<p><strong>ភ្នំពេញៈ</strong> អស់រយៈពេលជិតកន្លះឆ្នាំ ហើយដែលមានព័ត៌មាន លេចឮល្ហិចល្ហៀងថា ចំណងស្នេហារបស់តារា សម្តែង ប៊ីរីយ៉ា ជាមួយបុរសគូស្នេហ៍ ដែលគេស្គាល់ថា ជាអ្នកសិល្បៈរួមអាជីពនោះ បានដើរដល់ផ្លូវប្រះឆា មិនចុះ សម្រុងគ្នា ដោយសារតែវត្តមាន អ្នកទី៣ចូលជ្រៀតជ្រែកស្នេហ៍ ប៉ុន្តជានិច្ចកាលពួកគេ ទាំងពីរនាក់ តែងតែខំប្រឹង លាក់បាំង ពីការរង្គោះរង្គើស្នេហ៍នេះ មិនបើកចំហរឲ្យ មហាជនបានដឹងទេ ។ ទើបតែពេលនេះម្ចាស់សាម៉ីខ្លួន នាង ប៊ីរីយ៉ា បានសម្រេចទម្លាយអាថ៌កំបាំងស្នេហ៍ របស់នាង ជាសាធារណៈ ហើយក៏បានបង្អួតមុខគូស្នេហ៍ថ្មី ក្នុងថ្ងៃ ខួបកំណើតគម្រប់២៣ឆ្នាំ ធ្វើឲ្យទស្សនិកជនមានការហួសចិត្តជាខ្លាំង។</p>
<p>នាពេលកន្លងមកតារាសម្តែង រាងតូចច្រឡឹងច្រមុះស្រួច ទម្រង់មុខកូនកាត់អឺរ៉ុប កញ្ញា ប៊ីរីយ៉ា ធ្លាប់បានសម្ញែងភាព ផ្អែមល្ហែម សិ្នទ្ធស្នាល ជាមួយសង្សារ ដែលមានមុខមាត់សង្ហា មាឌធំ ។ នាងប្រកាសក្តែងៗថា បុរសម្នាក់នេះ គឺជា ប្រុសកំពូលស្នេហ៍ តែម្នាក់គត់ ដែលនាងមានបំណងចង់ចូលរោងការ ជាមួយ ហើយមិនថាមានរឿងអ្វីទេ នាងនៅ តែចាប់ដៃសង្សារ ដើរទៅមុខជានិច្ចដាច់ខាត មិនបែកគ្នានោះទេ ។ ប៉ុន្តែនៅទីបំផុតពាក្យសម្បថស្នេហ៍ ដ៏ផ្អែមល្ហែម មួយនេះ ត្រូវបានកាត់ផ្តាច់ចោល ដោយគ្មានការស្តាយស្រណោះ ក្រោយពីមានបុរសទី៣ ចូលពុះហែកបំបែក ស្នេហា ឲ្យរលាយគ្មានសល់ប្រៀប ដូចជាអំបិលត្រូវទឹក ។</p>
<p>ដូចពាក្យចាស់លោកពោលថា “ក្រដាសមិនអាចខ្ចប់ភ្លើងជិតនោះទេ” មុននឹងក្រោយរឿងនឹង ត្រូវលាតត្រដាងការ ពិតជាក់ជាមិនខាន កាលពីពេលថ្មីៗនេះតារាបង្ហាញម៉ូដ កញ្ញា ប៊ីរីយ៉ា បានសម្រេចចិត្ត បង្ហាញមុខគូស្នេហ៍ថ្មី ជាសាធារណៈ ណែនាំឲ្យមិត្តភក្តិ និងមហាជនបានស្គាល់ ហើយថាមិនត្រូវគូស្នេហ៍មួយគូនេះ អាចនឹងឈាន ដល់ការចូលរោងការ តាមប្រពៃណី ក្នុងពេលឆាប់ៗនេះផងក៏មិនដឹង ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-065/PISETH-033.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-065/PISETH-037.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-065/PISETH-034.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-065/PISETH-035.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-065/PISETH-036.jpg" alt="" width="600" /></p>
<p style="text-align: right;"><a href="http://www.lookingtoday.com/index.php/entertainment-general-news/29970-2014-05-03-05-40-13.html" target="_blank">ផ្តល់សិទ្ធដោយ ៖ ដើមអម្ពិល</a></p>