<div class="article-content">
<p><strong>ភ្នំពេញៈ</strong> កាលពីម៉ោងជិត ៤ ទៀបភ្លឺ ឈានចូលថ្ងៃទី៣ ខែមេសា ឆ្នាំ២០១៤ អគ្គិភ័យ បានឆាបឆេះ យានដ្ឋាន ជួសជុលរថយន្ត មួយកន្លែង ស្ថិតក្នុងដីឡូត៍ ក្នុងភូមិទួលគោក សង្កាត់ទួលសង្កែ ខណ្ឌឫស្សីកែវ បណ្តាលឱ្យរថយន្ត ៤គ្រឿង, ម៉ូតូ ២គ្រឿង និងសម្ភារៈ ជាច្រើនទៀត ត្រូវខូចខាត។<br /> <br /> នគរបាលមូលដ្ឋាន មិនទាន់ប្រាប់ ពីមូលហេតុ បណ្តាលឱ្យ មានអគ្គិភ័យនេះ កើតឡើងនៅឡើយទេ ប៉ុន្តែអះអាងថា អគ្គិភ័យនេះ បានធ្វើឱ្យ ខូចខាត សម្ភារៈមួយចំនួន រួមទាំង រថយន្តអស់ចំនួន ៤ គ្រឿង និងម៉ូតូ២គ្រឿង ។<br /> <br /> សមត្ថកិច្ច ពន្លត់អគ្គិភ័យ បានឱ្យដឹងថា នៅក្នុងហេតុការណ៍នេះ រថយន្តពន្លត់អគ្គិភ័យ របស់ស្នងការរាជធានីភ្នំពេញ បានចេញអន្តរាគមន៍រថយន្ត ៥ គ្រឿង ប្រើប្រាស់អស់ទឹក ៣ គ្រឿង ទើបភ្លើងរលត់ទៅវិញ ក្រោយឆាបឆេះ ប្រមាណកន្លះម៉ោង៕</p>
<p style="text-align: center;"><img title=" " src="http://image.dap-news.com:81/dap-news/dap-images/2014/April/id-011/Hong-0040.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2014/April/id-011/Hong-0041.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>