<p><span style="color: #000000;"><strong>(ភ្នំពេញ)៖</strong> នៅម៉ោង៨៖០០ព្រឹក ថ្ងៃទី១៦ ខែតុលា ឆ្នាំ២០១៦នេះ ក្រុមគ្រួសារ សង្គមស៊ីវិល និងព្រះសង្ឃមួយចំនួន បានចាប់ផ្តើមដង្ហែរូបសំណាកលោកបណ្ឌិត កែម ឡី ទៅកាន់ស្រុកកំណើតនៅខេត្តតាកែវហើយ។ ការដង្ហែនេះបានចាប់ផ្តើមពីចំណុចវត្តចាស់ ដោយមានការចូលរួមពីអ្នកគាំទ្ររបស់លោកកែមឡី ជាច្រើននាក់។</span></p>
<p><span style="color: #000000;">រយៈពេល២ថ្ងៃនេះ ក្រុមគ្រួសារ សង្គមស៊ីវិល និងព្រះសង្ឃមួយចំនួន បានរៀបចំពិធីបុណ្យសពគម្រប់ខួប១០០ថ្ងៃរបស់លោកបណ្ឌិត កែម ឡី អ្នកវិភាគសង្គមនៅក្នុងវត្តចាស់ ដែលស្ថិតនៅខណ្ឌជ្រោយ ចង្វារ រាជធានីភ្នំពេញ។ បុណ្យគម្រប់ខួបមរណភាព១០០ថ្ងៃនេះ មានរយៈពេល៣ថ្ងៃ ដែលចាប់ផ្តើមពីថ្ងៃទី១៤ ដល់១៦ ខែតុលា ឆ្នាំ២០១៦ ក្នុងនោះថ្ងៃទី១ ជាការជួបជុំពុទ្ធបរិស័ទសម្តែងធម៌ ថ្ងៃទី២ មានការនិមន្តព្រះសង្ឃ ៥០០អង្គរាប់បាត។</span></p>
<p><span style="color: #000000;">សូមបញ្ជាក់ថា លោកបណ្ឌិត កែម ឡី ត្រូវបានឃាតករបាញ់សម្លាប់ កាលពីថ្ងៃទី១០ ខែកក្កដា ឆ្នាំ២០១៦ នៅក្នុងស្តាម៉ាតមួយកន្លែងរបស់ស្ថានីយ៍សាំងកាល់តិចស្តុបបូកគោ។ ភ្លាមៗបន្ទាប់ ពីមានឃាតកម្មនេះ សមត្ថកិច្ចបានចាប់ខ្លួនបុរសម្នាក់ដែលជាជនដៃដល់ ហើយសមត្ថកិច្ចក៏កំពុងស្រាវជ្រាវដើម្បីស្វែងរកមេក្លោង និងអ្នកពាក់ព័ន្ធទៅផ្តន្ទាទោសផងដែរ៕</span></p>
<p><span style="color: #000000;"><img src="http://image.freshnewsasia.com/2016/006/10-2016/fn-2016-10-16-08-12-11-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/10-2016/fn-2016-10-16-08-12-11-1.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>