<p><span style="color: #000000;">យោងតាមប្រភពព័ត៌មានពីគេហទំព័រ CultOfMac អ្នកប្រើប្រាស់ជាច្រើននាក់បានឲ្យដឹងថា iPhone 7របស់ពួកគេ មានគុណភាពសម្លេងអន់ណាស់ ពេលធ្វើការសន្ទនាទូរស័ព្ទ ក្នុងពេលដែលសម្លេងពីកម្មវិធីចាក់បទចម្រៀងគឺធម្មតា។ </span></p>
<p dir="ltr"><span style="color: #000000;">“សម្លេងស្តាប់ពេលសន្ទនាដូចឮពីចម្ងាយ ឬដូចជាឮពីខាងក្រោយទូរស័ព្ទ", នេះគឺជាកំណត់បញ្ជាក់ឲ្យដឹងរបស់អ្នកប្រើប្រាស់ម្នាក់ ក្នុងចំណោមអ្នកប្រើមួយចំនួនទៀត ពេលដែលស្តាប់ការសន្ទនា នៅលើiPhone ថ្មីទាំងពីរម៉ូដែល។ </span></p>
<p style="text-align: center;" dir="ltr"><a class="thickbox" title="" href="/FileManager/Commons/2016/9/25/12345-25-09-2016--11-32-11.jpg"><img src="/FileManager/Articles/mce/2016/9/25/12345-25-09-2016--11-32-11.jpg" alt="" /></a></p>
<p style="text-align: center;" dir="ltr"><em>iPhone 7 និង 7 Plus ត្រូវបានគេរាយការណ៍ថា មានគុណភាពសម្លេងអន់ ពេលសន្ទនាទូរស័ព្ទ (រូបភាព៖ CultofMac)<strong></strong></em></p>
<p dir="ltr"><span style="color: #000000;">បច្ចុប្បន្ន នៅមិនទាន់ច្បាស់ថា កំហុសបញ្ហាសម្លេងនេះ មកពី Hardware ឬ Software នោះទេ ប៉ុន្តែមានអ្នកប្រើប្រាស់មួយចំនួនប៉ុណ្ណោះ ដែលបានជួបបញ្ហានេះ។ ជាធម្មតា ពេលកើតឡើងនូវបណ្តាបញ្ហាដូច្នេះ អ្នកប្រើប្រាស់ពិបាកនឹងអាចជួសជុលវា តាមរយះការអាប់ឌេតពី Apple ណាស់ ពោលគឺត្រូវយកវាទៅធ្វើការជួសជុល Hardware ឬប្តូរថ្មីតែម្តង។ </span></p>
<p dir="ltr"><span style="color: #000000;">ខាងក្រុមហ៊ុនផលិត Apple ក្រុមហ៊ុននៅមិនទាន់បញ្ចេញនូវប្រតិកម្មណាមួយ ទៅលើបញ្ហាដែលកើតមានឡើងខាងលើនេះ នៅឡើយទេ។ បើសិនជាចូលក្នុង Forum របស់ Apple អ្នកប្រើប្រាស់នឹងទទួលបានតែ Link ចូលគេហទំព័រគាំទ្របម្រើសេវាកម្មដោះស្រាយបញ្ហា ពាក់ព័ន្ធនឹង Speaker ប៉ុណ្ណោះ។</span></p>
<p><span style="color: #000000;">នេះមិនមែនជាកំហុសបញ្ហាតែមួយគត់ ដែលត្រូវបានរកឃើញ បន្ទាប់ពីការដាក់លក់ iPhone 7 រយះពេលមួយសប្តាហ៍នេះនោះទេ។ មុននេះម៉ូដែលនេះ ត្រូវបានអ្នកប្រើប្រាស់រអ៊ូរទាំពេលដែលវា បានបាត់សេវា បន្ទាប់ពីគេបានបិទ Airplane mode វិញ, លេចចេញនូវសម្លេងចម្លែក ពេលកំពុងដំណើរការស្មាតហ្វូន។ ក្រៅពីនេះ អ្នកប្រើប្រាស់នៅមានអារម្មណ៍ ពិបាកទ្រាំ ដោយសារតែមិនអាចប្រើប្រាស់ប៊ូតុង Home ថ្មី ពេលពួកគេពាក់ស្រោមដៃ ស្មាតហ្វូនមិនដំណើរការ ឬងាយនឹងប្រឡាក់ជាប់ស្នាមក្រយៅដៃ ងាយឆ្កូតស្នាម (លើម៉ូដែលពណ៌ខ្មៅរលោង) ជាដើម៕</span></p>
<p><span style="color: #000000;"><a href="http://www.camnews.com.kh/News/Detail/10038/trying-to-buy-new-iphone-to-use-soon-two-persons-got-criminal-offense"><span style="color: #0000ff;"><em>- ព្រោះតែព្យាយាមទិញ iPhone ថ្មីបានប្រើឆាប់ៗមុនគេ ធ្វើឲ្យមនុស្សពីរនាក់ ចាប់បទល្មើសព្រហ្មទណ្ឌ <br /></em></span></a><em><em><a href="http://www.camnews.com.kh/News/Detail/46707/samsung-identified-26-false-statements-about-the-galaxy-note-7-explosion"><span style="color: #0000ff;">- Samsung កំណត់បញ្ជាក់ឲ្យដឹង នូវការរាយការណ៍ខុសចំនួន ២៦ ករណី ស្តីពី Galaxy Note 7 ផ្ទុះឆេះ</span></a></em></em></span><em></em></p>
<p style="text-align: right;"> </p>
<p style="text-align: right;"><em>ប្រែសម្រួល៖ មង្គល</em><br /><em>ប្រភព៖ CultOfMac, Zing</em></p>