<p><span style="color: #000000;"><strong>(បរទេស)៖</strong> បុរសម្នាក់រស់នៅ ប្រទេស Marocco បានសម្តែងការភ្ញាក់ផ្អើលជាខ្លាំង នៅពេលដែលបានឃើញប្រពន្ធ នៅមានជីវិតរស់ បន្ទាប់ពីគាត់ដឹងថា ប្រពន្ធបានស្លាប់ អស់រយៈពេលពីរឆ្នាំមកហើយ ដោយគ្រោះថ្នាក់ចរាចរណ៍ និងត្រូវគ្រូពេទ្យចេញលិខិត មរណភាពឲ្យផងដែរ។</span></p>
<p><span style="color: #000000;">Abragh Mohamed និយាយថា កាលពី ២ឆ្នាំមុន ប្រពន្ធគាត់ត្រូវរថយន្តបុក រងរបួសធ្ងន់ហើយត្រូវបានបញ្ជូន ទៅមន្ទីរពេទ្យ lbn Rochd ដែលគ្រូពេទ្យប្រាប់ថា នាងអស់សង្ឃឹម ហើយមិនតែប៉ុណ្ណោះក្រុមគ្រូពេទ្យ ក៏លើកសពដាក់ក្នុងមឈូសមួយ ដើម្បីឲ្យគាត់យកនាងមកធ្វើបុណ្យនៅផ្ទះ។</span></p>
<p><span style="color: #000000;">អ្វីដែលធ្វើឲ្យបុរសជាប្តី ស្រឡាំងកាំង គឺកាលពីសប្តាហ៍មុន Abragh Mohamed កំពុងមើលទូរទស្សន៍ ក្នុងកម្មវិធីមួយដែលជួយមនុស្សឯកោ អាចស្វែងរកសមាជិកគ្រួសារ ក៏ស្រាប់តែឃើញប្រពន្ធ នៅក្នុងកញ្ចក់ទូរទស្សន៍ កំពុងត្រូវបានគេសម្ភាស ន៍ រួចគាត់ក៏ប្រញាប់ទូរស័ព្ទ ទៅស្ថានីយទូរទស្សន៍នោះភ្លាម ដើម្បីជួបនាង ប៉ុន្តែស្ត្រីជាប្រពន្ធនោះ បានបាត់បង់ការចងចាំទៅហើយ។</span></p>
<p><span style="color: #000000;">Abragh Mohamed និយាយថា សាកសពដែលគ្រូពេទ្យដាក់ ក្នុងមឈូសឲ្យយកទៅធ្វើបុណ្យនោះ ជានារីផ្សេង ប៉ុន្តែមិនមានការបញ្ជាក់ថា តើស្ត្រីជាប្រពន្ធគាត់អាចត្រឡប់ ទៅរស់នៅជុំគ្នាវិញ ឬយ៉ាងណាទេ បើនាងមិនចាំថា គេជាប្តីផងនោះ៕</span></p>
<p><a class="thickbox" title="" href="/FileManager/Commons/2016/3/17/18bm-17-03-2016--16-18-18.jpg"><img src="/FileManager/Articles/mce/2016/3/17/18bm-17-03-2016--16-18-18.jpg" alt="" /></a></p>
<p style="padding: 0px 0px 12px; margin: 0px; border: 0px; outline: 0px; font-size: 12px; text-align: right; background: transparent;"><span style="padding: 0px; margin: 0px; border: 0px; outline: 0px; font-size: 12px; color: #000000; background: transparent;">ផ្តល់សិទ្ធដោយ ៖ ហ្វ្រេសញូវអាស៊ី</span></p>