<p><span style="color: #000000;"><strong>(ភ្នំពេញ)៖</strong> អតីតតារាសម្ដែង ដ៏ស្រស់សោភា អ្នកនាង ពេជ្រ ចាន់បូរមី ឬលោកជំទាវ ពេជ្រ ចាន់បូរមី ត្រូវបានទស្សនិកជនជាច្រើន តែងតែកោតសរសើរ ពីសំណាងរបស់នាង ដែលបានស្វាមីអ្នកមានទ្រព្យស្ដុកស្ដម្ភ រស់ក្នុងត្រកូលអភិជន ទោះបីនាងមានឈ្មោះថា ជាស្រីដណ្ដើមប្ដីរបស់តារាសម្ដែង អ្នកនាង ចាន់ តារាទី ក៏ដោយ ។ អតីតតារាសម្ដែង ពេជ្រ ចាន់បូរមី បន្ទាប់ពីផ្ទុះរឿងបែកបាក់ ជាមួយស្វាមីជាអ្នកមានស្ដុកស្ដម្ភ ចាយលុយពេញដៃ កាលពីពេលថ្មីៗនេះរួចមក ស្រាប់តែអតីតតារាសម្ដែងធ្លាប់មានឈ្មោះល្បីរូបនេះ ទទួលកាដូជាផ្ទះវីឡា ដ៏ថ្មីសន្លាងមួយ មានតម្លៃខ្ទង់លានដុល្លារ ធ្វើឲ្យព័ត៌មានដែលបានកក្រើកឡើងនោះ ត្រូវបានសាបរលាបទៅវិញ គួរឲ្យភ្ញាក់ផ្អើល។</span></p>
<p><span style="color: #000000;">បើយោងតាមប្រភពព័ត៌មាន បានទម្លាយឲ្យដឹងថា ថ្មីៗនេះ មានកាលើកឡើងថា អ្នកនាង ពេជ្រ ចាន់បូរមី កំពុងតែកើតទុក្ខមិនសុខចិត្ត ពិសេសនាង ពិបាកចិត្តស្អិតទ្រូងនិយាយមិនចេញ ដោយសារស្វាមីមានស្រីច្រើន ធ្វើឲ្យមហាជនជាច្រើន ជេរស្ដីដៀលនាង ។</span></p>
<p><span style="color: #000000;">ផ្ទុយពីព័ត៌មានខាងលើ ប្រភពពីបុគ្គលិករបស់ក្រុមហ៊ុន សាងសង់ផ្ទះសម្បែងមួយ បាននិយាយប្រាប់ Khmertalking ថា ពេលរូបគេឃើញព័ត៌មាននេះ គួរឲ្យចង់សើចណាស់ ព្រោះអ្វីដែលជាការពិត លោកជំទាវ ពេជ្រ ចាន់បូរមី កំពុងតែត្រៀមខ្លួនឡើងទៅរស់នៅ ក្នុងវីឡាថ្មីដ៏ស្កឹមស្កៃមួយ ដែលមានតម្លៃខ្ទង់លានដុល្លារ សម្រាប់កាដូពីស្វាមីស្ដុមស្ដម្ភ របស់នាង។ ថ្វីត្បិតតែស្រីស្រស់ ពេជ្រ ចាន់បូរមី មានលុយវាល់លាន តែគ្រួសារនេះមិនបានវាយឫកពារ ហួសសមត្ថភាពនោះទេ ពោលគឺធ្វើជាមនុស្សសាមញ្ញៗ ដែលត្រូវបានអ្នកធ្លាប់រាប់អានជិតស្និទ្ធ យល់ឃើញថា ជាក្រុមគ្រួសារអ្នកមានទ្រព្យ ហើយមានសីលធម៌។</span></p>
<p><span style="color: #000000;">អតីតតារាសម្ដែង អ្នកនាង ពេជ្រ ចានបូរមី ត្រូវបានទស្សនិកជន ចាត់ទុកថា ជាតារាស្រីម្នាក់ដែលមានសំណាង បន្ទាប់ពីនាងសម្រេចចិត្ត ដើរចេញពីសង្គមសិល្បៈ និងមានយកបុរសម្នាក់ មានឋានៈធំជាគូអនាគត រួចក៏សោយសុខលើគំនរទ្រព្យសម្បត្តិនេះ តែម្ដង រហូតមកដល់សព្វថ្ងៃនេះ។</span></p>
<p><span style="color: #000000;">ពាក់ព័ន្ធនឹងការត្រៀមខ្លួន ឡើងទៅរស់នៅក្នុងវីឡាដ៏ស្កឹមស្កៃ មានតម្លៃប្រមាណខ្ទង់លានដុល្លារនេះដែរ Khmertalking នៅមិនទាន់អាចទំនាក់ទំនង សួរនាំបន្ថែម ពីសំណាក់អ្នកនាង ពេជ្រ ចាន់បូរមី ដើម្បីបកស្រាយបញ្ជាក់បាននៅឡើយ ខណៈដែលតារាសម្ដែងរូបនេះ បានផ្ដាច់ខ្លួនចេញពីសិល្បៈ ក៏ដូចជាប្រព័ន្ធផ្សព្វផ្សាយ អស់រយៈពេលជាច្រើនឆ្នាំមកហើយ៕</span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xpa1/v/t1.0-9/13434850_1461263263899979_2712971471636434104_n.jpg?oh=51b7518a7baf97806979b3d5c8c8e06e&oe=57CFB3DB&__gda__=1472410289_4fb1c3020c7041c88c386de06bec2f35" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13466209_1461263267233312_8008040640828058000_n.jpg?oh=c239a87369456caafbe04ab4b0bd5013&oe=57C66622" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13432297_1461263273899978_2722237741162468567_n.jpg?oh=a44e755889e5139c5a4955f923b69d7a&oe=57E72ECA" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13413759_1461263370566635_8951506427976983622_n.jpg?oh=1b32a83e08d748762f7e3f43f9753a18&oe=57E23AE4" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13434900_1461263377233301_3648263179002090713_n.jpg?oh=0d57425f7d7f6f4536093e78c1b104a8&oe=57E2E14C" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>