<p><span style="color: #000000;"><strong>(ពោធិ៍សាត់)៖</strong> មួយម៉ឺនសំណាង រថយន្តបុកតគ្នាក្រឡាប់ និងខូចខាតរថយន្ត៣គ្រឿង តែគ្មានគ្រោះថ្នាក់ដល់អាយុជីវិត ដែលហេតុការណ៍គួរឲ្យរន្ធត់នេះ កើតឡើងម៉ោង១០៖០០នាទីព្រឹក ថ្ងៃទី៣០ ខែកញ្ញា ឆ្នាំ២០១៦នេះ នៅលើកំណាត់ផ្លូវជាតិលេខ៥ ចន្លោះបង្គោលគីឡូម៉ែត្រលេខ១៣០ និង១៣១ ស្ថិតក្នុងភូមិតាក្រចៅ សង្កាត់ព្រៃញី ក្រុងពោធិ៍សាត់ ខេត្តពោធិ៍សាត់។</span></p>
<p><span style="color: #000000;">លោក ឈន រិទ្ធ អធិការនគរបាលក្រុងពោធិ៍សាត់ បានប្រាប់ភ្នាក់ងារ Fresh News ឲ្យដឹងមុននេះថា គ្រោះថ្នាក់ចរាចរណ៍នេះ បណ្តាលមកពី អ្នកបើកបររថយន្តម៉ាក HighLander ព័ណ៌ខ្មៅ ពាក់ស្លាកលេខ ភ្នំពេញ 2Q-3102 បានបើកវ៉ាឆ្វេង ក៏វ៉ាក់អឺជាមួយឡានតូរីស ហើយបានអែមចូលឆ្វេងវិញ ភ្លាមនោះមានរថយន្តម៉ាក Nissan Frontier ព័ណ៌ប្រផះមួយគ្រឿង ពាក់ស្លាកលេខ 2AA-0846 បើកពីក្រោយក្នុងល្បឿនលឿន បានបុកពីក្រោយរថយន្ត HighLander បណ្តាលឲ្យរថយន្ត HighLander ក្រឡាប់ធ្លាក់ប្រឡាយ ពេលនោះក៏មានរថយន្ត Camry បាឡែនមួយគ្រឿងទៀត ពាក់ស្លាកលេខ ភ្នំពេញ2P-1294 បានបុកបន្តជាមួយរថយន្ត Nessan Frontier បណ្តាលឲ្យខូចខាតរថយន្តយ៉ាងដំណំ ប៉ុន្តែគ្មានគ្រោះថ្នាក់ដល់អាយុជីវិតមនុស្សឡើយ។</span></p>
<p><span style="color: #000000;">ក្រោយពេលកើតហេតុ កម្លាំងនគរបាលក្រុង និងកម្លាំងនគរបាលចរាចរណ៍ខេត្ត បានចុះអន្តរាគមន៍ សម្របសម្រួល និងស្ទូចរថយន្តចេញ ជៀសវៀងគ្រោះថ្នាក់បន្តជាយថាហេតុ បន្ដទៀត៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-30-11-53-55-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-30-11-53-55-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-30-11-53-55-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-30-11-53-55-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-30-11-53-55-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-30-11-53-55-5.jpg" alt="" width="730" /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>
<div class="detail_bottom_function">
<div class="facebook_like"></div>
</div>