លាកលេខ ភ្នំពេញ 2T-7114 ក្នុងទិសដៅពីកើត<br />ទៅលិច តាមបណ្តោយមាហាវិថី សហព័ន្ធ ក្នុងសភាពរេចុះរេឡើង លុះដល់ចំណុចកើតហេតុបាន<br />ជ្រុលទៅបុក រណាំងដែកចែកទ្រូងផ្លូវបាក់រហូត ១៥ផ្ទាំង។ ក្រោយបង្កហេតុហើយ លោកចាងហ្វាង<br />កាសែត មិនបានបញ្ឈប់រថយន្តនោះទេ បានព្យាយាមបើករថ យន្តគេចខ្លួន ទាំងរថយន្តបែកកង់ <br />រហូតដល់ផ្លូវលេខ ៥៥៥ ជិតផ្ទះរបស់ខ្លួន ទើបសមត្ថកិច្ចស្ទាក់ និងឃាត់ខ្លួន បាន។</p>
<p>ក្រោយឃាត់ខ្លួនលោកចាងហ្វាង ឈឹម វុត្ថា រួមនិងរថយន្ត ដែលរងការខូចខាតផ្នែកខាងមុខធ្ងន់ធ្ងរ<br />នោះ ត្រូវបាន កម្លាំងនគរបាលនាំយកទៅការិយាល័យ នគរបាលចរាចរណ៍ជើងគោករាជធានី<br />ភ្នំពេញ ដើម្បីកសាងសំណុំរឿង បន្ត៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-009/S-110.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/S-111.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/S-112.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/S-113.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>