<p><strong>ភ្នំពេញៈ</strong>ផលិតកម្មសាន់ដេ បន្ទាប់ពីផលិតបទចម្រៀង ដើម្បីបម្រើអារម្មណ៍ទស្សនិកជន ក៏ដូចជា<br />ផលិតជាខ្សែភាពយន្ដ ដាក់បញ្ចាំងយ៉ាងជោគជ័យ ហើយនោះ នៅរសៀលថ្ងៃទី១១ ខែកក្កដា ឆ្នាំ<br />២០១៣នេះ ផលិតកម្ម ដែលមានទីតាំងស្ថិតនៅម្ដុំផ្លូវបំបែកច្រមុះជ្រូក ស្ទឹងមានជ័យ បានសម្រេច<br />ចិត្ត បើកពិធីក្រុងពាលីរឿងថ្មីមួយបន្ថែមទៀត មានចំណងជើងថា “ព្រាយក្បាលប្រាំបី” ។</p>
<p>ខ្សែភាពយន្ដថ្មីខ្នាតធំ ដែលផលិតកម្មគ្រោងនឹងថត ក្នុងពេលខាងមុខនេះ ក៏មិនខុសពីខ្សែភាពយន្ដ<br />មុនៗដែរ ពោលគឺផលិតកម្ម បានយកតារាចម្រៀង ទាំងអស់ មកសម្ដែង ហើយត្រូវបានគេដឹងថា <br />ជាវណ្ណកម្មទី៤របស់ផលិតកម្ម ក្នុងឆ្នាំ២០១៣នេះ ។</p>
<p>ក្នុងពិធីក្រុងពាលីតាមបែបព្រះពុទ្ធសាសនា កាលពីរសៀលថ្ងៃទី១១ កក្កដា គេសង្កេតឃើញមាន <br />ការចូលរួមពីតារាចម្រៀង ដែលត្រូវសម្ដែង នៅក្នុងខ្សែភាពយន្ដនេះ មានដូចជា លោក ខេមរៈ សិរី<br />មន្ដ កញ្ញា សុខ ពិសី អ្នកនាង សុខ ស្រីនាង កញ្ញា អ៊ីវ៉ា លោក ឆាយ វីរៈយុទ្ធ លោក ខាន់ ជែមស៍ <br />លោក ជុំ លីណូ លោក ប៊ុនស័ក្ដិ កញ្ញា យូរី កញ្ញា លីនដា អ្នកនាង ស្វែង សុជាតា និងតារាចម្រៀង<br />ប្រុសស្រី ល្បីៗជាច្រើនទៀត ។</p>
<p>លោក ខេមរៈ ភារុណ អ្នកចាត់ការទូរទៅ ប្រចាំផលិតកម្មសាន់ដេ បានថ្លែងឲ្យដឹងនៅក្នុងពិធីក្រុង<br />ពាលីនោះថា ខ្សែភាពយន្ដរឿង “ព្រាយក្បាលប្រាំបី” ប្រហែលជាត្រូវ ចំណាយពេលថតរយៈពេល<br /> ៤ខែ និងមានទីតាំងថត នៅក្នុងប្រទេសកម្ពុជា ប៉ុន្ដែមានឈុតខ្លះអាចតម្រូវពិចារណាឲ្យចេញទៅ<br />ថត នៅក្រៅប្រទេស ក៏មានដែរ តែហាក់មិនទាន់ច្បាស់លាស់ ។ លោកបន្ដថា គម្រោងនៅក្នុងការ<br />ចំណាយទុនថតខ្សែភាពយន្ដនេះ គឺនៅមិនទាន់ដឹងជាក់លាក់នៅឡើយទេ ព្រោះយើងគិតទៅលើ<br />ស្ថានភាពជាក់ស្ដែង ។</p>
<p>លោក ខេមរៈ ភារុណ បានបន្ដទៀតថា មូលហេតុដែលផលិតកម្មបន្ដផលិតខ្សែភាពយន្ដ បែបខ្មោច<br /> ព្រាយ បិសាច គឺដោយសារផលិតកម្មមើលឃើញថា ទីផ្សារនៅក្នុងការគាំទ្រ ខ្សែភាពយន្ដប្រភេទ<br />នេះ គឺនៅមានលក្ខណៈច្រើននៅឡើយ ហើយមហាជននៅតែចូលចិត្តទស្សនា រឿងបែប ភ័យរន្ធត់<br /> តក់ស្លត់ ខណៈដែលផលិតកម្ម ក៏ធ្លាប់មានបទពិសោធន៍ក្នុងការថតភាពយន្ដបែបនេះ ចំនួន ៣រឿង<br />មកហើយដែរ។</p>
<p>លោក ខេមរៈ ភារុណ បញ្ជាក់ថា តួឯកប្រុសនៅក្នុងរឿង “ព្រាយក្បាលប្រាំបី” គឺខាងផលិតកម្ម បាន<br />ជ្រើសរើសតារាចម្រៀង ខេមរៈ សិរីមន្ដ ចំណែកតួឯកស្រីតម្រូវ ទៅលើកញ្ញា សុខ ពិសី ចំណែកតារា<br />ចម្រៀងជាច្រើនទៀត ក៏មានតំណែងជាតួសំខាន់ៗក្នុងខ្សែភាពយន្ដនេះផងដែរ។ លោកសង្ឃឹមយ៉ាង<br />មុតមាំថា នឹងទទួលបាននូវការគាំទ្រពីសំណាក់ទស្សនិកជនគ្រប់ស្រទាប់វណ្ណៈ ព្រោះផលិតកម្ម នឹង<br />សម្រិតសម្រាំងឡើង មិនឲ្យទស្សនិកជនខកបំណងឡើយ ខណៈរឿងមុនៗ ក៏ទទួលបានជោគជ័យ<br /> យ៉ា់ងសន្ធឹកសន្ធាប់ ។</p>
<p>គួរបញ្ជាក់ថា រឿង “ព្រាយក្បាលប្រាំបី” ជាវណ្ណកម្មទី៤ របស់ផលិតកម្មសាន់ដេ ខណៈរឿងមុនៗ <br />មានដូចជា អង្គុលីមា, ព្រាយដែកគោល និងរឿងវិញ្ញាណបិសាចជញ្ជក់ឈាម ។ ខ្សែភាពយន្ដនេះ នឹងត្រៀមចាក់បញ្ចាំងនៅក្នុងឱកាសនៃពិធីបុណ្យអ៊ុំទូក សំពះព្រះខែ និងបណ្ដែតប្រទីបនៅចុងឆ្នាំ<br /> ២០១៣ខាងមុខនេះ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0390.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0391.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0392.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0393.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0394.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0395.jpg" alt="Looking Today" width="500" /></p>
<p style="text-align: right;">ដោយ៖ LookingToday<br />ផ្តល់សិទ្ធិដោយ៖ ដើមអំពិល</p>