<p>យ៉ាអួ ត្រូវបានអ្នកជំនាញចាត់ទុកថា ជាអាហារដ៏ប្រណីតមួយប្រភេទ ដោយសារតែវាសម្បូរទៅដោយជាតិកាល់ស្យូម ប្រូតេអ៊ីន និងបាក់តេរីសកម្មល្អៗជាច្រើន ដែលជួយរក្សាពោះវៀនរបស់អ្នកឱ្យមានសុខភាពល្អ។ ម្យ៉ាងទៀតវាជួយ ជំរុញដល់ការសម្រកទម្ងន់ ជួយលើកកម្ពស់មេតាបូលីក ជួយពង្រឹងភាពស៊ាំរបស់រាងកាយ បង្ការជំងឺពុកឆ្អឹង ប្រឆាំងនឹងរោគខ្វះឈាមក្រហម បង្ការការរលាកទ្វារមាស។ លើសពីនេះទៀត វាមានប្រសិទ្ធភាពបញ្ចុះកម្រិតកូឡេស្ដេរ៉ុល ធ្វើឱ្យធ្មេញរឹងមាំ និងជួយឱ្យសក់ និងស្បែកមានសុខភាពល្អ ។</p>
<p><span style="color: #0000ff;"><a href="/News/Detail/20828/how-to-prepare-pineapple-to-relieve-constipation" target="_blank"><span style="color: #0000ff;">-ទល់លាមកខ្លាំង មិនដឹងធ្វើយ៉ាងណា សាករូបមន្ដទឹកម្នាស់នេះលមើល!</span></a></span><br /><a class="thickbox" title="" href="/FileManager/Commons/2019/5/25/coconut-yogurt-07-720x540-25-05-2019--11-11-58.jpg"><img src="/FileManager/Articles/mce/2019/5/25/coconut-yogurt-07-720x540-25-05-2019--11-11-58.jpg" alt="" /></a></p>
<p><strong>ជំរុញដល់ការរំលាយអាហារ</strong><strong></strong></p>
<p>ដោយសារតែវត្ដមានប្រភេទបាក់តេរីសកម្មនៅក្នុងយ៉ាអួ ទើបធ្វើឱ្យការរំលាយអាហារប្រព្រឹត្ដទៅបានស្រួល ។ ជាការពិតណាស់ ប្រូបាយអូទិក ផលិតចេញពីបាក់តេរីនៃឡាទិកអាស៊ីដ ដែលមាននៅក្នុងយ៉ាអួ ជំនួយដល់ការកាត់បន្ថយអាការៈទល់លាមក ជំងឺរាគ និងជំងឺរលាកពោះវៀនធំ និងសូម្បីតែបាក់តេរី H. pylori បង្កជំងឺដំបៅក្រពះ ដែលអាចបណ្ដាលឱ្យកើតជំងឺមហារីកក្រពះ ។</p>
<p><strong>ការពារសុខភាពឆ្អឹង</strong><strong></strong></p>
<p>ក្នុងនាមជាផលិតផលទឹកដោះមួយប្រភេទ យ៉ាអួមានផ្ទុកនូវបណ្ដុំសារធាតុកាល់ស្យូម ប៉ូតាស្យូម និងម៉ាញ៉េស្យូម និងមានផ្ទុកប្រសិទ្ធភាពប្រឆាំងនឹងការរលាក លើរាងកាយ។ សារធាតុកាល់ស្យូម និងម៉ាញ៉េស្យូម មានសារសំខាន់សម្រាប់ថែរក្សាឆ្អឹង និងធ្មេញឱ្យមានសុខភាពល្អ។ យោងតាមការសិក្សាស្រាវជ្រាវមួយចុះផ្សាយ នៅក្នុងទស្សនាវដ្ដីវេជ្ជសាស្រ្ដ Calcified Tissue International ដែលធ្វើឡើងដោយអតីតប្រធានសមាគមជាតិជំងឺពុកឆ្អឹងនៃចក្រភពអង់គ្លេស បានឱ្យដឹងថា ផលិតផលទឹកដោះ ក៏ល្អប្រសើរសម្រាប់បុរសស្រ្ដី ដែលរងវិបត្ដិដោយសារជំងឺពុកឆ្អឹង ជំងឺរលាកសន្លាក់ និងជំងឺខូចសន្លាក់ផងដែរ ។ ការបរិភោគជាតិកាល់ស្យូមគ្រប់គ្រាន់ ក៏អាចជួយបញ្ចុះហានិភ័យនៃជំងឺពុកឆ្អឹងចំពោះស្រ្ដីអស់រដូវផងដែរ ។</p>
<p><br /><a class="thickbox" title="" href="/FileManager/Commons/2019/5/25/shutterstock513610546-25-05-2019--11-12-43.jpg"><img src="/FileManager/Articles/mce/2019/5/25/shutterstock513610546-25-05-2019--11-12-43.jpg" alt="" /></a></p>
<p><strong>បង្ការអាការៈរលាកទ្វារមាស</strong><strong></strong></p>
<p>ការរលាកទ្វារមាស ដែលបណ្ដាលមកពីផ្សិត ត្រូវបានគេសង្កេតឃើញកើតមានចំពោះស្រ្ដី ដែលផ្ទុកជំងឺទឹកនោមផ្អែម ។ ការទទួលទានយ៉ាអួជាប្រចាំថ្ងៃ មានប្រសិទ្ធភាពបញ្ចុះកម្រិត pH នៃផ្លូវទ្វារមាស និងបង្ការអាការៈរលាកដោយសារផ្សិត ។</p>
<p><strong>គ្រប់គ្រងទម្ងន់រាងកាយ</strong><strong></strong></p>
<p>ការសិក្សានានា ដែលបានចុះផ្សាយ នៅក្នុងទស្សនាវដ្ដីស្ដីពីការលើសទម្ងន់អន្ដរជាតិ(ទីក្រុងឡុង)( International Journal of Obesity) បានបង្ហាញថា យ៉ាអួមានប្រសិទ្ធភាព ជំរុញដល់ការសម្រកជាតិខ្លាញ់ និងកាត់បន្ថយការកពូនជាតិខ្លាញ់ក្បាលពោះ ។ វាជួយឱ្យអ្នកមានអារម្មណ៍ថា ឆ្អែត ហេតុនេះ អ្នកអាចបញ្ចៀសការញ៉ាំអាហារច្រើនជ្រុល។ ប្រសិទ្ធភាពនេះ មិនត្រឹមតែជួលដល់ការគ្រប់គ្រងទម្ងន់រាងកាយប៉ុណ្ណោះទេ តែថែមទាំងជួយកាត់បន្ថយជាតិខ្លាញ់ត្រង់ក្បាលពោះផងដែរ ។ <strong></strong></p>
<p><strong>ពង្រឹងមុខងារខួរក្បាល<br /> </strong>ដោយសារតែវាសម្បូរទៅដោយសារធាតុប្រូបាយអូទិក ទើបធ្វើឱ្យវាមានប្រសិទ្ធភាពពង្រឹងអារម្មណ៍ឱ្យរឹងប៉ឹង និងជួយឱ្យការចងចាំបានល្អ នេះបើយោងតាមការសិក្សាស្រាវជ្រាវ ធ្វើឡើងដោយក្រុមអ្នកសិក្សាស្រាវជ្រាវនៃសាកលវិទ្យាល័យ California Los Angeles។ ប្រភពដ៏សម្បូរបែបនៃសារធាតុប៉ូតាស្យូម នៅក្នុងយ៉ាអួ មានសារសំខាន់សម្រាប់សុខភាពសរសៃប្រសាទ និងរក្សាតុល្យភាពជាតិទឹក នៅក្នុងរាងកាយ ៕</p>
<p><br /><a class="c_tab" href="http://facelinecambodia.com/" target="_blank"><img src="/FileManager/Articles/mce/2019/5/28/microbleding-new-promo-500x168-01-28-05-2019--09-36-36.jpg" alt="" /></a></p>
<p> </p>
<p> </p>
<p>ប្រែសម្រួល៖ សារ៉ាត</p>
<p>ប្រភព៖ organicfacts</p>