<p><span style="color: #000000;"><strong>(ប៉េកាំង)៖</strong> ក្រុមបុរាណវិទូបានរកឃើញវត្ថុមួយធ្វើពីមាស ដែលគេសង្ស័យថាបានដាក់តម្កល់ឆ្អឹង ឆ្អឹងលលាដ នៃព្រះបរមសារីរិកធាតុ។ ឆ្អឹងត្រូវបានគេលាក់នៅក្នុងគំរូនៃចេតិយមួយ ឬក៏ជាទីសក្តារៈ បូជានៃព្រះពុទ្ធសាសនា ដែលត្រូវបានប្រើប្រាស់សម្រាប់ការធ្វើសមាធិ។ នេះបើយោងតាមការ ចេញផ្សាយរបស់វែបសាយ Live Science នាព្រឹកថ្ងៃសៅរ៍ ទី០២ ខែកក្កដា ឆ្នាំ២០១៦។ </span></p>
<p><span style="color: #000000;">ប្រអប់មាសត្រូវបានរកឃើញនៅក្នុងបន្ទប់ក្រោមដីនៃវត្តមួយ ក្នុងខេត្តណានជីងប្រទេសចិន ដែលទំនងជាបានកសាងឡើងក្នុងរជ្ជកាលនៃស្តេច Zhenzong (អំឡុងគ្រិស្តសករាជ ៩៩៧ ដល់ ១០២២) ហើយក្រោយពីការបើកប្រអប់នោះ ក្រុមបុរាណវិទូពិតជាបានរកឃើញបំណែក នៃព្រះបរមសារីរិកធាតុ និងអក្សរចម្លាក់ដែលបញ្ជាក់ថា ឆ្អឹងលលាដនោះ ជារបស់ព្រះសម្មាសម្ពុទ្ធប្រាកដមែន។</span></p>
<p><span style="color: #000000;">នៅក្នុងអក្សរចារឹកក្នុងប្រអប់មាសបាន បញ្ជាក់ថាក្រោយព្រះសម្មាសម្ពុទ្ធទ្រង់ចូលបរិនិព្វាន ព្រះអង្គត្រូវបានបូជានៅ ហិរាវតី ក្នុងទឹកដីឥណ្ឌា។ បន្ទាប់ពីនោះទៀតព្រះបាទអសោក ដែលបានសោយរាជ្យអំឡុងឆ្នាំ ២៦៨ ដល់ ២៣២ មុនគ្រិស្តសករាជបានសម្រេចបំបែក ព្រះបរសារីរិកធាតុជា ៨៤,០០០បំណែក ដោយប្រទេសចិនទទួលបាន ១៩បំណែក៕</span></p>
<p><span style="color: #000000;"><img src="http://www.livescience.com/images/i/000/084/469/original/model-stupa-buddha-6.jpg?interpolation=lanczos-none&fit=inside%7C660" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>