<p><span style="color: #000000;"><strong>(ឥណ្ឌា)៖</strong> ក្មេងស្រីជនជាតិឥណ្ឌាម្នាក់ បានសម្រេចចិត្តសម្លាប់ខ្លួន ស្ទើរតែស្មានមិនដល់ ព្រោះតែនាងចង់ជួយសង្គ្រោះ បងប្រុសនិងឪពុកដែលកំពុងមានជំងឺ។ ក្មេងស្រី រងគ្រោះមានអាយុ១២ឆ្នាំ ឈ្មោះ Mumpy Sarkar រស់នៅតំបន់ West Bengal បាន ផឹកថ្នាំសម្លាប់សត្វល្អិត ដើម្បីធ្វើអត្តឃាត ព្រោះចង់ឲ្យគេយកសរីរាង្គនាង ទៅជួយ បងនិងឪពុក ហើយសាកសពក្មេងស្រី ត្រូវបានក្រុមគ្រួសារសម្រេចបូជា មុនពេលដែលប្រទះឃើញ សំបុត្រដែលនាងតូចសរសេរទុក មុនពេលសម្លាប់ខ្លួន បញ្ជាក់ថា នាងធ្វើបែបនេះ ព្រោះចង់ជួយសមាជិកគ្រួសារ ដែលកំពុងមានជំងឺ។</span></p>
<p><span style="color: #000000;">គ្រូពេទ្យនិយាយថា ឪពុកនាងតូច ដែលសម្លាប់ខ្លួននេះ ត្រូវការផ្លាស់ប្តូរភ្នែកម្ខាង ចំណែកបងប្រុសនាង ក៏ត្រូវការប្តូរក្រលៀនម្ខាងដែរ និងមុនពេលធ្វើអត្តឃាត Sarkar ក៏ធ្លាប់ប្រាប់បងស្រីនាង ឲ្យជួយរឿងនេះ តែក្មេងស្រីជាបងមិនចាប់អារម្មណ៍ បែរជាសើចរួចចេញទៅសាលាបាត់ទៅ។ ក្រោយមក Sarkar ក៏ផឹកថ្នាំសម្លាប់ខ្លួន តែមុននឹងដាច់ខ្យល់ នាងរត់ទៅប្រាប់ឪពុកថា មាននរណាម្នាក់ដាក់ថ្នាំពុលក្នុងមាត់នាង ហើយក៏ត្រូវបានក្រុមគ្រួសារបញ្ជូន ទៅមន្ទីរពេទ្យ ប៉ុន្តែនាងតូចបានស្លាប់ នៅថ្ងៃបន្ទាប់ ដែលគ្មានសមាជិកគ្រួសារណាដឹងថា នាងសរសេរសំបុត្រផ្តាំទុកមុនស្លាប់ឡើយ ទម្រាំឃើញ គឺក្រោយពេលបូជាទៅហើយ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/9/29/15-29-09-2016--11-16-51.jpg"><img src="/FileManager/Articles/mce/2016/9/29/15-29-09-2016--11-16-51.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>