<p><strong>ភ្នំពេញៈ</strong> នៅពេលថ្មីៗនេះ មានព័ត៌មានលេចឮថា ពិធីការិនីកម្មវិធី “រាត្រីកម្សាន្ត” កញ្ញា ពេជ្រ សូលីដា ហៅ ជីជី បានសម្ងំរៀបចំជប់លៀង ខួបកំណើតស្ងាត់ៗ ទាំងអារម្មណ៍ រំជើបរំជួលក្តុកក្តួល ព្រោះតែការខកចិត្ត បុរសជាគូស្នេហ៍មិនអើពើ រៀបចំពិធី ជប់លៀង ឲ្យនាងហ៊ឺហារ ដូចអ្នកសិល្បៈដទៃ ។</p>
<p>បើតាមប្រភពពីអ្នកសិល្បៈ ដែលបានចូលរួម ក្នុងពិធីជប់លៀងខួបកំណើត របស់ កញ្ញា ជីជី នោះ បានបង្ហើបប្រាប់ឲ្យដឹងថា នៅថ្ងៃខួបកំណើតរបស់ ជីជី នោះ គឺមានកម្មវិធីជប់លៀងបែបលក្ខណៈ គ្រួសារនិងជួបជុំមិត្តភក្តិសិល្បៈ ជិតដិតតែប៉ុន្មាននាក់ប៉ុណ្ណោះ ។មើលពីសំបកក្រៅ គេសង្កេតឃើញថា ពិធីការិនីរូបនេះ ហាក់ខំប្រឹងបញ្ចេញស្នាមញញឹមបង្ហាញ ភាពរីករាយ ដើម្បីបិទបាំងការពិបាកចិត្ត ព្រោះតែក្តីស្រមៃ ដែលនាងរំពឹងទុកថា អាចរៀបចំពិធីជប់លៀងខួបកំណើត ទ្រង់ទ្រាយធំ នៅសណ្ឋាគារ លំដាប់ផ្កាយ ចាយលុយខ្ទង់ម៉ឺនដុល្លារ ត្រូវរលាយបាត់បង់។</p>
<p>តាមប្រភពដដែល បានប្រាប់ឲ្យដឹងទៀតថា តាមពិតទៅដំបូង ជីជី មានគម្រោងចង់រៀបចំ កម្មវិធីនៅក្នុងភោជនីយដ្ឋាន មួយកន្លែង និងអញ្ជើញភ្ញៀវឲ្យធំដុំ តែគូស្នេហ៍ នាងមិនសូវអើពើ ក្នុងការរៀបចំកម្មវិធី ទើបធ្វើឲ្យនាងអាក់អន់ចិត្ត ងាកមករៀបចំបែបនេះតែ ម្តងទៅ ។ ដល់ពេលថ្ងៃខួបកំណើត គូស្នេហ៍របស់នាង ក៏មិនបានបង្ហាញវត្តមាន ឬក៏មានកាដូអ្វីសំខាន់ សម្រាប់នាងដែរ ។ គេសង្កេតឃើញថា គូស្នេហ៍មួយនេះ មានភាពរង្គោះរង្គើ ជាមួយគ្នា ព្រោះពេលមុនល្បីថា ជីជី មានទំនាក់ទំនងស្នេហា ជាមួយឌីជេ រតនា ទើបធ្វើ ឲ្យពួកនាង សោះអង្គើយជាមួយគ្នា បែបនេះតែម្តងទៅ ។</p>
<p>ជាមួយគ្នានោះ ប្រភពខាងលើ បានបង្ហើបឲ្យដឹងថា បុរសជាគូស្នេហ៍របស់ ជីជី គឺជាអ្នកមានទ្រព្យស្តុកម្នាក់ មានងារជាឧកញ៉ា ដែលកន្លងមកធ្លាប់តែជួយទំនុកបម្រុងនាង គ្រប់យ៉ាងទាំងការចាយវាយ និងការប្រើប្រាស់សម្ភារៈ ទំនើបស៊ីវិល័យ ប៉ុន្តែមួយរយៈពេលក្រោយនេះ បន្ទាប់ពីតារាស្រីរូបនេះ ឧស្សាហ៍បោកបក់ទៅលើ រឿងរ៉ាវស្នេហា ជាមួយ ឌីជេ រតនា និងលេច ឮថានាងតែងតែ បង្ហាញវត្តមានចេញ ចូលក្លឹបកម្សាន្ត បានធ្វើឲ្យបុរសម្នាក់នោះ ចាប់ផ្តើមលែង មានភាពផ្អែមល្ហែម ជាមួយគ្នាដូចពេលមុន ។</p>
<p>ទាក់ទងនឹងការលើកឡើង បែបនេះ LookingTODAY បានព្យាយាមទាក់ទងទៅ ពិធីការិនី សម្បូរសំណើច ក្នុងកម្មវិធី “រាត្រីកម្សាន្ត” កញ្ញា ជីជី ដើម្បីឲ្យនាងបកស្រាយ ចម្ងល់ទាំងនេះដែរ ប៉ុន្តែមិនអាចទាក់ទង តាមរយៈលេខទូរស័ព្ទប្រព័ន្ធ០៧៧បានទេ នៅល្ងាចថ្ងៃទី១៧ ខែ មិថុនា ឆ្នាំ២០១៤នេះ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/June/id-098/S_0187.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/June/id-098/S_0189.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/June/id-098/S_0190.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/June/id-098/S_0191.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/June/id-098/S_0192.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/June/id-098/S_0193.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/31420-2014-06-17-10-25-34.html" target="_blank">ផ្តល់សិទ្ធដោយ ៖ ដើមអម្ពិល</a></p>