<p> </p>
<p class="Normal">ថែមគ្រោះថ្នាក់ រហូតដល់បាត់បង់ជីវិត មួយករណីទៀតហើយ ដោយសារតែការថតរូប Selfie (ថតរូប ដោយខ្លួនឯង) ដែលជនរងគ្រោះលើកនេះ គឺជានិស្សិតស្រីស្រស់ស្អាតម្នាក់ឈ្មោះ Sylwia Rajchel។</p>
<p class="Normal" style="text-align: center;"><a href="http://www.camnews.com.kh/News/Detail/72039/watch-this-daredevil-complete-blindfolded-tightrope-walk-across-chicago-skyscrapers"><em><span style="color: #3366ff;">...អាន៖ វីដេអូបុរសខ្លាំង មិនញញើតស្លាប់ ធ្វើឲ្យអ្នកទាំងអស់គ្នា ព្រឺសម្បុរខ្ញាក សឹងតែមិនហ៊ានទស្សនា</span></em></a></p>
<p class="Normal" style="text-align: center;"><a class="thickbox" title="" href="/FileManager/Commons/2014/11/7/the-late-sylwia-rajchel-jpg-3236-1415251267png-07-11-2014--09-40-09.jpg"><img src="/FileManager/Articles/mce/2014/11/7/the-late-sylwia-rajchel-jpg-3236-1415251267png-07-11-2014--09-40-09.jpg" alt="" /></a></p>
<p class="Normal" style="text-align: center;"><em><span style="color: #808080;">Sylwia Rajchel បានបាត់បង់ជីវិត ដោយសារតែរវល់ជក់ចិត្ត ថតរូប Selfie</span></em></p>
<p class="Normal">និស្សិតស្រីវ័យ ២៣ឆ្នាំ Sylwia Rajchel បានសម្រាកពីការសិក្សារៀនសូត្របណ្តោះអាសន្ន នៅប្រទេស ប៉ូឡូញ ដើម្បីចូលរួមសម្រាកលំហែកាយ រដូវវិស្សមកាល នៅប្រទេសអេស្បាញ។ ឈរនៅលើកំពូល ថ្មនៃស្ពាន Puente de Triana ដើម្បីរកបានមុំថតរូបស្អាតបំផុត សម្រាប់រូបថត Selfie ប៉ុន្តែជាអកុសល រូបនាងបានធ្លាក់ចុះមកលើសសរបេតុង នៃជើងស្ពាន ពីរយះកំពស់ ១៥ ហ្វីត (ជិត ៥ម៉ែត្រ)។</p>
<p class="Normal">ការធ្លាក់ពីកំរិតកំពស់ខាងលើនេះ បានធ្វើឲ្យបេះដូងជនរងគ្រោះ លែងដើរភ្លាមៗតែម្តង។ បើទោះជា បណ្តាបុគ្គលិកពេទ្យបានមកដល់កន្លែងកើតហេតុ ទាន់ពេលវេលាក្តី ក៏នៅមិនអាចជួយសង្គ្រោះជីវិត របស់នារីរងគ្រោះជានិស្សិតរៀនផ្នែកពេទ្យ ដែលអនាគតនឹងក្លាយជាគិលានុបដ្ឋាយិការ បានដែរ។</p>
<p class="Normal" style="text-align: center;"><a href="http://www.camnews.com.kh/News/Detail/91735/strangle-girlfriend-because-her-real-life-is-not-the-same-photo-online"><em><span style="color: #3366ff;">...អាន៖ ច្របាច់ក មិត្តស្រី ព្រោះតែនាងមានរូបរាងខាងក្រៅ មិនដូចនឹងរូបថត ក្នុងបណ្តាញ ទំនាក់ទំនងសង្គម</span></em></a></p>
<p class="Normal" style="text-align: center;"><a class="thickbox" title="" href="/FileManager/Commons/2014/11/7/puentre-triana-4781-1415265648-07-11-2014--09-37-57.jpg"><img src="/FileManager/Articles/mce/2014/11/7/puentre-triana-4781-1415265648-07-11-2014--09-37-57.jpg" alt="" /></a></p>
<p class="Normal" style="text-align: center;"><em><span style="color: #808080;">ស្ពាន Puente de Triana ជាតំបន់ទេសចរណ៍ និងកន្លែងថតរូបល្បីឈ្មោះ របស់អេស្បាញ</span></em></p>
<p><span>ស្ពាន Puente de Triana គឺកន្លែងដែលបណ្តាអ្នក</span><span id="result_box" class="short_text" lang="km"><span class="hps">សិល្បះ តែងតែមកដល់ទីនេះថតរូប ដើម្បីទទួល បាននូវបណ្តារូបភាព មានទេសភាពស្អាតៗ។ ការស្លាប់របស់</span></span> Sylwia Rajchel គឺជាការក្រើនរំលឹកមួយ ដល់បណ្តាអ្នកដែលចូលចិត្តថតរូប “Selfie” នៅតំបន់ដែលមានគ្រោះថ្នាក់ សូមមានការប្រុងប្រយ័ត្ន ខ្ពស់ ព្រោះថាអាយុជីវិត ពិតជាសំខាន់ជាង រូបថតស្អាតៗ ប៉ុន្មានសន្លឹកនោះ ខ្លាំងណាស់៕</p>
<p> </p>
<p style="text-align: right;">ប្រែសម្រួល៖ សិលា<br />ប្រភព៖ vexpress</p>