<div class="article-content">
<p><strong>កំពង់ចាម ៖</strong> ជនរងគ្រោះ២នាក់ បានសម្រេចចិត្ត ធ្វើអត្តឃាដ ដោយចងក ដែលម្នាក់មកពីជំងឺសរសៃប្រសាទ និងម្នាក់ទៀត មកពីតូចចិត្តប្រពន្ធរត់ចោល ។ ហេតុការណ៍ខាងលើនេះ បានកើតឡើង នៅស្រុកស្រីសន្ធរ និងស្រុកចំការលើ។</p>
<p>មន្រ្តីនគរបាល ស្រុកស្រីសន្ធរ បានឲ្យដឹងថា ស្រ្តីម្នាក់ ត្រូវបានសាច់ញាតិ ប្រទះឃើញចងក សម្លាប់ខ្លួន និងគល់ដើមផ្លែល្មុត នាព្រឹកព្រលឹមថ្ងៃទី៧ ខែសីហា ឆ្នាំ២០១៤នេះ ស្ថិតនៅ ភូមិអូល្វា ឃុំផ្ទះកណ្តាល ស្រុកស្រីសន្ធរ ។</p>
<p>មន្រ្តីនគរបាល បានបន្តទៀតថា ស្រ្តីរងគ្រោះមានឈ្មោះ ឡាយ គឹមអ៊ាង អាយុ៦៥ឆ្នាំ ហើយការធ្វើអត្តឃាដ ខាងលើនេះបណ្តាលមកពីសតិមិនគ្រប់ (សរសៃប្រសាទ) ។</p>
<p>ដោយឡែក នៅព្រឹកថ្ងៃដដែលនេះ បុរសម្នាក់ បានចងក សម្លាប់ខ្លួនផងដែរ នៅស្រុកចំការលើ ដោយមូលហេតុ ប្រពន្ធរត់ចោល ។ ក្រោយកើតហេតុ មន្រ្តីនគរបាល ជំនាញ និងមូលដ្ឋាន បានចុះទៅពិនិត្យសព ជនរងគ្រោះ ហើយប្រគល់ទៅឲ្យ ក្រុមគ្រួសារ យកទៅធ្វើបុណ្យតាមប្រពៃណី៕</p>
<p style="text-align: center;"><img src="http://image.dap-news.com:81/dap-news/dap-images/2014/August/id-007/Pheak-0001.jpg" alt="" width="550" /></p>
<p style="text-align: center;"> </p>
</div>
<p style="text-align: right;"><a href="http://www.dap-news.com/2011-06-14-02-39-55/92262-2014-08-07-00-28-15.html" target="_blank">ផ្តល់សិទ្ធដោយ ៖ ដើមអម្ពិល</a></p>