<p><span style="color: #000000;"><strong>(តៃប៉ិ)៖</strong> មជ្ឈមណ្ឌលគ្រប់គ្រងជំងឺឆ្លងតៃវ៉ាន់ បានឱ្យដឹងថា នៅថ្ងៃអាទិត្យនេះ ស្ត្រីម្នាក់ត្រូវបានគេរាយការណ៍ថា បានឆ្លងវីរុស Zika នៅបន្ទាប់ពីបានធ្វើដំណើរ ជាមួយនឹងអ្នកទេសចរណ៍មួយក្រុម ទៅកាន់ប្រទេសម៉ាឡេស៊ី កាលពីចុងខែកញ្ញាកន្លងទៅដែលនេះធ្វើឱ្យ ការឆ្លងវីរុសមួយនេះកើនដល់ ១០ករណីនៅកោះតៃវ៉ាន់ ។ នេះបើយោងតាមការចុះផ្សាយរបស់ ទីភ្នាក់ងារសារព័ត៌មានចិនស៊ិនហួរ នៅថ្ងៃអាទិត្យ ទី៩ ខែតុលា ឆ្នាំ២០១៦។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/10/10/19e-10-10-2016--10-05-39.jpg"><img src="/FileManager/Articles/mce/2016/10/10/19e-10-10-2016--10-05-39.jpg" alt="" /></a><br /></span></p>
<p><span style="color: #000000;">បើតាមមជ្ឈមណ្ឌលដដែល ស្រ្តីខាងលើមានអាយុប្រហែល៥០ឆ្នាំ បានទៅមន្ទីពេទ្យកាលពីថ្ងៃទី៥ ខែតុលា ដោយសារមានការអាការៈ ឈឺក្បាល គ្រុនក្ដៅ និងឈឺសាច់ដុំ ហើយគេធ្វើរោគវិច្ឆ័យរកឃើញថា មានផ្ទុកវីរុស Zika និងបានស្នើឱ្យស្រ្តីរូបនេះនៅដាច់ពីគេឯង រហូតដល់ថ្ងៃទី១៦ ខែតុលា។ មិនតែប៉ុណ្ណោះ មជ្ឈមណ្ឌលមួយនេះក៏បានស្នើឱ្យស្រ្តីគ្រប់រូប ការពារខ្លួនកុំឱ្យមូសខំា ខណៈអាជ្ញាធរនៅក្នុង តំបន់បានចាត់ វិធានការបង្ការជាច្រើន ព្រមទំាងបន្តតាមដានសុខភាព របស់អ្នកទេសចរណ៍៧១នាក់ ផ្សេងទៀតដែលបានធ្វើដំណើរ ទៅកាន់ប្រទេសម៉ាឡេស៊ី ជាមួយនឹងស្ត្រីរូបនេះ។</span></p>
<p><span style="color: #000000;">សូមជំរាបថា គ្មានសមាជិកគ្រួសារណាម្នាក់របស់ស្រ្តីខាងលើ បានឆ្លងវីរុស Zika នោះទេ។ នេះបើតាមមជ្ឈមណ្ឌលគ្រប់គ្រងជំងឺឆ្លង តៃវ៉ាន់៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/10/10/19f-10-10-2016--10-05-50.jpg"><img src="/FileManager/Articles/mce/2016/10/10/19f-10-10-2016--10-05-50.jpg" alt="" /></a><br /></span></p>
<p><span style="color: #000000;"><br /><br /></span></p>
<p style="text-align: right;"><span style="color: #000000;">ប្រភព ៖ ស៊ិនហួរ</span></p>