<p><strong>ស្វាយរៀងៈ</strong> ហេតុតែចង់ផឹកស្រាខ្លាំងពេកបុរស ពីរនាក់ បាននាំគ្នាបើករថយន្តទៅទិញស្រា<br /> តែបើកលឿនពេក ក៏ ក្រឡាប់ផ្ងារជើងធ្លាក់ចូល ស្រះទឹកបណ្ដាលឲ្យរងរបួសទាំងពីរនាក់កាល<br />ពីល្ងាច ថ្ងៃទី១១ ខែកុម្ភៈ ឆ្នាំ២០១៣ នៅ ត្រពាំងកែវ ឃុំជ្រៃធំ ស្រុករមាសហែក។</p>
<p>យោងតាមមន្រ្តីសមត្ថកិច្ចបានប្រាប់ឲ្យដឹងថា បុរសដែលបើករថយន្តដូចហោះទៅទិញស្រាផឹក<br />ទាំងពីរនាក់នោះ ទី១. ឈ្មោះ ម៉ាន់ រ៉េន ភេទប្រុស អាយុ ៣៥ឆ្នាំ មុខរបបបើករថយន្តដឹកអ្នក<br />ដំណើរជាអ្នកបើករថយន្ត ចំណែក បុរសម្នាក់ទៀត ដែលរួមដំណើរជាមួយអ្នកបើកបរនោះមិន<br />ត្រូវបានគេស្គាល់ឈ្មោះនោះទេ អ្នកទាំងពីរមានទីលំ នៅភូមិព្រែកផ្ដៅ ឃុំមុខដា ស្រុករមាស<br />ហែក។</p>
<p>សមត្ថកិច្ចបានបន្តថា មុនពេលកើតគេឃើញអ្នកទាំងពីរដែលទើបតែមកពីរត់ឡាននោះ បាននាំ<br />គ្នាបើកឡានទូរីស ពណ៌ខៀវមករកទិញស្រាផឹកបុណ្យចូលឆ្នាំចិន នៅផ្សារស្រះក្នុងភូមិមុខដា<br /> ដោយបើករថយន្តយ៉ាងលឿន ដូចគេ ហោះហើយដោយសារផ្លូវគ្រូសក្រហមនិងមានគ្រលុកផង<br />នោះ ក៏បណ្ដាលឲ្យក្រឡាប់ធ្លាក់ ចូលស្រះទឹក ដែលនៅ ជាប់ និងថ្នល់ផ្ងារជើងឡើងលើ តែសំ<br />ណាងល្អមិនបណ្ដាលឲ្យបុរសទាំងពីរនាក់ រងរបួសធ្ងន់ធ្ងរទេ គឺគ្រាន់តែរង របួសស្រាលប៉ុណ្ណោះ។</p>
<p>សមត្ថកិច្ចបានបន្តថា បន្ទាប់ពីរថយន្តក្រឡាប់ចូលស្រះទឹកដែលមានទឹកត្រឹមស្មងជើងនោះ គេ<br />ឃើញបុរសទាំង ពីរនាក់វាចេញពីរថយន្តឡើងមកលើផ្លូវ ដោយមាន ហូរឈាម និងភក់ប្រឡាក់<br />ពេញខ្លួនដោយឡែករថយន្តបាន ខូចខាតយ៉ាងដំណំផងដែរ។</p>
<p>ប្រជាពលរដ្ឋដែលឃើញហេតុការណ៏បាននាំគ្នាញាក់សាច់គ្រប់គ្នាពេលឃើញរថយន្តក្រឡាប់បែប<br />នេះព្រោះថា បើករយន្តទៅទិញស្រាសោះ បែរជាបើកដូចរថយន្តប្រណាំង នេះសំណាងហើយដែល<br />មិនមានអ្នកដំណើរណា ម្នាក់ រងគ្រោះដោយសាររថយន្តនេះ៕</p>
<p> </p>
<p><a class="thickbox" title="" href="/FileManager/Commons/2013/2/12/st-144-12-02-2013--13-28-59.jpg"><img src="/FileManager/Articles/mce/2013/2/12/st-144-12-02-2013--13-28-59.jpg" alt="" /></a></p>
<p> </p>
<p style="text-align: right;">ផ្តល់សិទ្ធិដោយ៖ ដើមអំពិល</p>
<p><a class="thickbox" title="" href="/FileManager/Commons/2013/2/12/st-144-12-02-2013--13-28-59.jpg"></a></p>
<p><a class="thickbox" title="" href="/FileManager/Commons/2013/2/12/st-144-12-02-2013--13-28-59.jpg"></a></p>